«Շատ զայրացած եմ». Թրամփը՝ Ուկրաինայի վերաբերյալ Պուտինի խոսքերի մասին
ԱՄՆ նախագահ Դոնալդ Թրամփը կիրակի NBC հեռուստաալիքին տված հարցազրույցում հայտարարել է, որ «շատ զայրացած է» Ռուսաստանի նախագահ Վլադիմիր Պուտինի վրա, քանի որ նա քննադատել է Ուկրաինայի նախագահ Վոլոդիմիր Զելենսկուն՝ կասկածի տակ դնելով նրա հեղինակությունը։
Ուրբաթ Պուտինն առաջարկել էր Ուկրաինան վերցնել ՄԱԿ-ի ժամանակավոր վերահսկողության տակ՝ մինչև «իրավասու կառավարություն» ընտրելը։ Վաշինգտոնը մերժել է առաջարկը, մինչդեռ Պուտինը կրկին թիրախավորել է Ուկրաինայի կառավարությունն ու Զելենսկուն, որին Կրեմլը շարունակում է մեղադրել «ոչ լեգիտիմության» համար:
ԱՄՆ նախագահը սպառնացել է «երկրորդային մաքսատուրքեր սահմանել Ռուսաստանից ստացվող ամբողջ նավթի վրա»։ Նա նաև նշել է, որ պատրաստ է արգելել ընկերություններին բիզնեսով զբաղվել ԱՄՆ-ում, եթե նրանք «նավթ են գնում Ռուսաստանից»։
Ինչևէ, Թրամփը լավատեսորեն է տրամադրված և հույս ունի, որ Պուտինն իր խոսքի տերը կլինի և Ուկրաինայի հետ կպայմանավորվի հրադադարի հարցի շուրջ:
ԱՄՆ նախագահ հայտարարել է, որ ինքն ու Ռուսաստանի նախագահը պլանավորում են առաջիկա շաբաթվա ընթացքում հերթական զրույցն անցկացնել: Թրամփը հավաստիացրել է, որ չնայած Ուկրաինայում տիրող իրավիճակի հետ կապված իր դժգոհությանը, «շատ լավ հարաբերություններ է պահպանում Պուտինի հետ»:
Latest from ArmNews
- Հայաստանի կառավարությունը նախատեսում է բարձրացնել կենսաթոշակները քեշբեքի մեխանիզմների ընդլայնման հաշվին
- Կլինի՞ «Սարդոստայն 2». Ուկրաինայում պատրաստվում են հաջորդ բարդ օպերացիային
- Ռաֆինյան ճանաչվել է Լա Լիգայի 2024/25 մրցաշրջանի լավագույն ֆուտբոլիստ
- Իլոն Մասկն ու Դոնալդ Թրամփը միլարարդներ են կորցրել վեճի պատճառով
- Փաշինյանը և Իրանի նախագահը քննարկել են անվտանգությանն առնչվող հարցեր
- ««Հրապարակ» թերթին անպայման դատի կտամ»․ Նիկոլ Փաշինյան
- Վրաստանը չի ընդունել Հայաստանից ներմուծված ծաղիկների խմբաքանակը
- «Պուտին-Փաշինյան հարաբերություններում որևէ խնդիր չկա»․ Մատվիենկո
Լրահոս
Ֆոտո
