Չինաստանի հյուսիսի Ներքին Մոնղոլիայի Ինքնավար Շրջանում ջրհեղեղի հետևանքով զոհված զբոսաշրջիկների թիվը հասել է 12-ի: Այդ մասին հաղորդել է Xinhua  գործակալությունը։ 

Նշվում է, որ որոնողական աշխատանքների ընթացքում իշխանությունները մոբիլիզացրել են ավելի քան 1600 փրկարարի։ Զոհված զբոսաշրջիկներից վերջինի մարմինը, որոնց հզոր հոսքը քշել-տարել էր իրենց մեքենաների հետ, հայտնաբերվել է օգոստոսի 22-ի առավոտյան։

Անցյալ շաբաթ հաղորդվել էր ութ զոհի և չորս անհետ կորածի մասին։ Արտակարգ դեպքը տեղի է ունեցել օգոստոսի 16-ի երեկոյան Բայան Նուր քաղաքի շրջանում գտնվող զբոսաշրջային ճամբարում: