Նիկոլ Փաշինյանն ու Իլհամ Ալիևը որոշել են համատեղ դիմում ներկայացնել Դոնալդ Թրամփին Խաղաղության Նոբելյան մրցանակ շնորհելու հարցով
Նիկոլ Փաշինյանն ու Ադրբեջանի նախագահ Իլհամ Ալիևը որոշել են ԱՄՆ նախագահ Դոնալդ Թրամփին Խաղաղության Նոբելյան մրցանակ շնորհելու վերաբերյալ համատեղ դիմում ներկայացնել Միջազգային Նոբելյան կոմիտեին։
Այս մասին ժողովրդին ուղղված ուղերձում ասել է Նիկոլ Փաշինյանը։
Անդրադառնալով օգոստոսի 8-ին ԱՄՆ-ի միջնորդությամբ Վաշինգտոնում Հայաստանի և Ադրբեջանի միջև տեղի ունեցած բանակցություններին և ստորագրված փաստաթղթերին՝ վարչապետն արձանագրել է, որ Հայաստանի և Ադրբեջանի միջև խաղաղություն է հաստատվել, որում անգնահատելի է ԱՄՆ նախագահ Դոնալդ Թրամփի և նրա վարչակազմի դերը։
«Հայաստանի և Ադրբեջանի միջև խաղաղություն է հաստատվել։ Այս գործում անգնահատելի է ԱՄՆ նախագահ Դոնալդ Թրամփի և նրա վարչակազմի դերակատարումը։ Այս է պատճառը, որ Ադրբեջանի նախագահի հետ պայմանավորվել ենք պարոն Թրամփին Խաղաղության Նոբելյան մրցանակ շնորհելու համատեղ դիմում հղել Միջազգային Նոբելյան կոմիտեին»,- ասել է Նիկոլ Փաշինյանը։
Օգոստոսի 8-ին Հայաստանի և Ադրբեջանի միջև ԱՄՆ-ի միջնորդությամբ հռչակագրի ստորագրումից հետո կայացած մամուլի ասուլիսի ժամանակ ՀՀ վարչապետը հայտարարել էր, որ Դոնալդ Թրամփն արժանի է, որպեսզի Խաղաղության Նոբելյան մրցանակ ստանա, իսկ Ադրբեջանի նախագահը ՀՀ վարչապետին առաջարկել էր համատեղ դիմում ներկայացնել Միջազգային Նոբելյան կոմիտեին՝ ԱՄՆ նախագահ Դոնալդ Թրամփին Խաղաղության Նոբելյան մրցանակ շնորհելու վերաբերյալ։
Latest from ArmNews
- Սկսվել են Թրամփ-Զելենսկի փակ բանակցությունները, որից հետո Թրամփը հեռախոսազրույց կունենա Պուտինի հետ
- Եթե այսօր համաձայնագիր չլինի, ապա Ուկրաինային տրվող աջակցությունը դադարեցվում է․ Թրամփ
- Ուկրաինան պատրաստ է իրական զինադադարի. Զելենսկի
- Սպիտակ տունը պահանջել է, որ Զելենսկին կոստյումով և փողկապով ներկայանա Թրամփի հետ հանդիպմանը
- Սպիտակ տանը շուտով կմեկնարկի Թրամփի հանդիպումը Զելենսկիի և եվրոպացի առաջնորդների հետ
- Ես ավարտեցի 6 պատերազմ ընդամենը 6 ամսում․ ես ոչնչացրի Իրանի միջուկային օբյեկտները. Թրամփ
- Կարևոր օր Սպիտակ տանը. մեծ պատիվ է Ամերիկայի համար. Թրամփ
- ՀԱՄԱՍ-ը համաձայնել է ազատ արձակել Գազայում պահվող իսրայելցի պատանդների կեսին՝ պաղեստինցի բանտարկյալների հետ փոխանակելու համար
Լրահոս
Ֆոտո
