Քրեական վարույթի նախաքննության ընթացքում 2 անձ ձերբակալվել է: Այդ մասին տեղեկությունը Sputnik Արմենիայի հետ զրույցում հաստատցին ՀՀ քննչական կոմիտեից։

Ավելի վաղ անհետ կորած անձանց հարազատների փաստաբան Տաթևիկ Սողոյանը հայտնել էր, որ սեպտեմբերի 29–ին ՀՀ պաշտպանության նախարարության շենքի մոտ տեղի ունեցած քաշքշուկի արդյունքում ձերբակալվել են անհետ կորած անձանց հարազատներ Արսեն Ղուկասյանը և Ապիջան Սարգսյանը: Նրանց նկատմամբ միջնորդություն է ներկայացվել դատարան` կալանքը որպես խափանման միջոց կիրառելու համար:

«Նրանք նկատմամբ հարուցվել է հանրային քրեական հետապնդում ՀՀ քրեական օրենսգրքի 297-րդ հոդվածի 3-րդ մասով (խուլիգանությունը) և 452-րդ հոդվածի 1-ին մասով (պաշտոնատար անձի օրինական ծառայողական կամ քաղաքական գործունեությանը միջամտելը)»,– ավեալացրին կոմիտեից։

Նշենք, որ անհետ կորածների և զոհվածների հարազատներն այսօր ՀՀ կառավարության շենքի մոտ բողոքի ակցիա անցկացրին։ Ծնողները նշեցին, որ գնալու են Աջափնյակի դատարան, որտեղ քննվելու է ձերբակալվածների կալանքի հարցը։