Իրանի ատոմային էներգիայի կազմակերպության ղեկավար Մոհամմադ Էսլամին հայտարարել է, որ ռադիոդեղագործական միջոցների արտադրությունը չի դադարի, իսկ օրակարգում Ռուսաստանի հետ համագործակցությամբ ութ ատոմակայանների կառուցումն է, հաղորդում է Mehr-ը։ 

Էսլամին տեղեկացրել է Իսրայելի կողմից սանձազերծված վերջին 12-օրյա պատերազմի ընթացքում միջուկային օբյեկտներին հասցված վնասի մասին և ներկայացրել դրանք ձեռնարկված միջոցառումները ամրապնդելու համար։ Նա նաև խոսել է Ռուսաստանում իր վերջին այցի արդյունքների մասին։ Ռեզային մեջբերել է Էսլամիի խոսքերը, որ ռադիոդեղագործական պատրաստուկների արտադրությունն Իրանում երբեք չի դադարել և չի դադարի։

Նա հավելել է, որ 2022-ից 2024 թվականներն ընկած ժամանակահատվածում շուրջ 500 գիտական և տեխնոլոգիական ձեռքբերում է եղել, որոնցից շատերն անմիջական ազդեցություն են ունեցել մարդկանց կյանքի և ազգային տնտեսության վրա։ Ինչ վերաբերում է Ռուսաստան կատարած իր այցին, Էսլամին ասել է, որ Իրանն ու Ռուսաստանն ունեն ութ ատոմային էլեկտրակայանների կառուցման արձանագրություն, որոնցից մեկը գործում է, երկուսը՝ կառուցման փուլում, իսկ ևս հինգը նախատեսված են Հորմոզգան նահանգում՝ 5000 մեգավատ ընդհանուր հզորությամբ։

Էսլամին նաև քննադատել է Ատոմային էներգիայի միջազգային գործակալությանը (ԱԷՄԳ) այն բանի համար, որ չի կարողացել պատշաճ կերպով պաշտպանել Իրանի գաղտնի տեղեկությունները, չնայած բազմիցս արված նախազգուշացումներին։

Նա ընդգծել է, որ քաղաքական բանակցությունները մնում են Արտաքին գործերի նախարարության իրավասության ներքո՝ Ազգային անվտանգության բարձրագույն խորհրդի (ԱԱԽ) գլխավորությամբ։

Ռեզային հավելել է, որ Ազգային անվտանգության և արտաքին քաղաքականության խորհրդարանական հանձնաժողովը արձագանքման պլան է պատրաստում՝ կապված Եվրոպական եռյակի կողմից արագ արձագանքման մեխանիզմի գործարկման հետ։