Նոբելյան կոմիտեն երկուշաբթի օրը անցկացրել է իր վերջին նիստը և, համապատասխանաբար, ընտրել է այս տարվա Խաղաղության մրցանակի դափնեկրին դեռևս Գազայի խաղաղության համաձայնագրի կնքումից առաջ, հաղորդում է Agence France-Presse-ը՝ հղում անելով Օսլոյի Նոբելյան ինստիտուտի ներկայացուցչին, փոխանցում է ՌԻԱ «Նովոստին»: 

«Նոբելյան կոմիտեի վերջին նիստը տեղի ունեցավ երկուշաբթի օրը... Վերջնական շտրիխները արվեցին երկուշաբթի օրը, բայց մենք երբեք չենք բացահայտում, թե երբ է Նոբելյան կոմիտեն որոշում կայացնում»,-գործակալությանը հայտնել է Նորվեգիայի Նոբելյան ինստիտուտի ներկայացուցիչ Էրիկ Օսհայմը:

«Ֆրանս Պրես»-ը ընդգծում է, որ Նոբելյան խաղաղության մրցանակի ապագա դափնեկրի վերաբերյալ որոշումը կայացվել է Իսրայելի և պաղեստինյան «ՀԱՄԱՍ» շարժման միջև խաղաղության համաձայնագրի կնքումից առաջ։