Օգոստոսի 23, 2025
2026 թվականին Հայկական ԱԷԿ-ը 4,5 ամսով կկանգնի երկարատև վերանորոգման
Հայկական ԱԷԿ-ը 2026 թվականին 4,5 ամիս կկանգնի պլանային վերանորոգման։ Այս մասին հայտնեց կայանի գլխավոր տնօրենի առաջին տեղակալ Մովսես Վարդանյանը Հայաստանում Ռուսաստանի դեսպան Սերգեյ Կոպիրկինի՝ ատոմակայան կատարած այցի ժամանակ:
Վերանորոգման հիմնական խնդիրը կլինի վթարային հովացման համակարգի փոխարինումը։ Անհրաժեշտ սարքավորումների մատակարարումն իրականացնում է «Ռուսատոմ Սերվիս» ընկերությունը, որը ռուսական «Ռոսատոմ» պետական կորպորացիայի դուստր ձեռնարկությունն է: Անմիջապես աշխատանքը կկատարի մեկ այլ «դուստր» կառույց՝ «Ատոմէներգորեմոնտը»։
Այժմ կայանում ներգրավված են հինգ ռուսաստանցի մասնագետներ, սակայն 2026 թվականին նրանց թիվը կհասնի մոտ 200-ի: Ընթացիկ տարում նախատեսվում է ավարտել հովացման աշտարակների վերանորոգումը, ինչպես նաև նոր ենթակայանի կառուցումը, որը կապահովի կայանի միացումը ընդհանուր էլեկտրացանցին:
ՀԱԷԿ-ի գլխավոր տնօրենի առաջին տեղակալ Մովսես Վարդանյանը կայանի աշխատանքը ներկայացնում է ՌԴ դեսպան Սերգեյ Կոպիրկինին
Արդիականացման համալիր աշխատանքների ավարտից հետո կայանը նախատեսում է 2031 թվականին ստանալ 10 տարի ժամկետով (մինչև 2041 թվականը) նոր լիցենզիա։ Դա թույլ կտա գործող էներգաբլոկին աշխատել առնվազն մինչև 2036 թվականը, իսկ անհրաժեշտության դեպքում՝ մինչև նոր էներգաբլոկի շահագործման հանձնումը: Դրանից հետո հին էներգաբլոկը դուրս կբերվի շահագործումից։
Հիշեցնենք, որ Հայաստանի գործող ԱԷԿ-ը պետք է աշխատանքը ավարտեր 2016 թվականին, սակայն շահագործման ժամկետը սկզբում երկարաձգվեց մինչև 2026 թվականը, իսկ հետո՝ մինչև 2036 թվականը: Աշխատանքների հիմնական մասն իրականացվել է ռուսական վարկային և դրամաշնորհային միջոցների հաշվին (189 մլն դոլար), մյուս մասը (63,2 մլրդ դրամ կամ 162,8 մլն դոլար)` ՀՀ պետբյուջեի հաշվին։
Latest from ArmNews
- Հրաժարական է տվել Վրաստանի անվտանգության ծառայության ղեկավարը
- Թրամփի քննադատությունից հետո Պենտագոնի ղեկավարը պաշտոնանկ է արել հետախուզության պետին
- Զելենսկին կրկին հայտարարել է, որ պատրաստ է Պուտինի հետ հանդիպել ցանկացած ձևաչափով
- Էրդողանի կինը նամակ է գրել Մելանյա Թրամփին
- Արքեպիսկոպոս Ալեքսին ներողություն է խնդրել Ալյասկայում Պուտինին ընդունելու համար
- Դեսպանությունում հրաժեշտ են տվել Լիլիթ Մակունցին
- Վեց ահաբեկիչ է ոչնչացվել․ Իրանի հետախուզություն
- Սանկտ Պետերբուրգը և Լենինգրադի մարզը ենթարկվել են ԱԹՍ-ների հարձակման. «Պուլկովոն» դադարեցրել է թռիչքները
Լրահոս
Prev
Next
Ֆոտո
