Կրիշտիանու Ռոնալդուն Սպիտակ տնից համատեղ լուսանկարներ է հրապարակել նախագահ Դոնալդ Թրամփի հետ և շնորհակալություն հայտնել նրան և նրա տիկնոջը։ 

Այս մասին պորտուգալացի ֆուտբոլիստը հրապարակում է արել իր «Ինստագրամի» էջում։

«Շնորհակալություն, պարոն նախագահ, հրավերի և ջերմ ընդունելության համար, որը դուք և առաջին տիկինը ցուցաբերեցիք ինձ և իմ ապագա կնոջը՝ Ջորջինային։

Մեզանից յուրաքանչյուրը կարող է ինչ-որ իմաստալից բան տալ, և ես պատրաստ եմ իմ ներդրումն ունենալ, որպեսզի մենք ոգեշնչենք նոր սերունդներին կառուցել ապագա՝ հիմնված քաջության, պատասխանատվության և հարատև խաղաղության վրա»: