Ռուսաստանի Կենտրոնական բանկը վերացրել է այսպես կոչված ոչ բարեկամ երկրներից ներդրողների համար արտարժույթ գնելու սահմանափակումները: Որոշման մասին հայտնել են կարգավորող մարմնի մամուլի ծառայությունից:

Նորամուծությունը վերաբերում է այն օտարերկրացիներին, ովքեր պատրաստ են ներդրումներ կատարել ռուսական շուկայում նոր պայմաններում և նոր ներդրումներ բերել երկիր:

Այժմ նման ներդրողները հասանելիություն ունեն ռուսական բանկերում ավանդներին, արժեթղթերի գնմանը՝ ինչպես կազմակերպված առևտրային գործարքների ժամանակ՝ անհասցե ռեժիմով, այնպես էլ սկզբնական տեղաբաշխման, ինչպես նաև ֆյուչերսային շուկայում գործարքների ժամանակ:

«Նախագահի հրամանագրով՝ արտասահմանյան ներդրողները կարող են միջոցներ տեղադրել ռուսական վարկային հաստատություններում, գնել արժեթղթեր և մասնակցել ֆյուչերսային շուկայում առևտրային գործարքներին: Դրա համար անհրաժեշտ է հատուկ «Ин» հաշիվ բացել»,- պարզաբանել են Կենտրոնական բանկից: