Հասարակական գործիչ Նարեկ Մալյանի ֆեյսբուքյան գրառումը․ «Նիկոլին անվստահություն հայտնելու միակ հակառակորդը Ռոբերտ Քոչարյանն է: Նա այս պահին իմպիչմենտի իրականացման միակ արգելքն է: Սա արդեն հանրությանը հայտնի փաստ է:
Հուսով եմ ԱԺ լսումների ժամանակ ընդդիմադիր պատգամավորների մոտ ի վերջո կձևավորվի ազգային հարցի շուրջ միավորման ցանկություն:
Իմպիչմենտին չմիացած պատգամավորները, անկախ պատճառաբանություններից, վերջնական զրկվում են ընդդիմադիրի կոչումից, հետևաբար՝ արժեզրկվում են, հետևաբար որևէ ընտրական ցուցակի մասին կարող են մոռանալ: Ցանկացած ուժ՝ որն իր ցուցակում կունենա իմպիչմենտին չմիացած որևէ պատգամավորի անուն կարժանանա հանրային պարսավանքի:
Խաբեբաները որևէ ցուցակ չպետք է սողոսկեն»։

Նարեկ Մալյան

Ղրիմը խորհրդանշական վայր է Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հնարավոր հաջորդ հանդիպման համար։ Այս մասին РИА Новости-ին հայտարարել է Ղրիմի խորհրդարանի ղեկավար Վլադիմիր Կոնստանտինովը։

«Ղրիմը շատ խորհրդանշական վայր է։ Թերակղզում բանակցություններ վարելը ավտոմատ կերպով կնշանակի Ղրիմի ռուսական կարգավիճակի ճանաչում (Ամերիկայի կողմից,- Газета.Ru)»,- ընդգծել է նա։

Ինչպես նշել է քաղաքական գործիչը, այս պահին Ղրիմի՝ որպես երկու պետությունների ղեկավարների հանդիպման վայրի մասին որևէ խոսք չկա։

Սեպտեմբերի 10-ին Թրամփը հայտարարել է, որ առաջիկա օրերին հեռախոսազրույց կունենա Պուտինի հետ։ Սպիտակ տան ղեկավարի խոսքով՝ Ռուսաստանի առաջնորդի հետ իր զրույցը կկայանա այս շաբաթ կամ հաջորդ շաբաթվա սկզբին։

Կրեմլի խոսնակ Դմիտրի Պեսկովը հայտարարել է, որ ներկայումս երկու նախագահների միջև ապագա հեռախոսազրույցի վերաբերյալ որևէ պայմանավորվածություն չկա։

Ինչպես է Ռուբեն Ռուբինյանը Մարգարայի կամրջի վրա դիմավորում է Սերդար Քըլըչին. Տեսանյութ

Լատվիայի ՆԳՆ ղեկավար Ռիհարդս Կոզլովսկիսը հայտարարել է Բելառուսի հետ սահմանի հնարավոր փակման մասին: Նրա խոսքերը մեջբերում է BB հրատարակությունը։

Նրա խոսքով՝ Ռիգան պատրաստ է փակել Բելառուսի հետ միակ սահմանային անցակետը: Մյուս երեքը փակվել են մի քանի տարի առաջ։

Կոզլովսկիսը նշել է, որ սահմանների փակումը պետք է լինի համակարգված և միասնական գործողություն Լատվիայում, Լիտվայում և Լեհաստանում: Նա ասել է, որ այս հարցի շուրջ մշտական ​​կապի մեջ է Բալթյան երկրների ՆԳ նախարարների հետ:

ՌԴ-ի արտաքին գործերի նախարարության հարցման տվյալների՝ Ռուսաստանի նախագահ Վլադիմիր Պուտինին վստահում է ռուսների մեծամասնությունը (80%), հարցվածների 82%-ը դրական է գնահատում նրա աշխատանքը որպես պետության ղեկավար։ Այս մասին գրում է РИА Новости-ն:

Հարցվածների տասից ութը (82%) նշել են, որ Պուտինը լավ է կատարում իր աշխատանքը որպես Ռուսաստանի նախագահ, մինչդեռ հարցվածների 8%-ը հայտնել է հակառակ կարծիքը։ Բացի այդ, ռուսների 80%-ը նշել է, որ վստահում է Ռուսաստանի Դաշնության նախագահին, իսկ հարցվածների 9%-ը անվստահություն է հայտնել Պուտինի նկատմամբ, ըստ ՌԴ նախագահի գրասենյակի կայքում հրապարակված հարցման արդյունքների։

Հարցվածների կեսից ավելին (58%) կարծում է, որ Ռուսաստանի կառավարությունը բավականին լավ է աշխատում, հարցվածների 23%-ը կարծում է, որ Ռուսաստանի կաբինետը բավականին վատ է աշխատում: Ռուսաստանի կառավարության ղեկավար Միխայիլ Միշուստինի աշխատանքը դրական է գնահատում քաղաքացիների 60%-ը, հարցվածների 11%-ը դժգոհ է նրա աշխատանքից:

Իշխանական պատգամավոր Վահագն Ալեքսանյանը պարբերաբար հանդես է գալիս Մայր Աթոռ Սուրբ Էջմիածնի, Ամենայն Հայոց Կաթողիկոսի և բարձրաստիճան եկեղեցականների հասցեին խիստ վիրավորական ու բացարձակապես անհիմն մեղադրանքներով։ Այս մասին ֆեյսբուքյան իր էջում գրել է Մայր Աթոռի տեղեկատվական համակարգի տնօրեն Տեր Եսայի քահանա Արթենյանը։ 

«Օրերս սույն անձը հերթական հերյուրական ու զրպարտիչ հայտարարությունն է կատարել՝ պնդելով, թե իբր Մայր Աթոռում 2021թ․ փակցված են եղել «Հայաստան» դաշինքի լոգոները՝ անգամ համեմատելով դրանք սրբապատկերների հետ։

Նման պնդումները բացարձակապես չեն համապատասխանում իրականությանը։ Մայր Աթոռ Սուրբ Էջմիածինը երբևէ չի եղել և չի կարող լինել որևէ քաղաքական ուժի քարոզչական հարթակ։ Սրբավայրերի մասին նման անարգալից խոսույթը ոչ միայն քաղաքական շահարկում է, այլև խորապես վիրավորում է հավատավոր մեր ժողովրդի հոգևոր և նվիրական զգացումները։

Խստորեն դատապարտում ենք պատգամավորի այս պախարակելի արտահայտությունները և հորդորում քաղաքական գործիչներին զերծ մնալ Եկեղեցու թիրախավորումից»,- գրել է նա:

Արևմտյան «բազեները» ցանկանում են լայնածավալ պատերազմ հրահրել Ռուսաստանի հետ՝ Լեհաստանի օդային տարածքում հայտնաբերված անօդաչու թռչող սարքերի (ԱԹՍ) հետ կապված միջադեպից հետո։ Այս մասին Х սոցցանցի իր էջում հայտարարել է Ֆրանսիայի «Հայրենասերներ» կուսակցության առաջնորդ Ֆլորիան Ֆիլիպոն։ 

«Բազեները ցանկանում են արագացնել լայնածավալ պատերազմի սկիզբը։ Նրանք պատրաստ են ցանկացած սադրանքի։ Ֆրանսիացիները պետք է պահանջեն, որ Ֆրանսիան դուրս գա այս իրավիճակից և պահանջեն ԽԱՂԱՂՈՒԹՅՈՒՆ»,- վրդովված է քաղաքական գործիչը։

Այսպես է Ֆիլիպոն մեկնաբանել Կանադայի արտաքին գործերի նախարար Անիտա Անանդի այն հայտարարությունը, որ ՆԱՏՕ-ի կանոնադրության 5-րդ հոդվածը կարող է կիրառվել Լեհաստանում անօդաչու թռչող սարքերի հետ կապված միջադեպի նկատմամբ։

Սեպտեմբերի 10-ին Լեհաստանի կառավարության խոսնակ Ադամ Շլապկան հայտարարեց, որ Հյուսիսատլանտյան դաշինքը անօդաչու թռչող սարքի միջադեպի պատճառով կիրառել է ՆԱՏՕ-ի կանոնադրության 4-րդ հոդվածը։ 

Հոդվածը նախատեսում է խորհրդակցություններ, եթե դաշինքի անդամ երկրներից որևէ մեկի կարծիքով «տարածքային ամբողջականությունը, քաղաքական անկախությունը կամ անվտանգությունը սպառնալիքի տակ են»։

«Հրապարակ» թերթը գրում է․ «ՔՊ-ում գրեթե համոզված են, որ ՔՊ նոր վարչության «կինդեր սյուրպրիզը» լինելու է պատգամավոր Տաթեւիկ Գասպարյանը` խորհրդարանի լռակյացներից մեկը, որը գիտական հոդվածների հեղինակ է եւ, ինչպես ՔՊ-ում են բնութագրում՝ փայլուն տիրապետում է անգլերենին:

Բայց նրա ամենամեծ արժանիքն Աննա Հակոբյանի հետ մտերմությունն է։ ՔՊ կանանց շրջանում միշտ քննարկում են, թե ինչպես է հաջողվում նրան այդքան հաճախ հայտնվել վարչապետի կնոջ նախաձեռնած միջոցառումներին։ ՔՊ նոր վարչությունը, հիշեցնենք, կընտրվի սեպտեմբերի 20-ին՝ կուսակցության համագումարի ընթացքում:

Կանանց քվոտան ավելացրել են, վարչության կազմում 20 անդամից 5-ը պետք է կին լինի։ ՔՊ-ական կին գործիչներից վարչության անդամի համար առաջադրվել են վարչապետի խոսնակ Նազելի Բաղդասարյանը, պատգամավորներ Հասմիկ Հակոբյանը, Արուսյակ Ջուլհակյանը, Հերիքնազ Տիգրանյանը, Արուսյակ Մանավազյանը, Սոնա Ղազարյանը, Ալխաս Ղազարյանը, Տաթեւիկ Գասպարյանը, առողջապահության նախարար Անահիտ Ավանեսյանը, ցանկում այլ անուններ էլ կան, որոնք հանրությանն այնքան էլ հայտնի չեն»։

«Հրապարակ» թերթը գրում է․ «Իշխանական թիմը վստահ է, որ հաջորդ ընտրություններով վերարտադրվելու է, ուստի սկսել են պաշտոնների բաժանման քննարկումները։ 

Մեր աղբյուրներն ասում են, որ ՔՊ-ում մի ստվար խումբ խմբակցության քարտուղար, ճամբարափոխ եւ իր քավորից հրաժարված Հայկ Կոնջորյանին է տեսնում ԱԺ նախագահի պաշտոնին: Թիմում դա բացատրում են նրանով, որ նա անմրցելի քաղաքական հռետոր է, մարդկային փոխհարաբերություններում զուսպ է, կոմպրոմիսի գնացող:

Իսկ ոմանց կարծիքով, Կոնջորյանն արժանի չէ նման բարձր պաշտոնի, ճամբարափոխի իմիջ ունի եւ խոցելի է այդ առումով։ Ոմանք առավել հավանական են համարում ԱՄՆ-ում ՀՀ նախկին դեսպան Լիլիթ Մակունցի թեկնածությունը: 

Թիմում խոսում են, որ Մակունցին Փաշինյանը որոշել է ներգրավել նախընտրական գործընթացի կազմակերպչական հարցերում, եւ, դատելով կանանց հանդեպ նրա ակնածանքից, չի բացառվում, որ այս առանցքային պաշտոնին էլ որոշի կին նշանակել, եթե, իհարկե, 2026-ին կարողանա իշխանությունը վերցնել»:

Արտգործնախարարությունը նշել էր, որ 2025թ. օգոստոսի 8-ին Վաշինգտոնում ձեռք բերված պայմանավորվածությունների համաձայն՝ կողմերը քննարկել են սահմանագծի համապատասխան հատվածների/հատվածամասերի սահմանազատման և ականազերծման, ինչպես նաև անհրաժեշտ ենթակառուցվածքների վերականգնման ու կառուցման և դրանց իրականացման ժամկետների հետ կապված հարցեր՝ հաղորդակցությունների ստեղծման ոլորտում գործողությունների սինխրոնիզացման նպատակով։

Հայտարարությունից հետո Sputnik Արմենիան ՀՀ փոխվարչապետ Մհեր Գրիգորյանի գրասենյակից հետաքրքրվել էր, թե երկու երկրների պատվիրակություններն ի՞նչ տարածք էին այցելել։ 

Սահմանազատման հայկական հանձնաժողովի նախագահ, փոխվարչապետ Գրիգորյանի գրասենյակը փաստացի չի տվել հարցի պատասխանը, թե դելիմիտացիայի և ականազերծման, ինչպես նաև ենթակառուցվածքների վերականգնման մասին քննարկման ընթացքում որ շրջանների մասին էր խոսքը։

«Նշված հարցերը քննարկման փուլում են»,– միայն սա էր պատասխանը: