Երևանի քաղաքապետ Տիգրան Ավինյանն օգտվել է հասարակական տրանսպորտից, երթևեկության ընթացքում լսել ուղևորների մտահոգությունները և պատասխանել նաև նրանց հարցերին:

Տիգրան Ավինյանը ներկայացրել է նաև քաղաքային իշխանության՝ հասարակական տրանսպորտի բարելավմանն ուղղված պլանները: 

Երթևեկությունը հեռարձակվում է քաղաքապետի Ֆեյսբուքի էջի ուղիղ եթերում:

Վարչապետ Նիկոլ Փաշինյանը սեպտեմբերի 4-ից երկօրյա աշխատանքային այցով կգտնվի Ճապոնիայում:

Այցի շրջանակում Տոկիոյում նախատեսված է Հայաստանի և Ճապոնիայի վարչապետներ՝ Նիկոլ Փաշինյանի և Շիգերու Իշիբայի հանդիպումը: 

Սեպտեմբերի 5-ին ՀՀ վարչապետն Օսակայում կմասնակցի «Էքսպո 2025»-ի շրջանակում անցկացվելիք Հայաստանի ազգային օրվան նվիրված միջոցառմանը:

Ռուսաստանն աջակցում է Ադրբեջանի և Հայաստանի համատեղ որոշմանը՝ լուծարելու Եվրոպայի անվտանգության և համագործակցության կազմակերպության (ԵԱՀԿ) Մինսկի խումբը, որը զբաղվում էր Ղարաբաղյան հակամարտության կարգավորմամբ։ Այս մասին РБК-ին ասել է ԵԱՀԿ-ում Ռուսաստանի մշտական ​​ներկայացուցիչ Ալեքսանդր Լուկաշևիչը՝ մանրամասնելով, որ խումբը նախատեսվում է վերջնականապես լուծարել մինչև 2025 թվականի դեկտեմբերը։

Նրա խոսքով՝ խոսքը վերաբերում է երեք ինստիտուտների՝ Մինսկի խմբի, ԵԱՀԿ գործող նախագահի անձնական ներկայացուցչի պաշտոնի և բարձր մակարդակի պլանավորման խմբի աշխատանքի դադարեցմանը։ «Հաշվի առնելով կողմերի դիրքորոշումը դրանց պահպանման աննպատակահարմարության վերաբերյալ, մենք որևէ պատճառ չենք տեսնում դրանց լուծարումը կանխելու համար», - ասել է դիվանագետը։

Ալեքսանդր Լուկաշևիչի խոսքով՝ Մինսկի խմբի լուծարման ընթացակարգը հետևյալն է. ԵԱՀԿ մշտական ​​խորհուրդը (քաղաքական խորհրդակցությունների հիմնական որոշում կայացնող մարմինը) առաջարկել է կազմակերպության անդամներին «լռելյայն համաձայնություն տալ» այս հարցի վերաբերյալ նախարարական որոշմանը. եթե մինչև սեպտեմբերի 1-ը ոչ ոք դեմ չլինի Մինսկի խմբի լուծարմանը, որոշումը կհամարվի ընդունված։ «Պետք է հաշվի առնել, որ այս որոշման իրականացման հետ կապված վարչական և ֆինանսական միջոցառումների իրականացումը կտևի մի քանի ամիս։ ԵԱՀԿ-ն նախատեսում է դրանք ավարտել ոչ ուշ, քան այս տարվա դեկտեմբերը։ Դրանից հետո բոլոր երեք կառույցները, որոնք պատասխանատու էին Լեռնային Ղարաբաղի կարգավորմանը նպաստելու համար, պետք է դադարեն գոյություն ունենալուց», - ասել է Ռուսաստանի մշտական ​​ներկայացուցիչը։

Դպրոցներում դասերը 8.30-ից շուտ սկսելը բացասաբար է ազդում երեխաների հոգեկան առողջության վրա։ Այս մասին Facebook-ի իր էջում գրել է ԵՊՀ դասախոս, կրթության փորձագետ Սերոբ Խաչատրյանը։

Նա, մասնավորապես, նշել է. «Եթե որոշ երկրներում դասերը սկսում են 8-ին, չի նշանակում, որ ճիշտ են անում։ Այդ երկրները պարզապես զոհաբերում են իրենց երեխաների առողջությունը բիզնեսի շահերին։ Այսինքն՝ դպրոցի ժամերը հարմարեցնում են աշխատանքային ժամերին։

Ի դեպ, Էստոնիան, որը Եվրոպայի լավագույն դպրոցական համակարգերից մեկն ունի, այս սեպտեմբերից դասերը սկսելու է 9.00-ին՝ 8.30-ի փոխարեն։

Երևանի դպրոցական երեխաների առյուծի բաժինը չի երթևեկում, հաճախում է հարևանությամբ գտնվող դպրոցը։ Խցանումներից խուսափելու համար, մենք հարվածի տակ ենք դնում երեխաների հոգեկան առողջությունը։ Էստոնիան հայտարարել է, որ դասերը ուշ սկսելու նպատակը երեխաների հոգեկան առողջությունը պահպանելն է։

Նախորդ փոստում բերել եմ որոշ գիտական հիմնավորումներ»։

Նշենք, որ երեկ ԿԳՄՍՆ–ն հաղորդագրություն տարածեց, ըստ որի սեպտեմբերի 1–ից դպրոցներում դասերը սկսվելու են 15 րոպե շուտ, այսինքն ժամը 8.15–ին։

Վարչապետ Նիկոլ Փաշինյանը տիկնոջ՝ Աննա Հակոբյանի հետ, օգոստոսի 30-ից սեպտեմբերի 3-ը աշխատանքային այցով կգտնվի Չինաստանի Ժողովրդական Հանրապետությունում։

Այցի շրջանակում վարչապետը կմասնակցի ՇՀԿ գագանթաժողովի ՇՀԿ+ ձևաչափի հանդիպմանը և դրա շրջանակում կայանալիք միջոցառումներին: Նախատեսվում են մի շարք բարձր մակարդակի հանդիպումներ, այդ թվում՝ Չինաստանի Ժողովրդական Հանրապետության նախագահ Սի Ծինփինի և փոխնախագահ Հան Ճենի հետ։

Այցի շրջանակում վարչապետը երկկողմ հանդիպումներ կունենա օտարերկրյա պետությունների գործընկերների հետ։

«Կիևում շարունակվում են ռուսական հրետակոծության հետևանքների վերացման աշխատանքները»։ Այս մասին հայտնել է Ուկրաինայի արտակարգ իրավիճակների պետական ​​ծառայությունը, հաղորդում է UNIAN-ը։

Տեղական իշխանությունների տվյալներով՝ զոհվել է 23 մարդ։

Հաղորդվում է, որ միայն Դարնիցկիի շրջանում հինգհարկանի շենքի վրա հարվածի հետևանքով զոհվել է 22 մարդ, իսկ Շևչենկովսկիում՝ ևս մեկը։ Նշվում է, որ զոհվածների թվում կան չորս երեխաներ։

Լիլիթ Մակունցը նշանակել է վարչապետի գլխավոր խորհրդական։ Այս մասին տեղեկանում ենք վարչապետի որոշումներից։

«Ղեկավարվելով «Հանրային ծառայության մասին» օրենքի 9-րդ հոդվածի 10-րդ մասով՝ ԼիլիթՄակունցին նշանակել վարչապետիգլխավոր խորհրդական»։

«Ողբերգություն Ռադոմում. F-16 ինքնաթիռ է կործանվել ավիաշոուի նախապատրաստական ​​աշխատանքների ժամանակ։ Ցավոք, օդաչուն մահացել է», - BBC-ի հաղորդմամբ՝ ասել է Լեհաստանի կառավարության խոսնակ Ադամ Շլապկան։

Լեհաստանի իշխանությունների տվյալներով՝ գետնի վրա զոհեր չկան։ Ողբերգության կադրերից դատելով՝ ինքնաթիռը ընկել է թռիչքուղու վրա, և օդաչուն չի հասցրել կատապուլտվել։

Դեպքը տեղի է ունեցել երկրի կենտրոնական մասում գտնվող Ռադոմ քաղաքի վերևում։

Իրանի գործադիր փոխնախագահ Մոհամմադ Ջաֆար Քաեմ Փանահը հայտարարել է, որ կառավարությունը մեծ ջանքեր է գործադրում Չաբահարի երկաթուղու նախագիծն ավարտելու և այն երկրի երկաթուղային ցանցին միացնելու ուղղությամբ։

Նա ասել է, որ երկաթուղին շուտով կմիացվի միջազգային միջանցքներին։

Չաբահարում Հյուսիս-Հարավ միջանցք այցելող Մոհամմադ Ջաֆար Քաեմ Փանահը IRNA-ին պատմել է Չաբահարի երկաթուղային նախագծի ռազմավարական նշանակության մասին։

Նա նշել է, որ «այս երթուղին ազգային երկաթուղային ցանցին միացնելը հիմք կդնի միջազգային միջանցքի ստեղծման համար»։

Քաեմ Փանահը հավելել է, որ այս երթուղով հնարավոր կլինի Չաբահարի նավահանգստից տեղափոխել անհրաժեշտ ապրանքներ երկրի հյուսիս, իսկ այնտեղից՝ Կովկաս, Ռուսաստան և Եվրոպա, ինչը կամրապնդի Իրանի դերը տարածաշրջանային և համաշխարհային առևտրում։