Գազան հարկ եղած դեպքում կապառազմականացվի «կոշտ ճանապարհով». Նեթանյահու
Իսրայելի վարչապետ Բենիամին Նեթանյահուն ուղերձով դիմել է ժողովրդին՝ նշելով, որ անհրաժեշտության դեպքում Գազան կապառազմականացվի «կոշտ ճանապարհով»։ «Արմենպրես»-ի փոխանցմամբ՝ այս մասին հաղորդում է BBC-ն։
Նեթանյահուն նաև նշել է, որ իրագործում է բոլոր պատանդներին վերադարձնելու իր խոստումը։ Նա նշել է, որ իսրայելական ուժերը դեռ շրջապատում են ՀԱՄԱՍ-ին բոլոր ուղղություններից։
Իսրայելի վարչապետի խոսքով՝ ԱՄՆ նախագահ Դոնալդ Թրամփի ծրագրի հաջորդ փուլերով նախատեսվում է, որ ՀԱՄԱՍ-ը կզինաթափվի, և Գազայի հատվածը կապառազմականացվի։
«Եթե դրան հնարավոր լինի հասնել հեշտ ճանապարհով, շատ ավելի լավ։ Իսկ եթե ոչ, ապա դրան կհասնենք կոշտ ճանապարհով», - հայտարարել է Նեթանյահուն։
Իսրայելը և ՀԱՄԱՍ-ը Եգիպտոսում համաձայնության են եկել Թրամփի ծրագրի առաջին փուլի շուրջ։ Իսրայելական զորքերն արդեն հետ են քաշվել դեպի նախապես համաձայնեցված գիծ՝ իրենց վերահսկողության տակ պահելով պաղեստինյան անկլավի 53%-ը։
Հոկտեմբերի 13-ին կամ 14-ին կվերադարձվեն իսրայելցի 48 պատանդները, որոնցից 20-ն է ողջ մնացել։ Դրա դիմաց Իսրայելն ազատ կարձակի ահաբեկչության համար դատապարտված 250 պաղեստինցու, ինչպես նաև 2023 թ. հոկտեմբերի 7-ից հետո ձերբակալված Գազայի 1700 բնակչի։
Latest from ArmNews
- Աբովյանում երիտասարդների են դանակահարել. մեկի կյանքը փրկել չի հաջողվել
- Վեհափառի հրաժարականի և Արշակ արք. Խաչատրյանի կագալուծության պահանջի մասին տեղեկատվությունը կեղծ է
- Դավիթ Համբարձումյանի նկատմամբ դատավճիռը կապ չունի արդարադատության հետ, նա քաղբանտարկյալ է․ փաստաբան
- Արևմուտքում բացահայտել են Սու-57-ի եզակի առավելությունները
- Արմավիրում բшխվել են 2 «Mercedes»-ները, որոնցից մեկը կողաշրջվել է և բшխվել ծառին․ կա վիրшվոր
- Իսրայելը նոր հարվածներ է հասցրել «Հեզբոլլահ»-ի ենթակառուցվածքներին
- Իսրայելից հարվածների դեպքում Իրանը միաժամանակ հազարավոր հրթիռներ կարձակի Իսրայելի ուղղությամբ
- Ֆրանսիայի նախկին նախագահը վաղաժամկետ ազատ է արձակվել բանտից
Լրահոս
Ֆոտո
