Ապօրինի ավտոտնակները կհաշվառվեն. ՀՀ կառավարությունը նոր նախագիծ է մշակել
ՀՀ կառավարությունը շրջանառության մեջ է դրել նոր նախագիծ, որով կլուծվի այն ավտոտնակների հարցը, որոնք մինչև 2005 թվականը չեն հաշվառվել և օրենքով համարվում են ապօրինի։ Այս մասին ՀՀ ԱԺ տնտեսական հարցերի մշտական հանձնաժողովի նիստի ժամանակ հայտարարեց ՀՀ կադաստրի պետական կոմիտեի նախագահ Սուրեն Թովմասյանը` անդրադառնալով թեմայի վերաբերյալ «Հայաստան» խմբակցության պատգամավոր Թադևոս Ավետիսյանի հարցին։
«Մարդն ունի ավտոտնակ, որը ժամանակին գրանցվել է Կադաստրի կոմիտեում, և հողն էլ ունի. վարձակալել է, որի ժամկետը մինչև 5 տարի է։ Ամեն անգամ այս ժամկետը լրանալուց հետո քաղաքացին պետք է գնա ու նույն ընթացակարգերով անցնելով` վարձակալության պայմանագիր կնքի, նույն նոտարով հաստատի, որոշակի ծախսեր անի, նորից գա, գրանցի այդ պայմանագիրը Կադաստրում, որպեսզի կարողանա օրինական տիրապետել այդ գույքը։ Մարդիկ նույնիսկ վաճառում են ավտոտնակը` փաստացի առանց լիարժեք փաստաթղթերի։ Արդյունքում նոր ձեռք բերողն էլ է խնդիրների մեջ հայտնվում։ Կարծում եմ` այստեղ համապարփակ լուծումների անհրաժեշտություն կա»,– նշեց Ավետիսյանը։
Ի պատասխան ՀՀ կադաստրի պետական կոմիտեի նախագահ Սուրեն Թովմասյանը նշեց, որ պետք է տարանջատել մինչև 2005 թվականը կատարված իրավունքի պետական գրանցումը և 2005 թվականից հետո առկա իրավիճակը։
Նա տեղեկացրեց, որ մինչև 2005 թվականն ինքնակամ կառուցված ավտոտնակներն օրինականացվել են, պետական գրանցում են ստացել Կադաստրի կոմիտեում` առանց հողի նկատմամբ սեփականության իրավունքի, ինչն այսօր օրենսդրությունը որոշակիորեն բացառում է։
Թովմասյանի խոսքով` այստեղ շատ կարևոր է Երևանի գլխավոր հատակագծի առկայությունը, որով էլ կորոշվի ապօրինի կառուցված այդ շինությունների ճակատագիրը։
Նա հատուկ ընդգծեց` եթե շինության սեփականաշնորհման ժամանակ քաղաքացին ունեցել է վարձակալած հող և հետո համայնքն ու քաղաքացին համատեղ չեն դիմել այդ վարձակալությունը դադարեցնելու համար, ապա օրենքի տրամաբանության մեջ դա նշանակում է, որ վարձակալությունը երկարաձգված է անժամկետ։
Թովմասյանը միաժամանակ նշեց` նորմալ է, որ մարդիկ հիմա իրենց չգրանցված ավտոտնակի համար հարկ են վճարում` առանց իրավունքի գրանցման, քանի որ այս վերջին հարցը կկարգավորվի նոր նախագծով։
Latest from ArmNews
- Իսրայելը և ՀԱՄԱՍ-ը սկսում են Թրամփի ծրագրի շուրջ բանակցությունների հաջորդ փուլը
- Մխիթարյանը պատասխանել է, թե արդյոք մրցաշրջանի ավարտից հետո կշարունակի կարիերան
- Արագածոտնի թեմից կին աշխատակիցներ են ձերբակալվել
- Մեծ Բրիտանիան լիակատար կփլուզի, եթե սկսի ռազմական հակամարտություն Ռուսաստանի և Չինաստանի դեմ
- Պուտինն ու Ահմեդ ալ-Շարաան կքննարկեն Սիրիայում ռուսական բազաների հարցը
- ՀՀ-ում հնարավոր կլինի հիփոթեքով գույք գնել հեռահար եղանակով. նախագիծ
- Ռուսաստանը հրաժարվել է կատարել ՄԻԵԴ-ի որոշումը՝ Վրաստանին վճարել ավելի քան 250 միլիոն եվրո
- Լոս Անջելեսում արտակարգ դրություն է հայտարարվել միգրանտների դեմ իրականացվող ռեյդերի պատճառով
Լրահոս
Ֆոտո
