Ալյասկա կատարելիք այցի ժամանակ՝ Ռուսաստանի նախագահ Վլադիմիր Պուտինի անվտանգությունը կապահովեն ռուսական ուժային կառույցները և ԱՄՆ գաղտնի ծառայությունը։ Այս մասին հայտնում է TASS գործակալությունը՝ հղում անելով գերատեսչության նախկին աշխատակից Ռոբերտ Մաքդոնալդին։
Մաքդոնալդն ընդգծել է, որ քաղաքական տարաձայնությունները չեն ազդում պետությունների ղեկավարների անվտանգ այցելությունների արձանագրության վրա։
«Նախագահ Պուտինը կունենա անձնական թիկնազոր Ռուսաստանից և լրացուցիչ պաշտպանություն՝ ԱՄՆ գաղտնի ծառայությունից։ Այս մոտեցումը համապատասխանում է միջազգային պրակտիկային», - հայտարարել է փորձագետը։
Դոնալդ Թրամփն ու Վլադիմիր Պուտինը կհանդիպեն օգոստոսի 15-ին՝ Ալյասկայում։
Կրեմլը հաստատել է գագաթնաժողովի ամսաթիվը և վայրը։ Ռուսաստանի նախագահի օգնական Յուրի Ուշակովի խոսքով՝ Ալյասկայի ընտրությունը տրամաբանական է. Ռուսաստանի Դաշնության և Միացյալ Նահանգների տնտեսական շահերը հատվում են այստեղ, այդ թվում՝ Արկտիկայում։
Բանակցությունների հիմնական թեման ուկրաինական ճգնաժամի երկարաժամկետ ձևով խաղաղ լուծման որոնումն է։ Մոսկվան Թրամփին հրավիրել է Ռուսաստան՝ հաջորդ հանդիպումն այնտեղ անցկացնելու։
Latest from ArmNews
- Զելենսկին ու Մակրոնը կհանդիպեն
- ԱՄՆ-ում դեղերի գներն ընկնում են՝ 500, 600, 700, անգամ ավելի տոկոսով․ Թրամփ
- Համացանցում առկա քաոսի դեմ պայքարն ուժեղացնելու կարիք կա. Սի Ծինփին
- Ուկրաինան պետք է լինի «բուֆերային պետություն» hակամարտության ավարտից հետո. Օրբան
- Թուրքիայի Սև ծովի ափերի մոտ ռուսական լցանավերում հրդեհ է բռնկվել
- Պապոյանը Թուրքիայի գյուղատնտեսության և անտառտնտեսության նախարարի հետ Ստամբուլում քննարկել է Կարս-Գյումրի երկաթուղային հաղորդակցության վերաբացման հնարավորությունները
- ԱՄՆ-ի և ՌԴ-ի հետ բանակցություններում Ուկրաինայի պատվիրակությունն այսուհետ կգլխավորի Ռուստեմ Ումերովը
- Բոլոր ավիաընկերություններին խնդրում եմ Վենեսուելայի օդային տարածքը համարել փակված. Թրամփ
Լրահոս
Ֆոտո
