ԱՄՆ նախագահ Դոնալդ Թրամփը հայտարարել է, որ ցանկանում է միջուկային զենքի կրճատման շուրջ բանակցություններ սկսել Ռուսաստանի և Չինաստանի հետ՝ վերադառնալով այն հարցին, որը նա նախկինում բարձրացրել էր, քանի որ միաժամանակ ձգտում էր վերսկսել Հյուսիսային Կորեայի հետ փակուղի մտած դիվանագիտությունը հաղորդում է Reuters-ը։

«Ռուսաստանի և Չինաստանի հետ մենք փորձում ենք անել այն բաներից մեկը, որը փորձում ենք անել, միջուկային զենքի կրճատումն է, և դա շատ կարևոր է,- երկուշաբթի Սպիտակ տանը Հարավային Կորեայի նախագահ Լի Չժե Մյոնգի հետ հանդիպումից առաջ լրագրողներին ասել է Թրամփը օրը։ -Ըստ իս, միջուկային զենքի կրճատումը շատ կարևոր նպատակ է, թերևս Ռուսաստանը պատրաստ է այդ քայլին դիմել, և կարծում եմ, որ Չինաստանը ևս կցանկանա այդ քայլին դիմել։ Մենք չենք կարող թույլ տալ միջուկային զենքի տարածում։ Մենք պետք է կասեցնենք միջուկային զենքը։ Դա չափազանց մեծ ուժ է»։

Երկուշաբթի Սպիտակ տանը ավելի վաղ անցկացված միջոցառման ժամանակ Թրամփը հայտարարել է, որ այդ հարցը բարձրացրել է Ռուսաստանի նախագահ Վլադիմիր Պուտինի հետ հանդիպմանը։ Նա չի կոնկրետ մանրամասներ չի նշել, թե զրույցը երբ է տեղի ունեցել։

«Մենք խոսում ենք միջուկային զենքի սահմանափակման մասին։ Մենք այդ գործում կներգրավենք Չինաստանին։ Չինաստանը շատ հետ է մնացել, բայց հինգ տարի անց նրանք մեզ կհասնեն։ Մենք կցանկանայինք միջուկային զենքի կրճատում իրականացնել։ Դա չափազանց մեծ ուժ է, և մենք նաև դրա մասին խոսել ենք»,-ասել է Թրամփը։

Ավելի վաղ ԱՄՆ նախագահը ցանկություն էր հայտնել այս տարի հանդիպել Հյուսիսային Կորեայի առաջնորդ Կիմ Չեն Ընի հետ։