Ընթացք է տրվել «Իրազեկ քաղաքացիների միավորումը» հասարակական կազմակերպության կողմից դատախազություն ներկայացված հաղորդմանը, որը կապված էր Մայր Աթոռի դիվանապետ Արշակ արքեպիսկոպոս Խաչատրյանի անձնական կյանքի գաղտնիությունը խախտելու ենթադրյալ դեպքի հետ։ Այս մասին հայտնել են Գլխավոր դատախազությունից։

Հիշեցնենք՝ Մայր Աթոռի դիվանապետ Արշակ արքեպիսկոպոս Խաչատրյանին վերագրվող տեսանյութեր էին հրապարակվել տելեգրամյան Armenian WikiLeaks անունով ալիքում։

ԱՄՆ ռազմածովային ուժերի Nimitz ավիակրի վրա գտնվող MH-60R ուղղաթիռը և F/A-18F Super Hornet կործանիչն աղետի են ենթարկվել՝ առանձին թռիչքներ կատարելով Հարավչինական ծովի շրջանում: Այս մասին հոկտեմբերի 27-ին հաղորդել է ԱՄՆ ռազմածովային ուժերի Խաղաղօվկիանոսյան նավատորմի հրամանատարությունը։ 

Ըստ հաղորդագրության՝ ուղղաթիռը և կործանիչը հոկտեմբերի 26-ի երեկոյան կես ժամվա տարբերությամբ ծովն են ընկել «առօրյա գործողություններ կատարելիս». անձնակազմի անդամներից ոչ ոք չի տուժել։ 

Ավիակրի որոնողափրկարարական ջոկատները ջրից դուրս են բերել ուղղաթիռում գտնվող երեք զինծառայողի և կործանիչի անձնակազմի երկու անդամի, որոնք դուրս էին նետվել կատապուլտով։

Խաղաղօվկիանոսյան նավատորմի հրամանատարությունը հայտարարել է, որ անցկացվում է երկու միջադեպերի պատճառների հետաքննություն։

Բրիտանական «Middle East Eye» պարբերականը գրում է, որ Թուրքիայի և Մեծ Բրիտանիայի միջև սպասվող բարձր մակարդակի շփումների արդյունքում միլիարդավոր դոլարների ռազմական գործարք է կնքվելու:

Մասնավորապես նշվում է, որ հոկտեմբերի 27-ին Մեծ Բրիտանիայի վարչապետ Քիր Սթարմերն Անակարայում հանդիպելու է Թուրքիայի նախագահ Ռեջեփ Թայիփ Էրդողանին, իսկ հանդիպման արդյունքներով աղբողջացվելու է եվրոպական «Eurofighter» կործանիչների ձեռքբերման վերաբերյալ համաձայնագիրը:

Բացի այդ թուրքական աղբյուրներից ստացված տեղեկատվության հիման վրա բրիտանական պարբերականը գրում է, որ նախքան Սթարմերի Թուրքիա այցը 2 միավոր «Eurofighter» կործանիչ կուղարկվի Անկարա՝ ի նշան այդ կործանիչների հարցի շուրջ ունեցած համաձայնության:

Հիշեցնենք, որ Թուրքիան կործանիչների ձեռքբերման շուրջ եվրոպական պետությունների հետ բանակցությունները սկսել էր դեռևս 2023-ին: Արդեն 2025-ի հուլիսին Մեծ Բրիտանիայի հետ Թուրքիան նախաստորագրել էր 40 միավոր «Eurofighter» գնելու վերաբերյալ համաձայնագիրը, որում սակայն բացակայում էին գործարքի արժեքների վերաբերյալ հստակ կետերը, ինչի շուրջ էլ բանակցությունները շարունակվում են:

Ermenihaber

Ուկրաինայի նախագահ Վլադիմիր Զելենսկին կարծում է, որ ՌԴ նախագահ Վլադիմիր Պուտինը դժվար թե ընդունի «Կամավորների կոալիցիայի» կողմից առաջարկված խաղաղության ծրագիրը։ Ըստ ՌԲԿ Ուկրաինայի՝ նա այս մասին հայտարարել է Axios-ին տված հարցազրույցում։ Գրում է factor.am-ը:

«Մենք համատեղ մշակել ենք կոնկրետ ծրագիր մինչև տարեվերջի համար։ Առաջին հերթին՝ մենք կանենք ամեն ինչ, որպեսզի ռուսական նավթն ու գազը հեռացնենք համաշխարհային շուկաներից։ Մենք բոլորին խրախուսում ենք կիրառել այս պատժամիջոցները և նվազեցնել կախվածությունը»,- ընդգծել էր նա։

Այդ ժամանակ Զելենսկին հայտարարել էր, որ ԱՄՆ-ն ու «կամավորների կոալիցիան» պետք է համատեղ աշխատեն Պուտինին հաղթելու և Ուկրաինայում պատերազմը դադարեցնելու համար։ Ըստ նրա՝ ծրագիրը պետք է լինի կարճ, առանց չափազանց շատ մանրամասների։ 

Նա ընդգծել է, որ սկեպտիկ է վերաբերվում, որ Պուտինը պատրաստ է ընդունել ցանկացած խաղաղության ծրագիր։

Զելենսկին Axios-ին նաև ասել է, որ ԱՄՆ նախագահ Դոնալդ Թրամփի կողմից սահմանված նոր պատժամիջոցները կխաթարեն Ռուսաստանի ռազմական մեքենան, սակայն Ուկրաինային դեռևս անհրաժեշտ են հեռահար հրթիռներ՝ ստիպելու Վլադիմիր Պուտինին խաղաղություն կնքել։

Զելենսկին ասել է, որ պատժամիջոցները «կփոխեն իրավիճակը», բայց հստակեցրել է, որ Պուտինը չի նահանջի, եթե Թրամփը չմեծացնի ճնշումը։

«Նախագահ Թրամփը մտահոգված է լարվածության սրմամբ։ Բայց ես կարծում եմ, որ եթե բանակցություններ չլինեն, լարվածությունը, միևնույն է, կլինի։ Կարծում եմ, որ եթե Պուտինը չդադարեցնի, մեզ ինչ-որ բան է պետք նրան կանգնեցնելու համար։ Պատժամիջոցները նման զենքերից մեկն են, բայց մեզ նաև հեռահար հրթիռներ են անհրաժեշտ»,- հայտարարել է Զելենսկին։

Փենսիլվանիայի համալսարանի հետազոտողները մշակել են մարդու թոքի քաղցկեղի միկրոինժեներական կենդանի մոդել՝ «ուռուցքը չիպի վրա»։ Այն թույլ է տալիս իրական ժամանակում դիտարկել, թե ինչպես են ձևափոխված իմունային բջիջները փոխազդում պինդ ուռուցքների հետ՝ գտնելով դրանց թույլ կողմերը։ Հետազոտության արդյունքները, news.am-ի փոխանցմամբ, հրապարակվել են Nature Biotechnology ամսագրում։ 

Այս տեխնոլոգիան կօգնի ավելի լավ հասկանալ, թե ինչպես է աշխատում CAR-T թերապիան՝ մի մեթոդ, որի դեպքում հիվանդի T-բջիջները ձևափոխվում են ուռուցքային բջիջները ճանաչելու և ոչնչացնելու համար։ Այս մոտեցումն արդեն ապացուցել է իր արդյունավետությունը լեյկեմիայի և լիմֆոմայի բուժման գործում, սակայն CAR-T-ն վատ է աշխատում պինդ ուռուցքների դեմ։ Գիտնականների խոսքով՝ նման ուռուցքները պաշտպանված են խիտ «միկրոշրջակայքով»՝ անոթների և ազդանշանային մոլեկուլների բարդ կառուցվածքով, որը խոչընդոտում է իմունային բջիջներին ներթափանցել ներս։

Ստեղծված չիպը վերարտադրում է ուռուցքային բջիջների և արյունատար անոթների վարքը մարդու օրգանիզմում։ Գիտնականները տեսել են, որ անոթների էնդոթելային բջիջները քիմիական ազդանշաններ են ուղարկում՝ գրավելով CAR-T-բջիջներին, սակայն այդ ազդանշաններն արագորեն քայքայվում են DPP-4 ֆերմենտի կողմից։

Թիմը բացահայտել է, որ վիլդագլիպտին դեղամիջոցը, որը կիրառվում է երկրորդ տիպի շաքարախտի բուժման համար, կարող է արգելափակել DPP-4-ի գործողությունը և այդպիսով ուժեղացնել ուռուցքի մոտ իմունային բջիջներն ուղղորդող ազդանշանները։ Չիպի վրա կատարված փորձերում թույլ է տվել CAR-T-բջիջների ավելի մեծ թվով ներթափանցել ուռուցքային հյուսվածք և գրոհել քաղցկեղի բջիջները։ 

«Այս համակարգը թափանցիկ է՝ կարծես պատուհան լինի ուռուցքի և իմունիտետի միջև մարտի դաշտում։ Մենք բառացիորեն տեսնում ենք, թե ինչպես են T-բջիջները ներթափանցում հյուսվածք և խոցում թիրախը»,- նշել է հետազոտության ղեկավար Հա Հուն։

Նոր տեխնոլոգիան հնարավորություն է տալիս արագորեն փորձարկել CAR-T-թերապիայի ապագա տարբերակները և ընտրել դեղամիջոցներ, որոնք կօգնեն իմունային բջիջներին ավելի արդյունավետ հաղթել քաղցկեղը։

Ադրբեջանի և Թուրքիայի նախագահներ Իլհամ Ալիևն ու Ռեջեփ Թայիփ Էրդողանը հրավիրվել են Երևան՝  գարնանը կայանալիք Եվրոպական քաղաքական համայնքի 8-րդ գագաթնաժողովին: Այս մասին լրագրողների հետ զրույցում ասել է ԱԳ նախարար Արարատ Միրզոյանը:

Նրա խոսքով, հրավերները դեռ ուղարկվել են բանավոր:

Հիշեցնենք, որ ավելի վաղ հայտնել էինք, որ Եվրոպական քաղաքական համայնքի հաջորդ՝ 8-րդ գագաթնաժողովը 2026թ. մայիսի 4-ին տեղի կունենա Հայաստանում։

Արցախ Միությունը հայտարարում է Արցախից տեղահանված անձանց համար բացառիկ կրթական հնարավորության մասին՝ հինգ լրիվ կրթաթոշակներ Գյումրիում գտնվող Շվեյցարա-հայկական հյուրընկալության ակադեմիայում (SAAH) սովորելու համար: 

SAAH-ն հիմնադրվել է 2025 թվականին ՀԲԸՄ Կենտրոնական խորհրդի անդամ պրն Վահե Գաբրաշի կողմից՝ Հայաստանում  համաշխարհային մակարդակի հյուրընկալության ուսումնական կենտրոն ստեղծելու համար, որը կրում է շվեյցարական գերազանցության բոլոր առանձնահատկությունները և միաժամանակ արձագանքում է Հայաստանի զարգացող զբոսաշրջության և ծառայությունների ոլորտի կարիքներին։ Ակադեմիայում կրթությունը հիմնված է գործնական փորձի և մասնագիտական հմտությունների ձևավորման վրա։ 

SAAH-ն առաջարկում է EHL շվեյցարական դիպլոմ Հայաստանում, որը ճանաչված է ամբողջ աշխարհում որպես լավագույնը այդ ոլորտում:

EHL – École hôtelière de Lausanne (Լոզանի հյուրընկալության դպրոց) ճանաչվում է հյուրընկալության ոլորտում որպես լավագույն վարկանիշը ունեցող ուսումնական հաստատություն աշխարհում:

Ծրագիրը մասնագիտական կրթության տեսակ է (VET by EHL), որը համատեղում է միջազգային ակադեմիական բարձր չափանիշները և գործնական մասնագիտական պատրաստումը՝ երկակի կրթության սկզբունքով։

Ծրագրի նկարագրություն

Ծրագիրը տրամադրում է մասնակիցներին գործնական կարողություններ, գիտելիքներ և մասնագիտական կարողություններ, որոնք անհրաժեշտ են հյուրընկալության և զբոսաշրջության ոլորտներում հաջողության հասնելու համար ինչպես Հայաստանում, այնպես էլ արտերկրում: 

Տևողությունը՝ մինչև 18 ամիս (երեք մակարդակ՝ հիմնական, միջին և բարձր)

Մասնագիտական աստիճան՝ դասընթացի ավարտից հետո դուք կկարողանաք ստանձնել վերահսկիչ-կառավարչական պաշտոններ

Ուսուցման ձևաչափը՝ աշխատանքի միջոցով սովորելը(յուրաքանչյուր մակարդակում 3 ամիս տեսական և գործնական պարապմունքներ Գյումրիի «Ծիրան» հյուրանոցում, ապա 3 ամիս պրակտիկա միջազգային աստիճան ունեցող հյուրանոցներում) 

Ուսուցման լեզուները՝ անգլերեն և/կամ ֆրանսերեն (անհրաժեշտության դեպքում՝ հայերեն բացատրություններով)

Վայրը՝ Գյումրի, Հայաստան

Մասնագիտացումներ

Մասնակիցները կարող են մասնագիտանալ հետևյալ մասնագիտական ուղղություններից մեկում.

Խոհարարական արվեստ –  մասնագիտական պատրաստում միջազգային չափանիշներին համապատասխան խոհանոցային աշխատանքների և սննդի պատրաստման բնագավառում

Սննդի և ըմպելիքների սպասարկում – հմտություններ ռեստորանային կառավարման, սպասարկման գործընթացների և միջոցառումների կազմակերպման ոլորտում

Հյուրանոցային կառավարում – պատրաստում վարչարարության, հաղորդակցության և հյուրանոցային ծառայությունների կազմակերպման բնագավառում

Կրթաթոշակի վերաբերյալ մանրամասներ

SAAH-ի և նրա գործընկերների նախաձեռնությամբ հատկացվել են հինգ լրիվ կրթաթոշակ հատուկ Արցախից տեղահանված երիտասարդների համար։ Այս կրթաթոշակները նախատեսված են ուսման ամբողջ արժեքը ծրագրի ողջ ընթացքում ֆինանսավորելու համար ։

Նախապայմաններ

Դիմորդները պետք է լինեն Արցախից բռնի տեղահանված և 18 տարին լրացած կամ ավելի բարձր

Նրանք պետք է ունենան անգլերենի առնվազն B1 մակարդակ։

Հյուրընկալության ոլորտում նախկին աշխատանքային փորձ չի պահանջվում հիմնական մակարդակ մուտք գործելու համար

Դիմորդները պետք է ցուցաբերեն մոտիվացիա, նվիրվածություն և հետաքրքրվածություն հյուրընկալության կամ զբոսաշրջության ոլորտում կարիերա կառուցելու նկատմամբ

Դիմելու կարգը

Թեկնածուները պետք է ներկայացնեն մոտիվացիոն նամակ անգլերենով (առավելագույնը 300 բառ) և ինքնակենսագրական (СМ) մինչև նոյեմբերի 3-ը, ուղարկելով հետևյալ էլեկտրոնային հասցեին՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։։

Ընտրված թեկնածուները կհրավիրվեն հարցազրույցի։

Հարցերի դեպքում կարող եք զանգահարել 011-202-500 հեռախոսահամարով։

Չկա ֆիքսված ամիս, ամսաթիվ և առավել ևս տեղ: Մենք հայտնել ենք, որ պատրաստ ենք օր առաջ սկսել խորհրդակցություններ ադրբեջանական կողմի հետ այն մասին, թե որտեղ և երբ լինի պայմանագրի ստորագրումը: Այս մասին լրագրողների հետ զրույցում ասել է Արտաքին գործերի նախարար Արարատ Միրզոյանը՝ խոսելով «Խաղաղության պայմանագրի» ստորագրման մասին:

«Գաղտնիք չէ նաև ադրբեջանական կողմի մեկնաբանությունը և պայմանը սրա հետ կապված, մենք այդ պայմանը չենք ընդունում: Իրենք հայտնում են այդ մասին և՛ հրապարակային, և՛ հանդիպումների ընթացքում: Մենք դա որպես քննարկելի օրակարգ չենք համարում և այդ պայմանները չենք ընդունում»,-նշել է նա:

Միրզոյանը հույս է հայտնել, որ առաջիկայում գործընթացն այնպես կգնա, որ պայմանագիրը կստորագրվի: 

«Բազմաթիվ կոմպոնենտներ կան, հարցեր կան, ուղղություններ կան աշխատանքի, սկսած սահմանազատումից, վերջացրած հումանիտար հարցերով, գերիներով, այսինքն՝ աշխատանք շատ կա, անկախ բուն ստորագրումից»,-հավելել է ԱԳ նախարարը: 

Քիչ առաջ ArmLur.am-ն ահազանգ է ստացել, որ Վանաձորի դատարանում դատական նիստի ներկաներից մեկը մեղադրյալին դանակով հարվածել ու դիմել է փախուստի։

Շտապ օգնություն է ժամանել դատարանի բակ։

ՀՑԹԻ նախկին տնօրեն, պատմաբան Հայկ Դեմոյանի ֆեյսբուքյան գրառումը.

«Ի՞նչ տեղի ունեցավ երեկ և ովքեր էին կանգնած «Արամ Ռամազան» օպերացիայի հետնաբեմում

Ես Հայ առաքելական եկեղեցին, Ամենայն Հայոց կաթողիկոսին, կամ որևէ այլ եկեղեցական սպասավորի պաշտպանելու խնդիր չունեմ: Այո, ես գտնում եմ, որ եկեղեցու ներսում կան բազում խնդիրներ, բայց դրա լուծումները պետք է գտնի հենց եկեղեցին` հանրային բաց ու թափանցիկ աջակցության պայմաններում: Չկա որևէ մարդ կամ հաստատություն, որը 100 տոկոսով ճիշտ ու անսխալական է:

Ես մի խնդիր ունեմ միայն. պահել ու պահպանել հայկական ժառանգությունը, հիշողությունն ու դրանց վրա խարսխված ազգային արժանապատվությունը: Ինձ համար տարբերություն չկա Ծիծեռնակաբերդն են պղծում, թե Հովհաննավանքը: Երկուսն էլ ինձ համար սուրբ վայրեր են: Մեկ ամիս առաջ պղծեցին Ծիծեռնակաբերդը, երեկ այդ բախտին արժանացավ Հովհաննավանքը: Վաղը դա կարող է լինել Սարդարապատը: Դա էլ շատ տրամաբանական ու կանխատեսելի է:
Ես ուժի մեջ եմ համարում երկու կաթողիկոսներին` Ծիծեռնակաբերդը պղծած ու Հայոց ցեղասպանության պատմական փաստը ժխտող Նիկոլ Փաշինյանի որոշմամբ ստեղծված ՀՑԹԻ Հոգաբարձուների խորհրդի կազմից Մայր Աթոռի ու Մեծի Տանն Կիլիկիոյ կաթողիկոսության ներկայացուցիներին Ի ՆՇԱՆ ԲՈՂՈՔԻ հետ կանչելու կոչը: Այդ կոչն առավել քան հիմնավոր ու տրամաբանական է: Այս կապակցությամբ տակավին որևէ զարգացում տեղի չի ունեցել: Ես դա համարում եմ առնվազն կասկածելի:

Այն, ինչ տեղի ունեցավ երեկ Հովհաննավանքում, հերթական մանիպուլատիվ գործողություն էր, կամ ավելի շուտ օրացույցային հերթական հատուկ գործողությունը` որտեղ Նիկոլ Փաշինյանը, Ստեփան Ասատրյանն ու մեծ բեմադրության մասնակիցները (հատկապես սև ակնոցներ կրողները), ընդամենը խաղարկում ու սպասարկում էին օրակարգային մեկ գլխավոր հարց. ինչպես սղացնել Նիկոլ Փաշինյանի ստորագրած նոյեմբերի 9-ի տխրահռչակ հայտարարության հնգամյակն ու դրա հետ կապված լրջագույն հարցադրումները` որտե՞ղ է Արցախն ու արցախահայությունը, որտե՞ղ են ռուս խաղապահները, որտե՞ղ է Լաչինի միջանցքն ու հայ բնակչության անվտանգությունը:

Սրանք չափազանց լուրջ հարցեր են, որոնք շատ լուրջ պատասխաններ են պահանջում: Մինսկի խմբի կազմալուծումից ու տեղի ունեցած ցեղասպանության մեջ հանցակցության ինքնախոստովանանքից հետո, ենթադրում եմ, որ Փաշինյանն իրեն սպասարկող արբանյակներով կլծվեն հիմնավորելու այն թեզը, որ նոյեմբերի 9-ի հայտարարությունն այլևս կտրվել է խաղաղության պայմանագրով ու հազարավոր ՀՀ քաղաքացիներ կուտեն այդ լափշան ու ուտելու ընթացքում էլ դրա մի մասը կկախեն իրենց ու հավատացողների ականջներից:

Նոյեմբերի 9-ի չկատարված պարտավորությունները պետք է արագորեն ու աննկատ հաղթահավրեն ու մոռացության տրվեն բոլոր հնարավոր միջոցներով: Դե իսկ հանրային զգոնությունն ու ուշադրությունը շեղելու գործում գրոսմայստերներ շատ ունենք: Մեր չկայացած պետականությունը տակավին կենդանության նշաններ է ցույց տալիս այդ ցածրակարգ ու միջակ ուղեղի արգասիք հանդիսացող այդպիսի հատուկ գործողություններով:
Սա է խաղարկվում ընդամենը, որից հետո կսկվի գալա-բեմադրությունը` «ազատ ու թափանցիկ ընտրություններ» խորագրով:

Հ.Գ Այդպես էլ չհասկացա, թե ինչո՞ւ կարգալույծ եղած քահանայի եղբայրն հենց երեկ Մայր Աթոռում հայտնվեց տեսադաշտում ու բացասական բնութագիր տվեց իր եղբոր վարքագծին:

Հ.Հ.Գ. Երեկ Փաշինյանը հայտարարեց, որ հաջորդ կիրակի ևս մասնակցելու է պատարագի` կարգալույծ եղած քահանայի մասնակցությամբ: Ես կվերագրեի դա, պարտության ու ֆիասկոյի գիտակցմանը, երեկ Հովհաննավանքում շատ քիչ մարդկանց մասնակցությունը հաշվի առնելով: Սակայն հակված եմ կարծելու, որ նոյեմբերի 9-ից «Ստեփան Ասատրյան» օպերացիան կկորցնի իր օրացույցային արդիականությունն ու նշանակությունը»: