Ռուսաստանի նախագահ Վլադիմիր Պուտինը տարածաշրջանային շրջագայություն կկատարի Ալյասկա մեկնելու ճանապարհին, որտեղ տեղի կունենա ռուս-ամերիկյան գագաթնաժողովը, հայտարարել է պետության ղեկավարի մամուլի քարտուղար Դմիտրի Պեսկովը, հաղորդում է РИА Новости-ն։

«Այո»,- ասել է Պեսկովը լրագրող Պավել Զարուբինի հարցին ի պատասխան։

«Նախագահը միշտ օգտագործում է նման երկար ուղևորությունները դեպի արևելք՝ տարբեր տարածաշրջաններ այցելելու, տարածաշրջանային աշխատանքը միջազգային գործերի հետ համատեղելու համար։ Այս անգամ էլ այդպես կլինի», - հավելել է Ռուսաստանի նախագահի մամուլի քարտուղարը։  

Հիշեցնենք, որ Ռուսաստանի և Ամերիկայի առաջնորդների գագաթնաժողովը տեղի կունենա օգոստոսի 15-ին Ալյասկայի Անքորիջ քաղաքում։