Չինաստանի հարավային Գուանդուն նահանգում, որի բնակչությունը կազմում է շուրջ 126 միլիոն մարդ, կրկին կիրառվում են հակահամաճարակային սահմանափակումներ։ Պատճառը՝ Չիկունգունյա վիրուսի նոր բռնկումն է, որը փոխանցվում է մոծակի խայթոցով և արագ տարածվում բնակչության շրջանում։ 

Նահանգում շատերը կրկին սկսել են կրել դիմակներ, ինչպես կորոնավիրուսային համավարակի օրոք։ Տեղական իշխանությունները հաստատել են սանիտարական նոր միջոցառումների փաթեթ՝ վիրուսի տարածումը զսպելու համար։ 

Համաճարակաբանական տվյալներով՝ Չիկունգունյան Չինաստան է ներթափանցել Հնդկական օվկիանոսի ափերից, որտեղ արդեն վարակվել է ավելի քան 50 հազար մարդ։ 

Վարակվածների մոտ ի հայտ են գալիս ծայրահեղ բարձր ջերմություն (մինչև 40°C), հոդացավեր, մկանային ցավ, գլխացավ, սրտխառնոց, մաշկային ցան և ուժեղ հոգնածություն։ Այս ախտանիշները զարգանում են վարակումից 4-8 օր անց։ Չիկունգունյան չի համարվում նոր կորոնավիրուսի ենթատեսակ, սակայն պաշտոնյաները այն անվանել են «կորոնա 2.0»՝ տարածման տեմպերի և ախտանշանների ծանրության պատճառով։