Իսրայելը հայտնել է «Հզբոլլահի» հրթիռային ստորաբաժանման հրամանատարի ոչնչացման մասին
Իսրայելի պաշտպանության բանակը (ՑԱԽԱԼ) հայտնել է, որ չեզոքացրել է «Հզբոլլահ» շարժման հրթիռային ստորաբաժանման հրամանատար Մոհամմադ Ալի Ջամուլը։ Այս մասին գրում է ՌԻԱ Նովոստին։
«ՑԱԽԱԼ-ի ուժերը հարված են հասցրել և Լիբանանի հարավի Շաքիֆ շրջանում ոչնչացրել են «Հզբոլլահի» հրթիռային ստորաբաժանման հրամանատար Մոհամմադ Ալի Ջամուլին»,-ասված է հաղորդագրության մեջ:
Զինվորականները նշել են, որ հակամարտության սրման սկզբից ի վեր Ջամուլը կանգնած է եղել իսրայելական թիկունքի և ՑԱԽԱԼ-ի ուժերի ուղղությամբ բազմաթիվ գնդակոծությունների հետևում, իսկ որոշ ժամանակ առաջ փորձեր է ձեռնարկել վերականգնել «Հզբոլլահի» ենթակառուցվածքը Լիբանանի հարավում, ինչը Իսրայելի և Լիբանանի միջև հրադադարի համաձայնագրի կոպիտ խախտում է:
Փետրվարին ՑԱԽԱԼ-ը ավարտել է զորքերի դուրսբերումը հարավային Լիբանանից՝ համաձայն զինադադարի համաձայնագրի, որը ձեռք էր բերվել 2024 թվականի նոյեմբերին՝ մեկ տարի տևած զինված հակամարտությունից հետո, միաժամանակ իսրայելական բանակը մնացել է հարավային Լիբանանի հինգ ռազմավարական դիրքերում՝ դա բացատրելով անվտանգության վերահսկողության հարցերով։
Լիբանանի ղեկավարությունն իր հերթին պետք է ապահովեր «Հզբոլլահի» ուժերի լիակատար դուրսբերումը Լիտանի գետից հյուսիս։ Գետը որոշ հատվածներում 20-30 կմ է հեռու Լիբանան-Իսրայել սահմանից։ Բեյրութում չեն կարողացել պաշտոնապես հաստատել, որ համաձայնագրի այդ պայմանն ամբողջությամբ կատարվել է: Վերջին շաբաթներին Իսրայելը թիրախային գործողություններ է իրականացնում Հարավային Լիբանանում «Հզբոլլահի» մնացած ներուժի վերացման նպատակով:
Latest from ArmNews
- Եվրոն էժանացել է. դոլարի փոխարժեքը նույնպես նվազել է
- Իրանի և ԱՄՆ-ի միջև բանակցությունների վեցերորդ փուլը հարցականի տակ է. CNN
- Մենք հաստատում ենք բռնի տեղահանված ժողովուրդների՝ իրենց նախնյաց երկիր անվտանգ վերադառնալու իրավունքը. Բեռնի համաժողովի հայտարարությունը
- Ուկրաինայի անվտանգության ծառայությունը ջրի տակ պայթեցրել է Ղրիմի կամրջի մի հատվածը
- Պուտին-Թրամփ-Զելենսկի եռակողմ հանդիպում չի նախատեսվում․ Կրեմլ
- Տաքսու վարորդը հափշտակել է ուղևորի հեռախոսը, ով ընկել է գետնին՝ ստանալով վնասվածքներ
- Երմակը մեկնում է ԱՄՆ
- «Կարմիր գծերի» տարիֆների բարձրացմամբ, ոչ ամբողջապես, բայց քաղաքապետարանի աշխատանքն այս պահին տեսանելի է. Հայկ Կոստանյան
Լրահոս
Ֆոտո
