ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
«Հրապարակ» օրաթերթը գրում է.
Ինչպես կանխատեսել էինք, իշխանությունների փորացավը ՀԷՑ-ը ՔՊ-ականացնելն է, նրա ավելի քան 7 հազար աշխատակիցներին կուսակցական դարձնելը՝ ընտրություններին ընդառաջ։ Տեղեկացանք, որ Ռոմանոս Պետրոսյանը ոչ միայն ՀԷՑ մասնաճյուղերի ղեկավարներին է փոխում, յուրայիններին նշանակում, այլեւ գրեթե ամենօրյա ռեժիմով սպառնում է շարքային աշխատակիցներին՝ կա՛մ մտնել ՔՊ, կա՛մ ազատվել աշխատանքից։
ՀԷՑ նախկին տնօրեն Դավիթ Ղազինյանին հարցրինք՝ իրեն հայտնի՞ են նման դեպքեր, երբ աշխատակիցներին սպառնացել են կա՛մ ազատել, կա՛մ դարձնել ՔՊ-ական։ «Գիտեք՝ մասնագիտությունս թույլ չի տալիս մերկապարանոց հայտարարություններ անել, խոսակցությունների մակարդակով շատ բաներ են հասնում:
Այո, Ձեր ասած տարբերակը կա, ոչ միայն անդամակցել, այլեւ մեզ հետ լինել, կան լուրեր, որ, օրինակ, շանտաժ են անում՝ եթե դիմում չեք գրում, ուրեմն մի խնդիր են գտնում, սպառնում․․․ եւ այլն»:
Ըստ Ղազինյանի՝ Ռոմանոս Պետրոսյանն այդ ամենը բացահայտ է անում․ «Տանում են մասնաճյուղի պետնշանակելու, ընդհուպ այսպիսի խոսակցություն է եղել՝նախկինին հարգում էինք, լավ մարդ էր, բայց մեզ հետ չէր»։
Ովքեր են կազմակերպել Հայաստան-Պորտուգալիա խաղի տոմսերի վաճառքն ու ինչ կապ ունեն Մելիքբեկյանի հետ
Օգոստոսի 30, 2025«Ժողովուրդ» օրաթերթը գրում է. «Վերջերս Հայաստանում գրեթե ոչ մի մեծ միջոցառում առանց վայրիվերումների չի անցնում՝ սկսած Սնուփ Դոգից մինչեւ ֆուտբոլի խաղեր։
Օգոստոսի 14-ին ՀՖՖ-ն հայտարարեց սեպտեմբերի 6-ին սպասվող Հայաստան-Պորտուգալիա խաղի տոմսերի վաճառքի մեկնարկի մասին, սակայն կայքը տեխնիկական խնդիրներ ունեցավ։
Որոշ ժամանակ անց Ֆեդերացիան հայտարարեց, որ արդեն վաճառվել է 2500 տոմս, բայց կայքը տեխնիկական խնդիրներ ունի եւ անհասանելի է, ինչից մեկ ժամ անց էլ ՀՖՖ-ն հայտարարեց, որ տոմս գնելու համար ժամը 14:00-ից գործելու է հերթագրման համակարգ։ Այս համակարգի գործարկումից հետո համակարգի գործունեությունը խաթարվեց. տոմս գնել փորձող քաղաքացիների էկրաններին հայտնվող վահանակը հուշում էր՝ «տոմսերն արդեն սպառված են»։
Ֆուտբոլասերները դժգոհության մեծ ալիք բարձրացրին, քանի որ նրանցից որեւէ մեկը տոմս չէր գնել։ Տոմսերը աստղաբաշխական գներով սկսեցին վաճառվել համացանցում՝ ֆեյսբուքյան խմբերում, List.am-ում, փակ խմբերում: 1000 դրամանոց մեկ տոմսը կարող էր վաճառվել 50 անգամ թանկ արժեքով։
Տոմսերի վաճառքի պաշտոնական մեկնարկից առաջ, ըստ երեւույթին՝ արտասահմանյան անհայտ ծագման մի կայք, տոմսերը վաճառում էր ընդհուպ 1000 դոլարով։
Այս խառնաշփոթի միակ մեղավորը Հայաստանի ֆուտբոլի ֆեդերացիան է՝ Արմեն Մելիքբեկյանի գլխավորությամբ։
Ըստ «Ժողովուրդ» օրաթերթի տեղեկությունների՝ Հայաստան-Պորտուգալիա խաղի տոմսերի վաճառքն իրականացնողները Մելիքբեկյանի հետ փոխկապակցված անձինք են, ավելի կոնկրետ՝ նրա բարեկամներն են։
Այս առիթով «Ժողովուրդ» օրաթերթը հարցմամբ դիմեց ՀՖՖ՝ որպես լրագրողական էթիկայի դրսեւորում՝ շանս տալու մեկնաբանել տեղեկությունը։ Ֆեդերացիայից փորձել էինք ճշտել՝ ո՞վ է զբաղվում Հայաստան-Պորտուգալիա խաղի տոմսերի վաճառքով, ո՞ր ընկերությունը եւ ի՞նչ առնչություն (ընկերական, բարեկամական) ունեն ՀՖՖ-ի անունից տոմսեր վաճառողները Արմեն Մելիքբեկյանի հետ։
Ֆեդերացիայից, ի պատասխան, ստացել էինք հետեւյալը. «Հայտնում ենք, որ Հայաստան-Պորտուգալիա խաղի տոմսերը վաճառվել են www.tickets.ffa.am կայքում, որի աշխատանքները պատվիրակվել է «Արեւակ» ՍՊԸ-ին, իսկ երկրորդ հարցի մասով, այն է՝ թե ի՞նչ առնչություն ունեն ՀՖՖ-ի անունից տոմսեր վաճառողները Արմեն Մելիքբեկյանի հետ՝ տեղեկացնում ենք, որ ՀՖՖ-ի անունից տոմսեր վաճառողները որեւէ առնչություն չունեն «Հայաստանի ֆուտբոլի ֆեդերացիա» ՀԿ-ի եւ ՀՖՖ նախագահ Արմեն Մելիքբեկյանի հետ»,- ասված էր հարցման պատասխանում։
Թեեւ ֆեդերացիան չի հաստատում, սակայն կարծես թե ամենաթողություն է տիրում նաեւ այս համակարգում»։
Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 381.5 դրամ, վաճառքի նվազագույն արժեքը՝ 383.5 դրամ:
Եվրոյի առքի առավելագույն արժեքն է 443 դրամ, վաճառքի նվազագույն արժեքը՝ 448 դրամ:
Ռուսական ռուբլու առքի առավելագույն արժեքն է 4.73 դրամ, վաճառքի նվազագույն արժեքը՝ 4.83 դրամ:
ԱՄՆ դատարանը արգելափակել է ԱՄՆ կառավարության կողմից արագացված արտաքսման ընթացակարգը ամբողջ երկրում կիրառելու հաստատումը՝ այն թողնելով միայն սահմանամերձ շրջանների և նոր ժամանողների համար, հաղորդում է CBS-ը՝ հղում անելով դատարանի որոշմանը։
Հեռուստաալիքը հիշեցնում է, որ ԱՄՆ կառավարությունը նախկինում արագացված արտաքսման ընթացակարգը տարածել էր ամբողջ երկրի վրա, ինչպես նաև հնարավորություն էր տվել այն կիրառել նրանց նկատմամբ, ովքեր ԱՄՆ էին ժամանել ոչ ավելի, քան երկու տարի առաջ։
«Դաշնային դատավորը ուրբաթ օրը արգելափակել է Թրամփի վարչակազմի ջանքերը՝ արագացված արտաքսումները ամբողջ ԱՄՆ-ում ընդլայնելու համար»,- նշում է հեռուստաալիքը։
Ռուսաստանի Դաշնության արտաքին գործերի նախարարությունը աշխատանքներ է տանում Կապանում (Հայաստան), Ակտաուում (Ղազախստան) և Սամարղանդում (Ուզբեկստան) հյուպատոսություններ բացելու ուղղությամբ, РИА Новости-ին տված հարցազրույցում ասել է Ռուսաստանի արտաքին գործերի նախարարության հյուպատոսական վարչության տնօրեն Ալեքսեյ Կլիմովը։
«ԱՊՀ-ում ներկայումս մշակվում են Կապանում (Հայաստան), Ակտաուում (Ղազախստան) և Սամարղանդում (Ուզբեկստան) Ռուսաստանի հյուպատոսական գրասենյակներ բացելու հարցերը»,- ասել է Կլիմովը՝ պատասխանելով նոր հյուպատոսական գրասենյակներ բացելու հնարավորության վերաբերյալ հարցին։
«Փաստ» թերթը գրում է. ««Փաստի» տեղեկություններով՝ Ռուսաստանի իրավապահ մարմինները առանց որևէ պատճառաբանության կանգնեցրել և արգելափակել են հայկական «Սպայկա» ընկերության բեռնատարները։ Ներկայումս ռուսական տարածքում արգելափակված է գյուղմթերքով բեռնված շուրջ 70-80 բեռնատար, որոնց թիվը անընդհատ աճում է։
«Սպայկա»-ն Հայաստանի ամենախոշոր ագրոհոլդինգն է։ Բեռնատարների արգելափակումը կարող է լուրջ հարված հասցնել ոչ միայն ընկերությանը, այլև Հայաստանի գյուղմթերք արտադրողներին՝ ստեղծելով լրջագույն խնդիրներ արտահանման շղթայում։
Թե ինչու են Ռուսաստանում դիմել նման քայլի և արդյոք այն ժամանակավոր բնույթ է կրում, առայժմ պաշտոնապես չի հաղորդվում»։
ԱՄՆ վերաքննիչ դատարանը որոշել է, որ նախագահ Դոնալդ Թրամփը լիազորություն չունի մաքսատուրքեր սահմանելու այնպես, ինչպես դրանք արվել են, ուստի վերջինիս կողմից սահմանված մաքսատուրքերի մեծ մասը դարձնում է անօրինական: Նշվում է, սակայն, որ դրանք ուժի մեջ կմնան մինչև Գերագույն դատարանի կողմից գործի քննությունը, հաղորդում է РИА Новости-ն:
«Օրենքը նախագահին զգալի լիազորություններ է տալիս մի շարք գործողություններ ձեռնարկելու հայտարարված ազգային արտակարգ դրության դեպքում, սակայն այդ գործողություններից ոչ մեկը հստակորեն չի ներառում մաքսատուրքեր, տուրքեր կամ հարկեր սահմանելու լիազորությունը»,- որոշել է դատարանը։
Ինքը՝ Թրամփը, վերաքննիչ դատարանի որոշումը սխալ է անվանել։ Նա ընդգծել է, որ բոլոր մաքսատուրքերը ուժի մեջ են մնում մինչև Գերագույն դատարանի որոշումը, և սպառնացել է, որ մաքսատուրքերի վերացումը կլինի «լիակատար աղետ երկրի համար»։
Ֆրանսիայի նախագահ Էմանուել Մակրոնը և Գերմանիայի կանցլեր Ֆրիդրիխ Մերցը նախատեսում են այս հանգստյան օրերին զրուցել ԱՄՆ նախագահ Դոնալդ Թրամփի հետ, հաղորդում է Bloomberg-ը՝ առանց իր աղբյուրը բացահայտելու։
«Մակրոնը և Մերցը նախատեսում են այս շաբաթավերջին զրուցել Թրամփի հետ»,- գրում է գործակալությունը։
Նշվում է, որ Ֆրանսիայի և Գերմանիայի առաջնորդները, հավանաբար, առանձին զրույցներ կունենան Թրամփի հետ։
ԱՄՆ պետքարտուղար Մարկո Ռուբիոն հայտարարել է, որ Միջազգային զարգացման գործակալությունը (USAID) անցել է փակման փուլ։ Այս մասին նա գրել է X սոցիալական հարթակում։
Նա նշել է, որ հիմնական ծրագրերի սահմանափակ փաթեթը փոխանցվել է Պետդեպարտամենտին:
«Հունվարից մենք խնայել ենք տասնյակ միլիարդավոր դոլարներ»,- հավելել է նա։
ԱՄՆ պետքարտուղար Մարկո Ռուբիոն այսօր հայտնել է, որ ԱՄՆ Միջազգային զարգացման գործակալության (USAID) լուծարման գործընթացն այսուհետ կգլխավորի Կառավարման և բյուջեի գրասենյակի (OMB) տնօրեն Ռասել Վոուտը (Russell Vought):
«Ես նախագահ Դոնալդ Թրամփին կատակով ասացի, որ չորս աշխատանք ունեմ։ Նա ասաց, որ դրանցից մեկը տամ ընկերոջս՝ Ռասել Վոուտին: Ես այդպես էլ արեցի: Հունվարից ի վեր մենք տասնյակ միլիարդավոր դոլարներ ենք խնայել հարկատուների համար։ Իսկ երբ հիմնական ծրագրերի փոքր փաթեթը հանձնվեց պետական դեպարտամենտին, ՄԶԳ-ն պաշտոնապես անցնում է լուծարման ռեժիմի։ Այժմ Ռասը ղեկավարում է վաղուց ռելսերից դուրս եկած գործակալության լուծարման գործընթացը: Շնորհավորում եմ, Ռաս», - գրել Է նա Х-ում։
Ավելի վաղ Ռուբիոն հայտնել էր, հուլիսի 1-ից դադարեցվել է USAID–ի կողմից օտարերկրյա օգնությունների տրամադրումը, ԱՄՆ արտաքին օգնության բոլոր ծրագրերն այսուհետ հաշվետու կլինեն ամերիկյան հարկատուներին:
Հիշեցնենք` ԱՄՆ նախագահ Դոնալդ Թրամփը պետքարտուղար Մարկո Ռուբիոյին փետրվարի 4-ին նշանակել էր ԱՄՆ Միջազգային զարգացման գործակալության ադմինիստրատորի պաշտոնակատար:
Ֆոտո
