Հայաստանին կրկին տաք օդային հոսանքներ են մոտենում: Ֆեյսբուքյան էջում այս մասին հայտնում է ՀՀ շրջակա միջավայրի նախարարության հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։

«Այսօր երեկոյան ցիկլոնն ամբողջությամբ դուրս կգա Հայաստանից` իր տեղը զիջելով հարավ–արևմուտքից ներթափանցող տաք օդային հոսանքներին»,– նշել է նա։

Ըստ Սուրենյանի` երեկոյան անձրևները կդադարեն, և առանց տեղումների եղանակ կլինի առաջիկա հինգ օրերին։

Օդի ջերմաստիճանը հոկտեմբերի 14-15-ին հանրապետության ամբողջ տարածքում ցերեկային ժամերին այսօրվա համեմատ կբարձրանա 5-8 աստիճանով։