ԱՄՆ պետքարտուղար Մարկո Ռուբիոն հույս ունի, որ Ադրբեջանի և Հայաստանի միջև շուտով խաղաղ համաձայնագիր կկնքվի: Այս մասին նա հայտարարել է ամերիկյան կառավարության նիստում, որին ներկա է եղել նախագահ Դոնալդ Թրամփը։

«Հուսով եմ, որ շատ շուտով Ադրբեջանի և Հայաստանի միջև խաղաղության համաձայնություն ձեռք կբերվի», - ասել է Ռուբիոն:

Խաղաղության պայմանագրի տեքստի վրա աշխատանքները սկսվել են 2022 թվականի մարտին, երբ Ադրբեջանը Հայաստանին է փոխանցել հինգ կետից բաղկացած առաջարկություն։ Այնուհետև Երևանն ուղարկեց իր առաջարկներն ու մեկնաբանությունները։ Երեք տարվա ընթացքում կողմերը միմյանց ուղարկել են 10-ից ավելի առաջարկների փաթեթ։

Արդյունքում 2025 թվականի մարտի 13-ին կողմերը հայտարարեցին ամբողջ փաստաթղթի համաձայնեցման մասին։