Լրտեսության համար պատժի խստացման օրինագծում փոփոխություններ կատարելուց հետո այն ճանաչվել է շարիաթի և Սահմանադրության դրույթներին համապատասխան: Այս մասին հայտնել է Իրանի Սահմանադրության պահապանների խորհրդի պաշտոնական ներկայացուցիչ Հադի Թահան Նազիֆը։

«Լրտեսության, Իսրայելի ռեժիմի, Իրանի անվտանգության և ազգային շահերի նկատմամբ թշնամաբար տրամադրված երկրների հետ համագործակցության համար պատժի խստացման մասին օրինագիծը, որը նախորդ փուլերում անհասկանալի և բարդ դրույթներ էր պարունակում, խորհրդարանի կողմից փոփոխություններ կատարելուց և Սահմանադրության պահապանների վերանայվելուց հետո ճանաչվել է շարիաթին և Սահմանադրության սկզբունքներին չհակասող», - գրել է Թահան Նազիֆը Х սոցցանցի իր էջում:

Հունիսի վերջին IRNA գործակալությունը հայտնել էր, որ Իրանի խորհրդարանը հավանություն է տվել հիշյալ օրինագծին, որը բաղկացած է 9 հոդվածից: Փաստաթղթի համաձայն, ցանկացած գործունեություն, որը գիտակցված իրականացվում է Իսրայելի և «թշնամի» սահմանմանը համապատասխանող երկրների օգտին լրտեսության նպատակով, համարվում է հանցագործություն, որի համար պատիժ է նախատեսված Իսլամական պատիժների օրենսգրքի 286-րդ հոդվածով։