Այս տարի Գյումրու Վարդանանց հրապարակում Վարդավառի մեծ միջոցառում չի կազմակերպվի, քանի որ Շիրակի հոգևոր թեմի առաջնորդ Միքայել սրբազանը կալանավորված է։ Ֆեյսբուքյան էջում այս մասին հայտնել է Գյումրու ավագանու «Իմ հզոր համայնք» խմբակցության անդամ Ռուբեն Մխիթարյանը։

«Գյումրու քաղաքապետարանի հետ պլանավորել էինք Քրիստոսի Պայծառակերպության տոնը և Վարդավառը նշել մեծ շուքով ու յուրահատուկ լուծումներով, ինչը զբոսաշրջիկների մեծ հոսք կապահովեր Գյումրի։

Սակայն հաշվի առնելով Շիրակի թեմի առաջնորդ Միքայել սրբազանի քաղաքական բանտարկությունը և համարելով քրիստոնեական սույն տոնը տվյալ ժամանակահատվածում առանց մեր սրբազանի ներկայության տոնելը անպատեհ և հավատավոր հոտին ոչ վայել՝ մենք որոշել ենք զերծ մնալ Գյումրու Վարդանանց հրապարակում Վարդավառի մեծ միջոցառում կազմակերպելուց», – գրել է Մխիթարյանը։

Նա համաքաղաքացիներին և քաղաքի հյուրերին հորդորել է մասնակցել Քրիստոսի Պայծառակերպության տոնի սուրբ պատարագին Գյումրու եկեղեցիներում, իսկ Վարդավառը տոնել բակերում և թաղերուն:

«Աստված պահապան Միքայել և Բագրատ սրբազաններին: Ազատություն հոգևոր հայրերին»,– եզրափակել է Մխիթարյանը: