Կանադան դեռևս զենք է մատակարարում Իսրայելին՝ չնայած Օտտավայի կողմից սահմանված արգելքին, հաղորդում է The Globe and Mail-ը։

Հրատարակությունը հղում է անում կանադական World Beyond War իրավապաշտպան կազմակերպության ներկայացուցիչ Ռեյչել Սմոլին, ով, վկայակոչելով Իսրայելի հարկային մարմինների տվյալները պնդում է, որ Կանադան շարունակում է Իսրայելին մատակարարել հրազեն և փամփուշտներ։ Այս կառույցը մասնագիտացած է պաղեստինցիներին օգնություն ցուցաբերելու գործում։շ

2024 թվականին մայիսին Կանադայի ազգային պաշտպանության նախարարի պաշտոնը զբաղեցնող Ուիլյամ Բլեյրը պնդել է, որ Օտտավան նույն թվականի հունվարից դադարեցրել է Իսրայելի հետ զենքի ցանկացած տեսակի արտահանումը։ Նա պարզաբանել է, որ համապատասխան թույլտվությունների տրամադրումը կարգավորվում է Կանադայի ԱԳՆ-ի կողմից, սակայն այդ գերատեսչությունը, ըստ նրա, «հստակ հասկացրել է, որ Իսրայել զենքի արտահանման լրացուցիչ թույլտվություններ չեն տրվի»։ Միևնույն ժամանակ, այդ պահին հյուսիսամերիկյան երկրի ԱԳՆ ղեկավար Մելանի Ժոլին պնդել է, որ 2023 թվականի հոկտեմբերի 7-ից Օտտավան դադարեցրել է Իսրայել մահաբեր զենքի մատակարարման թույլտվությունները, իսկ 2024 թվականի հունվարից՝ ոչ մահաբեր զենքի մատակարարումը։

Չորեքշաբթի օրը ավելի վաղ CBC-ն հաղորդել է, որ Կանադայի կառավարությունը քննարկում է Պաղեստինի պետականության ճանաչման հարցը։