«Եվրատեսիլ 2026» երգի մրցույթը տեղի կունենա Ավստրիայի մայրաքաղաք Վիեննայում` մայիսի 12-ին, 14-ին և 16-ին։ Այս մասին տեղեկանում ենք «Եվրատեսիլի» պաշտոնական էջից։

Միջազգային երգի մրցույթը Վիեննան հյուրընկալում է 3–րդ անգամ. առաջին անգամ` 1967 թ.–ին, երկրորդ անգամ` 2015 թ.–ին։

Հիշեցնենք, որ «Եվրատեսիլ 2025» երգի միջազգային մրցույթում հաղթել էր Ավստրիայի մասնակիցը։

Դուբայի բնակչուհի Նադին Այուբը կներկայացնի Պաղեստինը «Միսս Տիեզերք 2025» մրցույթում, հաղորդում է Zakon.kz-ն։

Մրցույթը տեղի կունենա նոյեմբերի 21-ին Պակ Կրետ քաղաքում (Կենտրոնական Թաիլանդ) և կդառնա թվով 74-րդը:

Նադին Այուբը 2022 թվականին արժանացել է «Միսս Պաղեստին» տիտղոսին։

Աղջկա խոսքով՝ ինքը հետաձգել է մասնակցությունը միջազգային մրցույթներին Պաղեստինում շարունակվող հումանիտար ճգնաժամի պատճառով: Նրա մասնակցությունը մրցույթին, ըստ նրա, հնարավորություն է օգնելու իր ժողովրդին, հատկապես Գազայի բնակիչներին, որոնք ամեն օր տառապում են:

Հայտնի է նաև, որ Նադին Այուբը դիպլոմավորված սննդաբան է, նա ունի գրականության և հոգեբանության գիտական աստիճան:

ՀՀ նախագահ Վահագն Խաչատուրյանը հրամանագիր է ստորագրել, ըստ որի՝ Վահագն Աթաբեկյանը հետ է կանչվել Լիբանանի Հանրապետությունում Հայաստանի Հանրապետության արտակարգ և լիազոր դեսպանի պաշտոնից։

«Հիմք ընդունելով վարչապետի առաջարկությունը՝ համաձայն Սահմանա-դրության 132-րդ հոդվածի 1-ին մասի 2-րդ կետի, ինչպես նաև «Դիվանագիտական ծառայության մասին» օրենքի 14-րդ հոդվածի.

Վահագն ԱԹԱԲԵԿՅԱՆԻՆ հետ կանչել Լիբանանի Հանրապետությունում Հայաստանի Հանրապետության արտակարգ և լիազոր դեսպանի պաշտոնից»,- ասված է հրամանագրում:

Հայաստանի համար ԵՄ վիզայի ազատականացումն իրատեսական է։ Այս մասին ՍիվիլՆեթի հետ զրույցում ասել է ԵՄ դեսպան Վասիլիս Մարագոսը։ Դեսպանի խոսքով՝ 2019-ից հետո ԵՄ-ն Հայաստանից բացի այլ գործընկերոջ հետ վիզաների ազատականացման վերաբերյալ երկխոսություն չի սկսել։ 

«Հայաստանի հետ վիզաների ազատականացման երկխոսության մեկնարկը քաղաքական բացառիկ քայլ էր, որ արվեց անցյալ տարի: Մենք դրա մեկնարկը տվեցինք 2024-ի սեպտեմբերի 9-ին: Վերջին հինգ տարիների ընթացքում, երբ Եվրոպական հանձնաժողովը նախագահել է Ուրսուլա Ֆոն դեր Լայենը (խմբ․ 2019), մենք փաստացի վիզաների ազատականացման վերաբերյալ երկխոսություն չենք սկսել որևէ այլ գործընկերոջ հետ: Այնպես որ, դա նշանակալի իրադարձություն է: Եվ մենք դա արեցինք, որովհետև հավատում ենք դրան, որովհետև հավատում ենք, որ դա իրատեսական է»,- ասել է Մարագոսը:

ԵՄ դեսպանը բավարար է համարում մինչ այս Հայաստանի կողմից արված աշխատանքը՝ վիզաների ազատականացմանը հասնելու համար: 

«Մենք գնահատողական առաքելություններ ենք ունեցել, երբ հունիսին այստեղ էր Բարձր ներկայացուցիչ Կայա Կալլասը: Նա հայտարարեց վիզաների ազատականացման գործողությունների ծրագրի նախապատրաստման ներքին հանձնաժողովի աշխատանքների ավարտի մասին: Այժմ սա քննարկվում է անդամ պետությունների հետ, և երբ այս քննարկումն ավարտվի, հուսով եմ՝ շուտով գործողությունների ծրագիրը կներկայացնենք հայ հանրությանը, հայաստանյան իշխանություններին»,- ասել է Մարագոսը:

Ըստ դեսպանի, այդ գործողությունների ծրագրի իրականացումը կսահմանի այն ժամանակացույցը, թե ՀՀ քաղաքացիները երբ հնարավորություն կունենան առանց վիզայի ճանապարհորդել ԵՄ: Դեսպանի խոսքով, նվազագույնը երեք տարի կպահանջվի։

Oգոստոսի 20-25-ին Շիրակում, Արարատյան դաշտում, Արագածոտնի, Կոտայքի և Վայոց ձորի նախալեռներում, Սյունիքի հովիտներում, ինչպես նաև Երևանում սպասվում է բարձր կարգի հրդեհավտանգ իրավիճակ։ Այս մասին հայտնում են  «Հիդրոօդերևութաբանության և մոնիթորինգի կենտրոն»-ից:

​​Երևանում օգոստոսի 20-ի ցերեկը, 21-25-ին սպասվում է առանց տեղումների եղանակ։ Օգոստոսի 20-22-ին և 25-ին երեկոյան սպասվում է քամու ուժգնացում՝ 14-18 մ/վ արագությամբ։

Մարզերում օգոստոսի 20-ի ցերեկը, 21-25-ին սպասվում է առանց տեղումների եղանակ: Քամին՝ հարավարևմտյան 2-5մ/վ։ Օգոստոսի 20-22-ին և 25-ին երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 15-18 մ/վ արագությամբ։ Օդի ջերմաստիճանն էապես չի փոխվի։

Ռուսական զորքերը «Գերան-2» անօդաչու թռչող սարքերով (ԱԹՍ) հարձակում են սկսել Օդեսայի մարզի ամենամեծ «Տրիտոն» նավթամբարի վրա։ Այս մասին չորեքշաբթի՝ օգոստոսի 20-ին, հայտնել է Lenta.ru-ն:

«Ռուսաստանի զինված ուժերը «Գերան-2» անօդաչու սարքերով մի շարք հարվածներ են հասցրել Իզմայիլի վառելիքի լոգիստիկ ենթակառուցվածքներին», - ասվում է հաղորդագրության մեջ։

Վեցից ավելի դիզելային վառելիքի բաքեր ոչնչացվել են, իսկ նավթաքիմիական «Էքսելլիոն» լցանավը՝ վնասվել։ Նավթամբարում լսվել է ավելի քան 30 պայթյուն։

Անվտանգության աղբյուրների տվյալներով՝ մոտ 60,000 իսրայելցի պահեստազորայիններ պետք է ստանային զորակոչի հրամաններ, որոնք զինվորականները կհրապարակեն չորեքշաբթիից սկսած. պատճառը Գազա քաղաքի գրավման գործողությունն է, որն արդեն հաստատել է Իսրայելի պաշտպանության նախարար Իսրայել Կացը:

Պահեստազորայիններին ծառայության ներկայանալու համար առնվազն երկու շաբաթ կունենան, գրում է  Times of Israel-ը։

Նրան կմիանան տասնյակ հազարավոր պահեստազորայիններին, որոնք ներկայումս ծառայում են պահեստազորում։ Եթե Գազա քաղաքի հարձակումը շարունակվի, գործողության ընթացքում պահեստազորում կլինեն մոտ 130,000 իսրայելցիներ։

Գազա քաղաքի գրավման գործողությունը ստացել է «Գեդեոնի կառքեր 2» անվանումը։

«Այս գործողության ավարտից հետո Գազան կփոխի իր տեսքը և այլևս նույնը չի լինի», - ասել է պաշտպանության նախարարը։

ԱՄՆ նախագահ Դոնալդ Թրամփը լրագրող Մարկ Լևինին տված հարցազրույցում խոսել է իր խաղաղարար ջանքերի մասին՝ անդրադառնալով Հայաստանի և Ադրբեջանի միջև Վաշինգտոնում կնքված հռչակագրին: Հատկանշական է, որ ԱՄՆ նախագահը  չի կարողացել ճիշտ արտասանել «Ադրբեջան» բառը՝ ասելով «Աբրբաժան», իսկ Հայաստանն անվանել է «Ալբանիա»:

«Գիտե՞ք՝ որքան շատ զարմանալի բաներ։ են տեղի ունեցել: Աբրբաժանի մեծ հակամարտությունն Ալբանիայի հետ տևել էր 34-35 տարի: Դա տարիներ ի վեր շարունակվում էր: Ես ծանոթացա առաջնորդների հետ, ճանաչեցի նրանց առևտրի միջոցով, մի փոքր շփվեցի նրանց հետ և ասացի. «Ինչո՞ւ եք կռվում, տղերք»։ Հետո ասացի. «Ես չեմ պատրաստվում ձեզ հետ առևտուր անել, եթե դուք կռվելու եք։ Դա խելագարություն է»: Ի վերջո, մի բանը հանգեցրեց մյուսին, և ես լուծեցի այս հարցը՝ չնայած մարդիկ ասում էին՝ չի լուծվելու: Նույնիսկ երբ նրանք երկուսն էլ Օվալաձև աշխատասենյակում էին, պատրաստվում էին ստորագրել, նստած էին կողք կողքի, բայց փորձում էին փախչել, լավ չէին զգում մի տեսակ։ Բայց վերջում նրանք գրկախառնվեցին և շնորհավորեցին միմյանց: Իսկապես հաճելի էր դա տեսնելը։ Բայց ես այդ ամենը արեցի, գիտեք, և վերջին վեց ամիսների ընթացքում ոչ ոք երբեք նման բան չի արել», - ասել է Թրամփը։

Տեսանյութը կարող եք լսել սկսած 5-րդ րոպեից: 

ՆԳՆ-ից, տեղեկացնում են, որ «Զենքի շրջանառության կարգավորման մասին» օրենքի 37-րդ հոդվածի 7-րդ մասի համաձայն՝ զենքով պարգևատրված անձինք պարտավոր են 2023 թ. հունիսի 1-ից երկու տարվա ընթացքում ՆԳՆ ոստիկանություն ներկայացնել հետևյալ փաստաթղթերը․

Զենքի շրջանառության կարգավորման մասին» օրենքի 11-րդ հոդվածի 11-րդ մասի 5-րդ կետով նախատեսված՝ զենքի տիրապետումը խոչընդոտող հիվանդությունների և վիճակների բացակայությունը հավաստող բժշկական փաստաթղթեր,

զենքի հետ կապված և անվտանգության կանոնների իմացության տեսական և գործնական քննությունները հանձնելու վերաբերյալ համապատասխան փաստաթուղթ։

Սահմանված փաստաթղթերը չներկայացնելու դեպքում զենքը ոստիկանությունը մալում է և վերադարձնում տիրոջը:

Մինչև 2025 թվականի հունիսի 1-ը քննության հավաստագիր և բժշկական փաստաթղթեր չներկայացրած անձինք, օրենքով սահմանված կարգով, զենքը կարող են հանձնել քաղաքացիական և ծառայողական զենքի առևտրի լիցենզիա ունեցող իրավաբանական անձանց վաճառելու կամ պետական ռազմականացված կազմակերպություններին՝ նվիրելու նպատակով։

Վաճառքը պետք է իրականացվի քաղաքացիական օրենսդրությամբ սահմանված ընթացակարգով՝ առուվաճառքի պայմանագրի տեսքով՝ այդ մասին նախապես տեղեկացնելով զենքի հաշվառման վայրի ոստիկանության համապատասխան ստորաբաժանում։

Անձը զենքը կարող է նվիրել նաև ցանկացած պետական ռազմականացված կազմակերպության․ այս դեպքում նվիրատուն գրավոր ներկայացնում է այդ մասին, այնուհետև ընդունվում է ՀՀ կառավարության որոշում՝ գույք ընդունելու վերաբերյալ։

Ուկրաինայում անհաջողություններից հետո Կրեմլը թշնամիների նոր կերպարներ է փնտրում։ Այս մասին հայտարարել է նախկին արտգործնախարար Թոֆիկ Զուլֆուգարովը, գրում է ադրբեջանական Telegram ալիքը։

Նրա խոսքով՝ վերջին ամիսներին ռուսական քարոզչության հատուկ թիրախներ են դարձել Ադրբեջանը և Ղազախստանը։ Նախկինում այս հարձակումները ուղղված են եղել Բալթյան երկրների, ՆԱՏՕ-ի և Ֆրանսիայի դեմ։

«Ռուսաստանը չի համարձակվի երկրորդ ճակատ բացել Ադրբեջանի դեմ։ Այս քարոզչական ճնշումը կշարունակվի։ Առայժմ մենք միայն արդյունքներն ենք տեսնում, բայց ժամանակի ընթացքում իրավիճակը ավելի պարզ կդառնա», - ասել է նա։

«Ադրբեջանի և Թուրքիայի միջև կա ամուր դաշինք, որը մեզ պաշտպանում է ցանկացած ռազմական սպառնալիքից։ Սակայն Ռուսաստանը ո՛չ քաջություն ունի, ո՛չ էլ ուժ երկրորդ ճակատ բացելու համար», - հավելել է նախկին նախարարը։