Հոկտեմբերի 14-ին Թուրքիայի ֆուտբոլի ազգային հավաքականը 2026 թվականի աշխարհի առաջնության որակավորման խմբային փուլի 4-րդ խաղում սեփական հարկի տակ մրցել է Վրաստանի ֆուտբոլի ազգային հավաքականի հետ։  Նշենք, որ խաղն ավարտվել է 4-1 հաշվով՝ ի օգուտ Թուրքիայի։ Այս մասին գրում է  ermenihaber.am-ը:

Խաղին ներկա են գտնվել Թուրքիայի նախագահ Ռեջեփ Թայիփ Էրդողանը և Վրաստանի նախագահ Միխեիլ Կավելաշվիլին։

Սոցցանցերում լայնորեն տարածվել են նախագաների լուսանկարները, որտեղ երևում է, թե ինչ ուրախ է Էրդողանը Թուրքիայի հավաքականի հաղթանակի, իսկ Կավելաշվիլին տխուր՝ Վրաստանի ազգային ընտրանու պարտության կապակցությամբ։

Մեծ Բրիտանիան պատժամիջոցներ է կիրառել «ԼՈՒԿՕՅԼ»-ի և «Ռոսնեֆտ»-ի նկատմամբ, Այս մասին հրապարակվել է Մեծ Բրիտանիայի կառավարության կայքում տեղադրված պատժամիջոցների ցանկում։

Միջոցառումները ներառում են ակտիվների սառեցում, ինչպես նաև վստահության ծառայությունների և տրանսպորտի նկատմամբ պատժամիջոցներ։ Փաստաթղթում նշվում է, որ այս միջոցառումները կապված են «Ռուսաստանի կառավարության համար ռազմավարական նշանակություն ունեցող ոլորտում, մասնավորապես՝ էներգետիկ ոլորտում, բիզնեսով զբաղվելու հետ»։ Ընկերությունները նախկինում ենթարկվել են ոլորտային պատժամիջոցների։

«Ռոսնեֆտ»-ի դեպքում բրիտանական կառավարությունն արգելել է ընկերությանը պատկանող, վերահսկվող, վարձակալված կամ շահագործվող նավերի մուտքը Մեծ Բրիտանիայի նավահանգիստներ: ինչպես նաև, ընկերության ինքնաթիռներին արգելվել է թռչել երկրի վրայով կամ վայրէջք կատարել երկրի տարածքում:

Բացի այդ, պատժամիջոցների ցանկում ավելացվել է նաև չինական National Pipeline Group Beihai Liquefied Natural Gas CO LTD ընկերությունը։ Այն ներառելու պատճառը բրիտանական պատժամիջոցների ենթակա նավերի հետ փոխազդեցությունն էր։

Ռուսաստանը չի կատարի Մարդու իրավունքների եվրոպական դատարանի (ՄԻԵԴ) որոշումը, որը պարտավորեցրել էր Մոսկվային Վրաստանին վճարել ավելի քան 253 միլիոն եվրո՝ կապված 2008 թվականի օգոստոսին տեղի ունեցած ռազմական հակամարտության հետ, ՌԲԿ-ի փոխանցմամբ հայտարարել է նախագահի մամուլի քարտուղար Դմիտրի Պեսկովը։

Մոսկվան դուրս է եկել ՄԻԵԴ-ի իրավասությունից 2022 թվականին։ Միաժամանակ ընդունվել է օրենք, որը թույլ է տալիս Ռուսաստանին խուսափել իր որոշումների կատարումից՝ Եվրոպայի խորհրդից դուրս գալուց և Մարդու իրավունքների եվրոպական կոնվենցիայի կողմ չլինելուց հետո։ Պեսկովի խոսքով, նախագահ Վլադիմիր Պուտինը ՄԻԵԴ-ի որոշումները անվանել է քաղաքականացված և կողմնակալ, այդ պատճառով էլ Ռուսաստանը դադարեցրել է դրանց կատարումը։

Վրաստանին փոխհատուցման վճարումների վերաբերյալ իրենց որոշման մեջ ՄԻԵԴ-ի դատավորները պարզել են, որ 2009 թվականին Աբխազիայի և Հարավային Օսիայի հետ սահմանազատման գծերի սահմանումը խախտել է մոտ 29,000 մարդու իրավունքները: Սա հիմնականում վերաբերում էր այն դեպքերին, երբ անհատներին սահմանափակվել էր մուտք գործել իրենց ընտանիքներ, տներ և հողեր: Դատարանը սա համարել է անձնական և ընտանեկան կյանքի հարգման, տան անձեռնմխելիության և սեփականության պաշտպանության իրավունքի խախտում:

Եգիպտոսում սկսվել է Թրամփի Մերձավոր Արևելքի ծրագրի շուրջ բանակցությունների հաջորդ փուլը, որը կենտրոնանում է ՀԱՄԱՍ-ի զինաթափման, Գազայի հատվածի պատերազմից հետո կառավարման և տարածաշրջանային անվտանգության վրա՝ արաբական խաղաղապահ ուժերի մասնակցությամբ, հաղորդում է The Wall Street Journal-ը։

Առաջարկությունները ներառում են Եգիպտոսի և Հորդանանի կողմից կազմված 1000 հոգանոց պաղեստինյան ոստիկանական ուժերի ստեղծում՝ մինչև 10000 մարդ ընդլայնվելու հնարավորությամբ:

Այնուամենայնիվ, լուրջ դժվարություններ են մնում. Իսրայելը և արաբական երկրները զգուշանում են օկուպանտների դերում հայտնվելուց:

Միլանի «Ինտերի» փորձառու հայ կիսապաշտպան Հենրիխ Մխիթարյանը խոսել է իր ապագայի մասին։

«Ես իմ աշխատանքի մեջ ներդնում եմ կիրք, սիրտ և ամբողջ էներգիաս։ Ես շատ հպարտ եմ իմ կարիերայով։ Միայն հիմա եմ լիովին գիտակցում, թե ինչի եմ հասել։ Ես անում եմ ամեն ինչ՝ լավ ֆիզիկական մարզավիճակ պահպանելու համար։ Մրցաշրջանի ավարտին մոտ կորոշեմ՝ շարունակե՞լ խաղալ, թե՞ ոչ»,- ասել է Մխիթարյանը Sky Sport Italia-ի հետ զրույցում։

Հիշեցնենք, որ Մխիթարյանը միացել է «Ինտերին» 2022 թվականի հուլիսի 1-ին։ Նրա գործող պայմանագրի ժամկետը միլանյան գրանդի հետ նախատեսված է մինչև 2026 թվականի հունիսի 30-ը։

Արագածոտնի թեմից նաև կին աշխատակիցներ են ձերբակալվել։ Այս մասին ՔԿ-ի բակում լրագրողների հետ զրույցում ասել է փաստաբան Մարինե Ֆարմանյանը։

Նա նշել է, որ բացի հոգևորականներից, ձերբակալվել են նաև առաջնորդարանի հաշվապահը, գլխավոր հաշվապահը, գործավար-քարտուղարը, նրանք բոլոր կին են։

Ֆարմանյանի խոսքով, Արագածոտնի թեմի հոգևորական Տեր Օշինը նույնպես անհետացել է, տեղի են ունենում քահանաների առևանգումներ։ «Հաղորդում ենք ներկայացրել ոստիկանություն, նաև ՄԻՊ-ին ենք ահազանգել, որը մեր ահազանգից 5 ժամ անց արձագանքման խումբ ուղարկեց, նրանք հետևի մուտքով կարողացել են վերև բարձրանալ»,- ասել է փաստաբան։

Չինական Sohu պորտալի գնահատմամբ՝ Մեծ Բրիտանիան կբախվի լիակատար փլուզման, եթե սկսի ռազմական հակամարտություն Ռուսաստանի և Չինաստանի դեմ։ Ինչպես գրում է աղբյուրը, Լոնդոնի ներկայիս ռազմական հավակնությունները չեն համապատասխանում իր իրական հնարավորություններին։

Հոդվածում նշվում է, որ Մեծ Բրիտանիայի վարչապետ Քիր Ստարմերը հայտարարել է 15 միլիարդ ֆունտ ստեռլինգ ներդրում 12 միջուկային սուզանավ կառուցելու համար՝ նպատակ ունենալով վերականգնել երկրի ռազմական հզորությունը ԱՄՆ-ի մակարդակին մոտ։ Սակայն Sohu-ի կարծիքով՝ նման ռազմավարությունը անիրատեսական է և կհանգեցնի աղետի, եթե Բրիտանիան փորձի մարտահրավեր նետել երկու գերտերություններին։

Չինական պորտալը խորհուրդ է տալիս Լոնդոնին հրաժարվել վտանգավոր ռազմական ծրագրերից և ընդունել աշխարհակարգի փոփոխությունը՝ հարմարվելով նոր միջազգային իրողություններին։ Նախորդ հրապարակումներից մեկում Sohu-ն նաև նշել էր, որ ԱՄՆ նախագահ Դոնալդ Թրամփը բարդ իրավիճակում է հայտնվել Չինաստանի տնտեսական քայլերի հետևանքով։

ՌԴ նախագահ Վլադիմիր Պուտինն ու Սիրիայի ղեկավար Ահմեդ ալ-Շարաան բանակցությունների ընթացքում կքննարկեն Սիրիայում ռուսական ռազմաբազաների հարցը, հայտարարել է ՌԴ նախագահի մամուլի քարտուղար Դմիտրի Պեսկովը։

Հանդիպման վերաբերյալ խոսել է նաև ՌԴ ԱԳՆ խոսնակ Մարիա Զախարովան: Նա նշել է, որ Մոսկվան և Դամասկոսը քննարկում են Սիրիայում Ռուսաստանի ներկայության և ռուսական ռազմական օբյեկտների վերաձևավորման հարցը։

«Բնականաբար, նման հարցերն ու շփումները տեղի են ունենում փակ դռների հետևում»,- հավելել է նա։

Քաղաքացիները, այդ թվում՝ արտասահմանում գտնվող ներդրողները, կկարողանան Հայաստանի Հանրապետությունում գույք ձեռք բերել հիփոթեքային վարկավորմամբ՝ առանց նոտարական վավերացման և առանց ֆիզիկապես ներկա լինելու։  

«Արմենպրես»-ի հաղորդմամբ՝ Ազգային ժողովի տնտեսական հանձնաժողովի նիստում այս մասին ասաց ՀՀ կադաստրի կոմիտեի ղեկավար Սուրեն Թովմասյանը՝ ներկայացնելով համապատասխան նախագիծը։

Թովմասյանը ներկայացրեց, որ փոփոխությունները վերաբերում են այն եռակողմ պայմանագրերին, որոնց կողմերն են բանկը կամ վարկ տրամադրող կազմակերպությունը, գնորդը և վաճառողը։

«Այս փոփոխությամբ սահմանվում է հնարավորություն, որ նման պայմանագրերը իրավունքի պետական գրանցման ներկայացվեն առանց նոտարական վավերացման։ Բանկը՝ որպես հիփոթեքային վարկ տրամադրող, կներկայացնի պայմանագիրը Կադաստրի կոմիտե՝ էլեկտրոնային եղանակով»,-նշեց նա։

Թովմասյանի խոսքով՝ նախաձեռնությունը միտված է երկու հիմնական նպատակի․ գործընթացների պարզեցում և ծախսերի նվազեցում, քանի որ քաղաքացիները այլևս կարիք չեն ունենա նոտարական հաստատման և լիազորագրերի տրամադրման։ Երկրորդ նպատակն անշարժ գույքի շուկայի զարգացումն է, որը հնարավոր կդարձնի ներդրումներ անել Հայաստանի անշարժ գույքի շուկայում՝ նույնիսկ արտասահմանում գտնվելու դեպքում։ 

«Եթե արտասահմանում ապրող մարդը ցանկանում է ներդրում կատարել և գնել գույք հիփոթեքային վարկավորմամբ, նա կարող է առուծախի պայմանագիրը ստորագրել հեռահար եղանակով՝ առանց Հայաստան այցելելու։ Բանկը էլեկտրոնային եղանակով կներկայացնի պայմանագիրը Կադաստրի կոմիտե, որը կդառնա իրավունքի պետական գրանցման հիմք»,-ընդգծեց կոմիտեի ղեկավարը։ 

Նա հավելեց, որ քաղաքացիները հնարավորություն կունենան ընտրելու՝ օգտվե՞լ նոր թվային մեխանիզմից, թե՞ պահպանել նոտարական վավերացման ավանդական եղանակը։ Օրենքի ուժի մեջ մտնելուց հետո Կառավարությունը կսահմանի նաև պայմանագրի միասնական ձևանմուշ, որով կիրականացվի այդ գործարքների գրանցումը։

Ռուսաստանը չի կատարի Մարդու իրավունքների եվրոպական դատարանի (ՄԻԵԴ) որոշումը, որը պարտավորեցրել էր Մոսկվային Վրաստանին վճարել ավելի քան 253 միլիոն եվրո՝ կապված 2008 թվականի օգոստոսին տեղի ունեցած ռազմական հակամարտության հետ, ՌԲԿ-ի փոխանցմամբ հայտարարել է նախագահի մամուլի քարտուղար Դմիտրի Պեսկովը։

Մոսկվան դուրս է եկել ՄԻԵԴ-ի իրավասությունից 2022 թվականին։ Միաժամանակ ընդունվել է օրենք, որը թույլ է տալիս Ռուսաստանին խուսափել իր որոշումների կատարումից՝ Եվրոպայի խորհրդից դուրս գալուց և Մարդու իրավունքների եվրոպական կոնվենցիայի կողմ չլինելուց հետո։ Պեսկովի խոսքով, նախագահ Վլադիմիր Պուտինը ՄԻԵԴ-ի որոշումները անվանել է քաղաքականացված և կողմնակալ, այդ պատճառով էլ Ռուսաստանը դադարեցրել է դրանց կատարումը։

Վրաստանին փոխհատուցման վճարումների վերաբերյալ իրենց որոշման մեջ ՄԻԵԴ-ի դատավորները պարզել են, որ 2009 թվականին Աբխազիայի և Հարավային Օսիայի հետ սահմանազատման գծերի սահմանումը խախտել է մոտ 29,000 մարդու իրավունքները: Սա հիմնականում վերաբերում էր այն դեպքերին, երբ անհատներին սահմանափակվել էր մուտք գործել իրենց ընտանիքներ, տներ և հողեր: Դատարանը սա համարել է անձնական և ընտանեկան կյանքի հարգման, տան անձեռնմխելիության և սեփականության պաշտպանության իրավունքի խախտում: