Ալյասկայում ռուս-ամերիկյան գագաթնաժողովից հետո փաստաթղթերի ստորագրում չի նախատեսվում, ըստ Интерфакс-ի՝ լրագրողներին հայտարարել է Ռուսաստանի նախագահի մամուլի քարտուղար Դմիտրի Պեսկովը։ 

«Ոչ, դա սպասելի չէ, ոչինչ չի պատրաստվել, և քիչ հավանական է, որ այնտեղ որևէ փաստաթուղթ լինի»,- հայտարարել է նա՝ պատասխանելով այս խնդրի վերաբերյալ հարցին։

«Հաշվի առնելով, որ համատեղ մամուլի ասուլիս է լինելու, նախագահը, իհարկե, կներկայացնի այն պայմանավորվածությունների և փոխըմբռնումների շրջանակը, որոնց կարելի է հասնել»,- հավելել է Կրեմլի խոսնակը։

Պեսկովը միաժամանակ կոչ է արել չփորձել կանխատեսել այդ գագաթնաժողովի արդյունքները. «Իհարկե, մեծ սխալ կլինի փորձել առաջ անցնել և կանխատեսել արդյունքները»։