Մակրոնը կոչ է արել ավելի խիստ լինել Իսրայելի նկատմամբ՝ պաղեստինյան պետության ճանաչումը համարելով «բարոյական պարտք»
Ֆրանսիայի նախագահ Էմանուել Մակրոնը հայտարարել է, որ եվրոպական երկրները պետք է «կոշտացնեն իրենց հավաքական դիրքորոշումն» Իսրայելի նկատմամբ, եթե այն պատշաճ կերպով չարձագանքի Գազայում տիրող մարդասիրական իրավիճակին։
Այս մասին հաղորդում է France24 պարբերականը։ Սինգապուրում անցկացվող «Շանգրի Լայի երկխոսություն» անվտանգության համաժողովից առաջ կայացած մամուլի ասուլիսում Մակրոնը հայտարարել է նաև, որ Գազայում սովի խորացող ճգնաժամի պատճառով Իսրայելի վրա միջազգային ճնշման աճի պայմաններում անհրաժեշտ են գործողություններ «հաջորդ մի քանի ժամերի և օրերի ընթացքում»։
Նա նաև պնդել է, որ «որոշակի պայմաններով պաղեստինյան պետության ճանաչումը ոչ միայն բարոյական պարտք է, այլև քաղաքական անհրաժեշտություն»։
Ավելի վաղ Ինդոնեզիայում Մակրոնը նշել էր, որ այդ պայմանների շարքում են ՀԱՄԱՍ շարժման ապառազմականացումը և գոյության և ինքնապաշտպանության Իսրայելի իրավունքի ճանաչումը։
Էմանուել Մակրոնը և ԱՄՆ պաշտպանության նախարար Փիթ Հեգսեթը առաջիկա շաբաթ և կիրակի օրերին Սինգապուր այցելող համաշխարհային առաջնորդների, դիվանագետների և պաշտպանության ոլորտի բարձրաստիճան պաշտոնյաների շարքում են՝ մասնակցելու «Շանգրի-Լայի երկխոսություն» անվտանգության համաժողովին: Մայիսի 30-ի երեկոյան համաժողովը ելույթով կբացի Ֆրանսիայի նախագահը:
Latest from ArmNews
- Լավրովն ու Ռուբիոն հեռախոսազրույց են ունեցել ստամբուլյան բանակցություններից առաջ
- Նման է Ծիր Կաթինին. Աստղագետները գալակտիկա են հայտնաբերել
- Ուկրաինան նախապես տեղեկացրել է Թրամփի վարչակազմին հարձակման մասին․ Axios
- Ռուսական պատվիրակությունը մեկնել է Ստամբուլ՝ Ուկրաինայի հարցով բանակցությունների
- Tesla-ն անվարորդ ավտոմեքենաներ է փորձարկում Տեխասում՝ քաղաքային պայմաններում
- Երևանում կրակոցներ են հնչել
- 8-րդ դասարանի աշակերտը կրակել է թիվ 13 դպրոցի պատուհանին
- Իսկ ինչու՞ դոմփել». մնացած մասով փաստորեն կոնսենսուս ունենք, որ սրբապիղծ «սրբազանների» հարցը պետք է լուծել. Փաշինյան
Լրահոս
Ֆոտո
