ՀՀ սննդամթերքի անվտանգության տեսչական մարմինը կասեցրել է «Բեկոն պրոդուկտ» 2 երկու արտադրատեսակի արտադրությունը։ Այս մասին հայտնում է ՍԱՏՄ մամուլի ծառայությունը։

Նշվում է, որ «Բեկոն Պրոդուկտ»–ից 6 արտադրատեսակ ուղարկել է փորձաքննության, որոնցից «Նրբաբլիթ տավարի մսով»-ի և «Պելմենի դասական»-ի մեջ եղել են շտկման ենթակա ցուցանիշներ։

««Նրբաբլիթ տավարի մսով»–ում մեզոֆիլային աերոբ և ֆակուլտատիվ անաերոբ մանրէների և աղիքային ցուպիկի խմբի մանրէների քանակը, իսկ «Պելմենի դասական»-ում` ՄԱՖԱնՄՔ–ի քանակը ցուցանիշներով չեն համապատասխանել Մաքսային Միության տեխնիկական կանոնակարգերով սահմանված նորմերին»,– ասված է հայտարարության մեջ։

Տեսչական մարմնի ղեկավարի որոշմամբ՝ կասեցվել է մսամթերքի արտադրամասի առանձին գործառույթը, հայտնաբերված անհամապատասխանությունները վերացնելու համար սահմանվել է ժամկետ, ինչպես նաև տրվել է խմբաքանակի իրացումն արգելելու, շուկայից հետ կանչելու, ոչնչացնելու կամ օգտահանելու մասին կարգադրագիր։