Հակակոռուպցիոն կոմիտեում քննվող վարույթի շրջանակներում ձերբակալվել է Սևան ՔԿՀ պետի տեղակալը։

Այս մասին հայտնում են լրատվամիջոցները:

ՔԿՀ-ում իրականանցվել են խուզարկություններ։

Ես մի նիստ կգումարեմ դեսպանությունում, բոլորիդ կհրավիրեմ: Այս մասին ասել է Իրանի արտակարգ և լիազոր դեսպանը՝  դիմելով լրագրողներին:

Այն հարցին, թե ինչպես է գնահատում ադրբեջանական կողմից «Զանգեզուրի միջանցք» բառակապակցության օգտագործմանը՝ դեսպանը պատասխանել է, որ չի լսել:

«Միջանցք անունով բան գոյություն չունի, խոսք ճանապարհի մասին է: Ո՛չ «Խաղաղության պայմանագրում», ո՛չ ստորագրված հռչակագրում միջանցքի մասին խոսք չկա, ոչ մի միջանցք չի լինելու», - նշել է Մեհդի Սոբհանին: 

Նա հավելել է, որ «ոչ մի բան զոռով չի լինելու»: 

Մեհդի Սոբհանին, պատասխանելով հարցին, թե ինչ նպատակով էր Ազգային Ժողովում, ասել է, որ Իրանի փոխարտգործնախարարը ևս ժամանել է Հայաստան և նրանք այժմ զբաղվում են խորհրդարանական համաժողով կազմակերպելու հարցով:

«Զանգեզուրի միջանցքի» ադրբեջանական հատվածում աշխատանքները նախատեսվում է ավարտել 2026 թվականին։ Այս մասին լրագրողներին հայտնել է Ադրբեջանի թվային զարգացման և տրանսպորտի նախարարության տրանսպորտային քաղաքականության բաժնի պետ Ֆարիզ Ալիևը: 

Նրա խոսքով՝ 2024 թվականին Միջին միջանցքով բեռնափոխադրումների ծավալը 2019 թվականի համեմատ աճել է գրեթե հինգ անգամ։

Իրանի հյուրընկալությամբ կայացել է Հայաստանի Հանրապետության, Իրանի Իսլամական Հանրապետության և Հնդկաստանի Հանրապետության արտաքին գերատեսչությունների տարածաշրջանային վարչությունների ղեկավարների մակարդակով երրորդ եռակողմ հանդիպումը։ Իրանական պատվիրակությունը գլխավորում էր ԻԻՀ ԱԳՆ Հարավային Ասիայի հարցերով գլխավոր տնօրեն Մոհամմադ Ռեզա Բահրամին, հնդկական պատվիրակությունը գլխավորում էր Հնդկաստանի ԱԳՆ Պակիստանի, Աֆղանստանի և Իրանի տարածքային գլխավոր վարչության պետ Անանդ Պրակաշը, իսկ հայկական պատվիրակությունը գլխավորում էր ՀՀ ԱԳՆ Ասիայի և խաղաղօվկիանոսյան երկրների վարչության պետ Անահիտ Կարապետյանը։ Այս մասին հայտնում են ՀՀ ԱԳՆ-ից:

Կողմերը գոհունակություն են հայտնել եռակողմ հանդիպման կանոնավոր և ամենամյա անցկացման կապակցությամբ: Ամփոփվել է 2023թ. ապրիլին Երևանում կայացած առաջին հանդիպման և 2024թ. դեկտեմբերին Նյու Դելիում կայացած երկրորդ հանդիպման ընթացքում ընդունված որոշումների արդյունքներով գրանցված առաջընթացը։ Կողմերը նաև ընդգծել են նշված հանդիպումների արդյունքներով սահմանված նպատակների իրականացման կարևորությունը՝ փոխադարձ շահերը երաշխավորելու և տարածաշրջանում բարգավաճումն ու բարեկեցությունը խթանելու նպատակով։

Հանդիպման ընթացքում կողմերն ընդգծել են համագործակցության ընդլայնման և խորացման կարևորությունը՝ մասնավորապես հաղորդակցությունների, Հյուսիս-Հարավ միջազգային տրանսպորտային միջանցքի (INSTC), ինչպես նաև Հայաստանի «Խաղաղության խաչմերուկ» նախագծի շրջանակներում՝ այդ նպատակով օգտագործելով Չաբահարի նավահանգստի ռազմավարական դիրքը։ Կողմերը նաև քննարկել և կարևորել են տնտեսական, առևտրային, մշակութային, ժողովուրդների միջև կապերի և փոխադարձ հետաքրքրություն ներկայացնող այլ ոլորտներում հարաբերությունների զարգացմանն ուղղված նախաձեռնությունները։

Ըստ նախագծի՝ 2023 թվականից մինչև 2025 թվականը ներառյալ հաշվարկված և չվճարված անշարժ գույքի հարկի նվազեցման արտոնություն է առաջարկվում մինչև 50.000 քառակուսի մետր ընդհանուր մակերես ունեցող անշարժ գույքի համար՝ 25 տոկոսի չափով, իսկ 50.000 և ավելի քառակուսի մետր ընդհանուր մակերեսի դեպքում՝ 50 տոկոսի չափով։ Միաժամանակ առաջարկվում է կառուցապատողներին ազատել նույն ժամանակահատվածի համար սահմանված կարգով հաշվարկված և չվճարված տույժերից:

Դեռևս ավարտական ակտ չստացած շինությունների համար անշարժ գույքի հարկը հաշվարկվում է 2023 թվականից սկսած։ Երևանի քաղաքապետ Տիգրան Ավինյանի խոսքով՝ ՀՀ էկոնոմիկայի նախարարությունն առաջարկ էր ներկայացրել առհասարակ զրոյացնել հաշվարկված գույքահարկը, սակայն Երևանի քաղաքապետարանն այլ առաջարկ է ներկայացրել։ 

Նրա խոսքով՝ Երևանի մասով այս խնդիրը որոշ չափով մեղմվում է, նմանատիպ լուծումների պետք է նաև այլ համայնքներ գնան, եթե այլ համայնքներում ևս խնդիրն առկա է։ Ըստ նրա՝ պետք է հաշվի առնել, որ այս որոշումը ոչ միայն կառուցապատողների, այլև այն մարդկանց համար է, որոնք բնակարան են գնել նոր կառուցվող շենքում։

«Ունենք շատ վատ դեպքեր, օրինակ՝ Միկոյանի շենքերը, որտեղ սնանկացման պրոցես կա։ Այսինքն` սնանկացման պրոցեսը շատ ավելի մեծ խնդիրներ է սկսում առաջացնել ոչ միայն կառուցապատողի, այլև այն մարդկանց համար, որոնք նրանցից բնակարան են գնել։ Եվ մենք չենք ուզում այն պատճառը կամ նույնիսկ պատրվակը լինել, որը կարող է բերել նմանատիպ պրոցեսների»,- ասաց քաղաքապետը։

«Մայր Հայաստան» խմբակցության անդամ Մեսրոպ Մանուկյանը վրդովվեց․ համաձայնեց՝ խնդիր միանշանակ կա, սակայն այս ամենը քաղաքի սխալ ու փնթի մենեջմենտի արդյունք է։ Հիշեցրեց, որ ինքը բազմիցս խոսել է այդ մասին, զգուշացրել է, որ շինարարներն էս օրին են ընկնելու։ Հիմա էլ այս որոշման արդյունքում էլ Երևանի բյուջե մի քանի միլիարդով մուտքերը պակասելու են։

Տեսախցիկը ֆիքսել է, թե ինչպես են Արաբկիրում գտնվող «Ազնավուր» սրճարանի մոտ ծեծի ենթարկում 16-ամյա տղայի, հաղորդում է Shamshyan.com-ը:

Տղան տեղափոխվել է «Ուիգմոր» հիվանդանոց․ նրա նկատմամբ բռնություն կիրառողները, ովքեր Արաբկիրում հայտնի սրճարանի տերն ու նրա տղան են, դեռևս չեն հայտնաբերվել:

Սեպտեմբերի 7-ին արտակարգ դեպք էր տեղի ունեցել Երևանում։ Ժամը 21:50-ի սահմաններում ՀՀ ՆԳՆ ոստիկանության համայնքային ոստիկանության գլխավոր վարչության Արաբկիրի բաժնում օպերատիվ տեղեկություններ են ստացվել, որ Նաիրի Զարյան փողոցում, Արաբկիրի թաղապետարանի դիմաց գտնվող, ժողովրդի կողմից օգտագործվող «Ազնավուրի սրճարան»-ի մոտ, «Իքս պլանետ» սրճարանի հարևանությամբ մի խումբ անձինք վիճաբանել էին, ծեծկռտուք էր տեղի ունեցել ու կար վիրավոր։

Ժամանել էին ոստիկանության Արաբկիրի բաժնի օպերատիվ խումբը՝ բաժնի պետ Ռուբեն Ներսիսյանի գլխավորությամբ։

Տեղում պարզվել էր, որ ստացված օպերատիվ տեղեկությունը հավաստի է։

Մինչ ոստիկանները դեպքի վայրում էին, «Ուիգմոր» կանանց և երեխաների հիվանդանոցից ահազանգ էր ստացվել ոստիկանության Արաբկիրի բաժին, և հայտնել էին, որ «պոլիտրավմա» ախտորոշմամբ իրենց մոտ էր տեղափոխվել տղա երեխա։ Հիվանդանոց մեկնած Արաբկիրի ոստիկանները պարզել էին, որ հիվանդանոց տեղափոխվածը Երևանի բնակիչ 16-ամյա Վահան Ա․-ն է։

Տեղում ոստիկանները պարզել էին, որ ժամը 21:00-ի սահմաններում «Ազնավուր» սրճարանի մոտ՝ «Իքս պլանետ» սրճարանի հարևանությամբ, երեխային էին մոտեցել 2 հոգի և սկսել ձեռքերով ու ոտքերով հարվածներ հասցնել նրա մարմնի տարբեր մասերին և հնչեցրել հայհոյանքներ։

Այն տևել էր մոտ 20 րոպե։ Այդ կերպ տևական ժամանակ անհարգալից վերաբերմունք էր ցուցաբերվել նաև հասարակության նկատմամբ։

Ֆոտոլրագրողի տեղեկություններով, Արաբկիրի ոստիկանները պարզել էին, որ երեխային ծեծի ենթարկողները եղել են Երևանի բնակիչներ՝ 59-ամյա Վարդգես Դ․-ն և 33-ամյա Ռոբերտ Դ․-ն։

Դեպքի փաստով ոստիկանության Արաբկիրի բաժնում փաստաթղթեր էին կազմվել, որոնք փոխանցվել են ՀՀ քննչական կոմիտեի Երևանի քաղաքի քննչական վարչության Արաբկիրի քննչական բաժին։

Ֆոտոլրագրողի տեղեկություններով՝ կային տեղեկություններ, որ նշված անձանց հետ եղել են մոտ 20-ից ավելի քաղաքացիներ, իսկ Վարդգես և Ռոբերտ Դ․-երը հայր ու որդի են, և նրանց է պատկանում «Ազնավուր» սրճարանը։

Կենտրոնական բանկի նախագահ Մարտին Գալստյանը վստահ է, որ խաղաղության պայմանագրի վերջնական ստորագրումը էականորեն կնվազեցնի Հայաստանի ռիսկայնության աստիճանը և կնպաստի ներդրումների մեծացմանը։ 

Ազգային ժողովում ՔՊ-ական պատգամավոր Բաբկեն Թունյանի հարցին պատասխանելով՝ Գալստյանը նշեց, որ թեև միջազգային վարկանշային գործակալությունները դեռևս չեն կատարել Հայաստանի վարկանիշի վերանայում, արձագանքները դրական են։

«Գործընկերների ազդակները և արձագանքները բավականին դրական են։ Խոսքը թե՛ միջազգային կազմակերպությունների, թե՛ միջազգային առևտրային կառույցների հետ շփումների մասին է։ Ես կարծում եմ, որ խաղաղության պայմանագրի վերջնական ստորագրման պարագայում կունենանք շատ ավելի մեծ ու էական ազդեցություն, թե՛ ռիսկի հավելավճարի նվազման, թե՛ ներդրումների հոսքի տեսանկյունից։ Որոշակի անորոշություն դեռ կա, դրա համար Ֆիչի կողմից եղավ ոչ թե վարկանիշի վերանայում, այլ դրական կոնոտացիաներ»,- ընդգծեց Գալստյանը։

Նրա խոսքով, ԿԲ-ն իր մակրոտնտեսական կանխատեսումներում քննարկում է տարբեր սցենարներ, և աշխարհաքաղաքական ռիսկերի մեղմացման պարագայում կկատարվի նաև համապատասխան վերանայում։

Ժամը 10:00-ի սահմաններում կրակոցներ են հնչել Ռոստովյան 17 շենքում, 1 մարդ շտապօգնության ավտոմեքենայով տեղափոխվել է «Էրեբունի» բժշկական կենտրոն, սակայն մահացել է։

Դեպքի վայրում՝ շենքի մուտքի մոտ, աստիճաններին և 2-րդ հարկի բնակարանում հայտնաբերվել են կրակված պարկուճներ, գնդակ արնանման հետքեր, պատշգամբի դռան ապակու վրա նույնպես կան կրակոցի հետքեր, իսկ դրսում հայտնաբերվել է մետաղե սանդուղք, որով կասկածյալներից մեկը մտել է տուն, իսկ մյուսը մուտքից է մտել։ Տանը գտնվող տղամարդը, որը նախկինում սպանության համար եղել է դատապարտված, և ոտքին էլ «բրասլետ» է եղել, իր մոտ եղած ատրճանակով կրակոցներ է արձակել, ինչի հետևանքով 1 հոգին վնասվածքներ է ստացել և հիվանդանոցի ճանապարհին մահացել է։