ԱՄՆ-ում «շաթդաուն» է սկսվում, ոսկու գինը հասել է պատմական առավելագույնի
Նոր ֆինանսական տարին ԱՄՆ-ում սկսվել է հոկտեմբերի 1-ին՝ առանց Կոնգրեսի կողմից համաձայնեցված բյուջեի, ինչը դաշնային իշխանություններին ստիպում է դադարեցնել աշխատանքը` գնալ «շաթդաունի»:
Նախօրեին Սենատում հանրապետականներն ու դեմոկրատները չեն կարողացել համաձայնության գալ բյուջեի ընդունման շուրջ և նիստն ավարտել է՝ «շաթդաունը» դարձնելով անխուսափելի: Սենատը չի կարողացել ընդունել կառավարության ֆինանսավորման մասին երկու օրինագծերից և ոչմեկը:Սպիտակ տունը հանձնարարել է կառավարական հաստատություններին պատրաստվել աշխատանքի դադարեցմանը:
ԱՄՆ նախագահ Դոնալդ Թրամփն ավելի վաղ հայտարարել էր, որ կարող է կառավարության գործունեության ընդմիջման ժամանակ իրականացնել անձնակազմի և աշխատավարձերի կրճատումներ: Նա դեմոկրատներին է մեղադրել բյուջեն չհամաձայնեցնելու հարցում և խոստացել է ստեղծված իրավիճակն օգտագործել` ազատվելու այն ծրագրերից, որոնք հանրապետականներին դուր չեն գալիս:
Այս ֆոնին ոսկու բորսայական գինը կրկին թարմացրել է պատմական առավելագույնը՝ գերազանցելով տրոյական ունցիայի դիմաց 3 900 դոլարը։
ԱՄՆ պատմության մեջ կառավարության աշխատանքի ամենաերկար ընդմիջումը տեղի էր ունեցել Թրամփի նախագահության առաջին ժամկետում և տևել էր 35 օր՝ ավարտվելով 2019 թվականի հունվարին: Այն ժամանակ 420 հազար մարդ պետական աշխատանքը կատարում էր «ավանսով»՝ չվճարվելով դրա դիմաց, իսկ 380 հազարին ուղարկել էին հարկադիր պարապուրդի։
Առաջին «շաթդաունի» ժամանակ չէին գործում ամբողջ գերատեսչություններ, դանդաղել էր փաստաթղթերի ձևակերպումը։ Տրանսպորտային ծառայությունների աշխատակիցների պակասի պատճառով համատարած ուշացումներ էին։ Այգիներում աղբի էր գոյացել, պետական թանգարանները չէին աշխատում: Դեմոկրատներն այս ժամանակահատվածն օգտագործեցին քարոզչության համար՝ մթերքներ բաժանելով առանց աշխատավարձի մնացած պաշտոնյաներին: Ինքը՝ Թրամփը, Սպիտակ տանը ընդունելով մարզիկներին, նրանց հյուրասիրել էր McDonald's-ի բուրգերներով, քանի որ խոհարարին արձակուրդ էր ուղարկել:
Latest from ArmNews
- Հայաստանի և Ադրբեջանի միջև պшտերшզմը մենք ավարտեցինք․ նայեք նրանց, այստեղ նստած են, ընկերներ են․ Թրամփ
- Խաղաղության Նոբելյան մրցանակը պետք է ստանար Թրամփը՝ Ադրբեջանում խաղաղության համար. Թրամփի հատուկ բանագնաց
- Գազայի հատվածում հրադադարի մասին համաձայնագիր է ստորագրվել
- Ֆրանսիան բողոքի ցույցերի ֆոնին տարհանել է Մադագասկարի նախագահին
- ԵԱՏՄ-ն միասնական տրանսպորտային-լոգիստիկ տարածք է ձևավորում
- Հայաստանի շախմատի կանանց հավաքականը առավելության է հասել Թուրքիայի նկատմամբ
- Թրամփը Ուիթքոֆին խնդրել է կենտրոնանալ ռուս-ուկրաինական հակամարտության կարգավորման վրա
- Թրամփը պատրաստ է Իրանին «բարեկամության ձեռք» մեկնել
Լրահոս
Ֆոտո
