Կառավարությունն իր այսօրվա՝ հոկտեմբերի 16–ի նիստում ՀՀ արդարադատության նախարարության «Դատապարտյալների հիվանդանոց» քրեակատարողական հիմնարկի գործունեությունը դադարեցնելու մասին որոշում կայացրեց։

Որոշմամբ առաջարկվում է հիմնարկում պահվող դատապարտյալների և կալանավորված անձանց բուժման գործընթացը կազմակերպել «Արմավիր» ՔԿՀ–ում ստեղծված «Քրեակատարողական բժշկության կենտրոն» ՊՈԱԿ-ի նոր տեղամասում, իսկ հոգեկան առողջության խնդիրներ ունեցող անձանց բուժումը` «Հոգեկան առողջության պահպանման ազգային կնետրոն» մասնագիտական կենտրոնում: 

«Այսպիսով, ակնկալվում է ապահովել քրեակատարողական համակարգի առավել օպտիմալ և արդյունավետ գործունեությունը, ինչպես նաև դրա առջև դրված խնդիրների լուծման նպատակով հատկացվող ֆինանսական միջոցների արդյունավետ և նպատակային տնօրինումը»,– ասված է որոշման հիմնավորման մեջ։ 

Ինչ վերաբերվում է «Դատապարտյալների հիվանդանոց» ՔԿՀ–ին ամրակցված զենքերին, զինամթերքին և հատուկ միջոցներին, ապա դրանք կհանձնվեն ԱՆ քրեակատարողական ծառայության կենտրոնական մարմնի պահպանության ապահովման բաժին` դատապարտյալների և կալանավորված անձանց փոխադրման գործընթացն իրականացնելուց հետո։

Ի դեպ, «Դատապարտյալների հիվանդանոցի», ինչպես նաև «Նուբարաշեն», «Վարդաշեն», «Երևան–Կենտրոն» քրեակատարողական հիմնարկները փակելու հնարավորությունը նախատեսվել է քննարկել ՀՀ արդարադատության նախարարի 2023 թ. հոկտեմբերի 20-ի հրամանի հիման վրա:

Կեսիդ քամակը կեղտոտ կմնա, թուղթ չի լինի, եթե բեռնափոխադրողները չաշխատեն, մեր բլակով ա է սաղ գալիս․ բեռնատարի վարորդ․

Հոկտեմբերի 16-ին բեռնատարների վարորդները բողոքի ակցիա են անցկացնում Հայաստանի կառավարության շենքի դիմաց։

Ավելի վաղ վարորդներն արդեն բողոքի ակցիա էին անցկացրել փոփոխությունների պատճառով և պահանջում էին, որ իրենց չհամարեն աշխատանքային միգրանտներ, քանի որ դա թույլ կտար ապահովել այն պայմանը, որի դեպքում օրենքը չի տարածվի իրենց վրա և նրանք կկարողանան հասցնել բեռների փոխադրումը։

Սիրելի՛ քաղաքացիներ, WhatsApp հավելվածում իմ անունով և նկարով բացվել է կեղծ օգտահաշիվ, որից նամակներ են ուղարկվում տարբեր մարդկանց, այդ թվում՝ պետական պաշտոնյաների։ Այս մասին իր ֆեյսբուքյան էջում գրել է աշխատանքի և սոցիալական հարցերի նախարար Արսեն Թորոսյանը։ 

«Խնդրում եմ չպատասխանել նման հաղորդագրություններին։ Քանի որ ես միակ պետական պաշտոնյան չեմ, որի անունով և նկարով կեղծ օգտահաշիվ է բացվել, իմ համոզմամբ՝ այս ամենը պետք է դիտարկել մեր դեմ հիբրիդային հարձակումների տրամաբանության մեջ, ուստի պետք է լինել զգոն և չտրվել մանիպուլյացիաներին»,-գրել է Թորոսյանը։

Հայաստանի Հանրապետության տարածքում հոկտեմբերի 16-ին, 17-ի գիշերը, 18-19-ին , 20-ի գիշերը սպասվում է առանց տեղումների եղանակ։ Հոկտեմբերի 17-ի և 20-ի ցերեկն առանձին շրջաններում սպասվում է կարճատև անձրև։

Օդի ջերմաստիճանը չի փոխվի։

Երևան քաղաքում ևս հոկտեմբերի 16-20-ին սպասվում է առանց տեղումների եղանակ։

Քսանինը տարեկան մոդել և ձեռնարկատեր Պամելա Ջենինին, ռեալիթի շոուի նախկին աստղ, ողբերգականորեն մահացել է Միլանում: Իտալական լրատվամիջոցների տվյալներով՝ նրան դանակահարել է իր ընկերը՝ նրանից բաժանվելու փորձից հետո: 

Դեպքը տեղի է ունեցել երեքշաբթի երեկոյան՝ Գորլա թաղամասում գտնվող Ջենինիի երրորդ հարկի բնակարանի պատշգամբում: Il Giorno-ի տվյալներով՝ 52-ամյա Ջանլուկա Սոնչինը վիճաբանության ժամանակ նրան դանակահարել է առնվազն 20 անգամ: 

Ականատեսները հայտնել են, որ լսել են Պամելայի ճիչերը և օգնության հուսահատ աղերսները: Չնայած շտապօգնության ժամանմանը, մոդելին փրկել չի հաջողվել: Սոնչինն ինքը փորձել է ինքնասպան լինել. ոստիկանությունը նրան գտել է կոկորդը կտրած վիճակում: Նա այժմ գտնվում է Նիգուարդա հիվանդանոցում ծանր վիճակում: 

Պամելա Ջենինին հայտնի էր Միլանի մոդելային շրջանակներում. նա հայտնվել է նորաձևության արշավներում, անցել է Վենետիկի կինոփառատոնի կարմիր գորգով և ակտիվ է եղել Instagram-ում՝ տարածելով իր ճանապարհորդություններից և նկարահանումներից լուսանկարներ:

19 տարեկանում նա դարձել է «Ադամի և Եվայի կղզին» ռեալիթի շոուի մասնակից, որտեղ մասնակիցները հանդիպում էին ամբողջովին մերկ վիճակում: Ավելի ուշ Պամելան ստեղծել է իր սեփական լողազգեստների ապրանքանիշը՝ SheLux-ը, և ղեկավարել շքեղ անշարժ գույքի գործակալություն: 

Հարևանների խոսքով՝ զույգի հարաբերությունները լարված էին: Ոստիկանությունը նախկինում այցելել էր նրանց վիճաբանությունից հետո: Հարևաններից մեկը Վիրջիլիոյին ասել է.

«Նա զանգահարեց դոմոֆոնին, որպեսզի ես դուռը բացեմ։ Բայց նա թույլ չի տվել նրան ներս մտնել և զանգահարել է ոստիկանություն: Մի քանի շաբաթ անց մենք նրանց կրկին տեսանք միասին»: Որոշ տեղեկությունների համաձայն՝ ողբերգությունից կարճ ժամանակ առաջ Պամելան զանգահարել է իր նախկին ընկերոջը և ասել, որ բաժանվում է Սոնչինից: Հենց նրա նախկին ընկերն էր, լսելով, թե ինչ է կատարվում, զանգահարել ոստիկանություն:

Սպիտակ տանը տեղի ունեցած մամուլի ասուլիսի ժամանակ ԱՄՆ նախագահ Դոնալդ Թրամփը հայտարարել է Հնդկաստանի պատրաստակամության մասին՝ դադարեցնելու ռուսական նավթի գնումը: «Նա ինձ վստահեցրեց, որ Ռուսաստանից նավթ չի գնի», - ասել է  Թրամփը: Ըստ Ամերիկայի նախագահի՝ Հնդկաստանը պատրաստ կլինի հրաժարվել ռուսական նավթից «կարճ ժամանակահատվածում»: 

«Եվ հետո, երբ պատերազմն ավարտվի, նրանք կարող են կրկին գնել այն», - հավելել է նա: Թրամփը նաև հույս հայտնեց, որ Չինաստանը կհետևի Հնդկաստանի օրինակին. «Հիմա մեզ անհրաժեշտ է, որ Չինաստանը նույնը անի»:

Ուկրաինայում լայնածավալ պատերազմի սկսվելուց ի վեր Հնդկաստանը դարձել է ռուսական նավթի ամենամեծ գնորդը՝ զեղչված գնով՝ լրացնելով արևմտյան երկրների մերժման հետևանքով առաջացած բացը: Reuters-ի տվյալներով՝ Ռուսաստանը այժմ ծածկում է Հնդկաստանի նավթի կարիքների մոտ 40%-ը, մինչդեռ պատերազմից առաջ այս բաժինը չէր գերազանցում 1%-ը: Սեպտեմբերի վերջին Bloomberg-ը հաղորդեց, որ Հնդկաստանը քննարկում է ռուսական նավթից հրաժարվելու հարցը, եթե այն կարողանա փոխարինվել Իրանից կամ Վենեսուելայից մատակարարումներով: 

Օգոստոսի սկզբին Թրամփը ստորագրել է  գործադիր հրամանագիր, որով լրացուցիչ 25% մաքսատուրք էր սահմանվում հնդկական ապրանքների վրա՝ հղում անելով Հնդկաստանի կողմից ռուսական նավթի շարունակական գնումներին։ Սեպտեմբերի 12-ին ԱՄՆ վարչակազմը առաջարկեց, որ G7 երկրները 50%-ից 100% մաքսատուրք սահմանեն Չինաստանի և Հնդկաստանի վրա՝ ռուսական նավթի գնումների համար։ Սեպտեմբերի 23-ին ՄԱԿ-ի Գլխավոր ասամբլեայում Թրամփը այդ երկրներին անվանեց Ուկրաինայում շարունակվող պատերազմի «գլխավոր հովանավորներ»։

Կոտայքի մարզի Արամուսում գյուղում օրեր առաջ հարևան ամուսիններին դաշտում սպանելուց հետո նույն անձը մեկ այլ հատվածում ևս 2 հոգու էր սպանել և առևանգելով  նրանց ավտոմեքենան փորձել  էր փախուստի դիմել։

NEWS.am-ին հայտնի է դարձել, որ սպանվածներից մեկը Վայոց ձորի մարզի Քարագլուխ գյուղի բնակիչ 44-ամյա Մարինե Հայրապետյանն էր։ Վերջինս բժշկուհի էր, ապրում և աշխատում էր Երևանում։

Ըստ Քարագլխի վարչական ղեկավար Ժորա Գասպարյանի՝ Մարինեն այդ օրը Կոտայքի մարզ էր գնացել հողատարածք ձեռք բերելու նպատակով։

«Մարինեի ծնողները մեր համագյուղացի են, սակայն երկար տարիներ առաջ տեղափոխվել և  ապրում են ՌԴ-ում, Մարինեն այնտեղ էր ծնվել, բայց  հետո տեղափոխվել  էր Հայաստան,  սովորել էր Երևանի պետակա բժշկական համալսարանում, ապրում և աշխատում էր Երևանում, բժշկուհի էր։ Մարնեն ամուսնացած էր, դպրոցական տարիքի 1 աղջիկ ունի։ Ինքը շատ հոյակապ մարդ էր։

Ինչ վերաբերում է ողբերգական դեպքին, լսել եմ, որ այդ օրը գնացել էին հողատարածք գնելու, վարորդն էլ իր ընկերներից է եղել, հստակ չեմ կարող ասել, թե ով է եղել։ Խոսակցություններ կան, որ այդ մարդասպանը մեքենան է պահանջել, չեն տվել, նա էլ կրակել է»։

Գասպարյանի խոսքով՝ հաշվի առնելով, որ Մարինեի ընտանիքը բնակվում է ՌԴ-ում, նրա մարմինը տեղափոխել են Ռուսաստանի Դաշնություն․

«Երեկ գյուղով հավաքվել էինք, որ գայինք Երևան՝ հոգեհանգիստ, բայց հետո իմացանք, որ տարել են Ռուսաստանի Դաշնություն։ Ծնողները հիմա այնտեղ են՝ Ռոստովում։  Դաժան բան է, մեր ամբողջ գյուղը սգի մեջ է»։

Ավելի վաղ հայտնել էինք, հոկտեմբերի 12-ին Կոտայքի մարզի Արամուս գյուղի դաշտամիջյան ճանապարհի հարևանությամբ գտնվող հողամասում կենցաղային հարցերի շուրջ ծագած վիճաբանության ժամանակ Թ.Հ.-ն իրեն պատկանող ողորկափող հրացանից կրակոցներ է արձակել նույն գյուղի բնակիչներ Մ.Ս.-ի և Գ.Ղ.-ի ուղղությամբ, ինչի հետևանքով վերջիններս մահացել են:

Դրանից հետո Թ.Հ.-ն Կոտայքի մարզի Զովաշեն գյուղի դաշտամիջյան ճանապարհին, իրեն պատկանող հրացանով կրակոցներ է արձակել Վ.Մ.-ի և Մ.Հ.-ի ուղղությամբ՝ սպանելով նրանց: Կատարվածից անմիջապես հետո Թ.Հ.-ն հափշտակել է Վ.Մ.-ին պատկանող ավտոմեքենան:

Քննչական կոմիտեից հայտնել էին, որ նույն օրը Թ.Հ.-ն նշված հանցանքը կատարելու անմիջականորեն ծագած հիմնավոր կասկածով ՆԳՆ ծառայողների կողմից ձերբակալվել ու ներկայացվել է նախաքննական մարմին և տվել խոստովանական ցուցմունք:

Որոշում է կայացվել քրեական վարույթները 1 վարույթում միացնելու մասին: Ստեղծվել է քննչական խումբ։

Թ.Հ.-ին պատկանող ողորկափող հրացանը հայտնաբերվել է վերջինիս կողմից հափշտակված ավտոմեքենայում:

Թ.Հ.-ի նկատմամբ հարուցվել է հանրային քրեական հետապնդում՝ Քրեական օրենսգրքի 155-րդ հոդվածի 1-ին մասով (սպանությունը) (2 դրվագ), 155-րդ հոդվածի 2-րդ մասի 10-րդ, 13-րդ (շահադիտական դրդումներով այլ հանցանքը թաքցնելու կամ դրա կատարումը հեշտացնելու նպատակով կատարված սպանությունը) (2 դրվագ), 252-րդ հոդվածի 2-րդ մասի 5-րդ և 7-րդ կետով (զենքի կամ մարմնական վնասվածք պատճառելու համար նախապես պատրաստված կամ հարմարեցված առարկայի կամ միջոցի գործադրմամբ, խոշոր չափերով կատարված ավազակությունը):

Ուլյանովսկի մարզում ադրբեջանական սփյուռքի ղեկավար և նահանգապետի խորհրդական Իսլամ Հուսեյնովը զրկվել է Ռուսաստանի քաղաքացիությունից, հայտնել է ՌԲԿ-ի իրավապահ մարմինների աղբյուրը: Այս մասին հայտնել է նաև 73օնլայնը՝ հղում անելով աղբյուրին:

«Առանց մեկնաբանությունների», - պարբերականին ասել է Գուսեյնովը։

Հուսեյնովը 56 տարեկան է։ Նա ծնվել և մեծացել է Գյանջայում, իսկ վերջին 20 տարիներին ապրել է Ուլյանովսկում։ Սփյուռքը ղեկավարում է 2005 թվականից։

2015 թվականին Հուսեյնովին մեղադրել են առանձնապես խոշոր չափերի խարդախության մեջ՝ մունիցիպալ սեփականություն հանդիսացող հողատարածքի ձևակերպման և եկամուտների լվացման կապակցությամբ։ Ըստ քննության տվյալների՝ նա մունիցիպալ հողատարածքը գնել էր 776 հազար ռուբլիով, մինչդեռ շուկայում այն արժեր 6 միլիոն ռուբլի, իսկ խոստացված հյուրանոցի փոխարեն սկսել էր բազմաբնակարան շենք կառուցել։ Դատարանը նրան մեղավոր է ճանաչել խարդախության հոդվածով և արդարացրել դրամական միջոցների օրինականացման հոդվածով, ինչպես նաև դատապարտել չորս տարվա պայմանական ազատազրկման՝ 1 միլիոն ռուբլի տուգանքի վճարմամբ։ Հուսեյնովն իրեն մեղավոր չի ճանաչել։

Հուսեյնովի վրա երկու անգամ մահափորձ է կատարվել. 2009 թվականին, երբ հարձակվողը սխալմամբ վիրավորել է Ուլյանովսկի մաքսատան աշխատակցին և նրա կնոջը, և 2012 թվականին։ Երկրորդ անգամ զոհվել է նրա թիկնապահը։

Ադրբեջանի նախագահ Իլհամ Ալիևը Հուսեյնովին պարգևատրել է «Առաջընթաց» մեդալով։ Նրան նաև շնորհվել է Ուլյանովսկի մարզի կառավարության «Ժողովուրդների բարեկամություն» մեդալը։