Միացյալ Նահանգների պաշտպանության նախարար Փիթ Հեգսեթը հայտարարել է, որ Խաղաղ օվկիանոսի միջազգային ջրերում ԱՄՆ զինված ուժերը ոչնչացրել են թմրանյութերի ապօրինի շրջանառության համար ենթադրաբար օգտագործվող նավը։ X-ում արված գրառման մեջ նա հայտնել է, որ նավը տեղափոխել է թմրանյութեր, որոնք պատկանում էին այն կազմակերպությանը, որն ԱՄՆ-ն համարում է ահաբեկչական կազմակերպություն։

Պենտագոնի ղեկավարի խոսքով՝ «միջազգային ջրերում տեղի ունեցած հարվածի ժամանակ նավի վրա եղել է երեք տղամարդ», որոնք բոլորն էլ զոհվել են։ Նախարարը հայտնել է, որ գործողության ընթացքում ԱՄՆ զինծառայողներ չեն տուժել։ «Նման հարվածները կշարունակվեն», – վստահեցրել է նա՝ հայտարարելով, որ ահաբեկչական կազմակերպությունները չեն խուսափելու արդարադատությունից։ «Մենք կգտնենք ու կսպանենք նրանց, քանի դեռ ամերիկյան ժողովրդի հանդեպ սպառնալիքը վերացված չէ»,- եզրափակել է Հեգսեթը։

ԱՄԷ նախագահի ազգային անվտանգության հարցերով խորհրդական շեյխ Տահնուն բին Զայեդ Ալ Նահյանը հանդիպել է ԱՄՆ նախագահի հատուկ բանագնաց Սթիվ Ուիթքոֆի և Ջարեդ Քուշների հետ, ով ներգրավված է Գազայի հատվածում հրադադարի հաստատման շուրջ բանակցություններում։ Այս մասին հայտնում է էմիրաթական WAM գործակալությունը ։

Հանդիպման ընթացքում քննարկվել են Գազայում հրադադարի վերաբերյալ վերջին զարգացումները և ԱՄՆ նախագահ Դոնալդ Թրամփի առաջարկած ծրագրի շրջանակում ձեռք բերված համաձայնության ամրապնդմանն ուղղված ջանքերը։ 

Տահնուն ալ-Նահյանը բարձր է գնահատել ԱՄՆ նախագահի՝ Գազայում պատերազմը դադարեցնելու և Մերձավոր Արևելքում խաղաղության ու կայունության հասնելու ձգտումը, ինչպես նաև կարևորել է այս հարցում Սթիվ Ուիթքոֆի և Ջարեդ Քուշների ունեցած դերակատարությունը։

Հանդիպումը տեղի է ունեցել ԱՄԷ մայրաքաղաք Աբու Դաբիում այն բանից հետո, ինչ Ուիթքոֆը և Քուշներն ավարտել են այցն Իսրայել։

Բելառուսի գործերի ժամանակավոր հավատարմատարը կանչվել է Լիտվայի արտաքին գործերի նախարարություն, որտեղ նրան բողոքի նոտա են հանձնել՝ «կապված Բելառուսի Հանրապետության կողմից օդային տարածքը քանիցս խախտելու հետ»: Այս մասին հայտնել է Լիտվայի արտաքին գործերի նախարարությունը։

«Բելառուսի Հանրապետությունից օդերևութաբանական զոնդերի խմբի անօրինական թափանցումը Լիտվայի օդային տարածություն, որը գրանցվել է ռադիոտեղորոշիչ միջոցներով, սպառնալիք է ստեղծել քաղաքացիական ավիացիայի և հասարակական անվտանգության համար։ Վիլնյուսի օդանավակայանի կանոնավոր աշխատանքի խախտումը նաև հանգեցրել է ֆինանսական կորուստների», – հայտարարել են Վիլնյուսում։

ԱԳՆ-ն կոչ է արել Բելառուսին վերահսկել սեփական օդային տարածքը,  ինչպես նաև պահանջել է խախտումների հետաքննություն անցկացնել և թույլ չտալ դրանց կրկնություն։ Վիլնյուսում դեսպանին նախազգուշացրել են, որ օդային տարածքը հետագայում ևս խախտելու դեպքում Լիտվայի Հանրապետությունն իրեն իրավունք է վերապահում համարժեք պատասխան միջոցներ ձեռնարկել ։ 

Ավելի վաղ Լիտվայի վարչապետ Ինգա Ռուգինենեն հայտարարել էր, որ հանրապետությունն ամբողջությանբ կփակի Բելառուսի հետ սահմանը, եթե օդային տարածքի խախտումների հետ կապված միջադեպերը կրկնվեն։

Հոկտեմբերի 22-ի գիշերը Լիտվայի օդային տարածություն են անցել մի քանի տասնյակ օդերևութաբանական զոնդեր՝ մաքսանենգ ապրանքներով։ Դրա հետևանքով խախտվել է Վիլնյուսի օդանավակայանի աշխատանքը, տուժել է 30 չվերթ և ավելի քան 4000 ուղևորի։ Լիտվա-բելառուսական սահմանի սահմանային անցակետերը ժամանակավորապես փակվել են։

Լիտվայի պետական ​​սահմանապահ ծառայությունը չեզոքացրել է 12 օդերևութաբանական զոնդերը և ձերբակալել չորս անձի, որոնք կասկածվում են մաքսանենգության մեջ։

Ֆրանսիացի ոստիկանները ԴՆԹ-ի հետքեր են հայտնաբերել այն իրերի վրա, որոնք հանցագործնեը նետել են Լուվրի թանգարանը կողոպտելուց հետո հապճեպ փախուստի ժամանակ: Այս մասին հաղորդել է ABC հեռուստաընկերությունը:

Քննիչների գնահատմամբ՝ սաղավարտի և ձեռնոցների վրա հայտնաբերված հետքերը կարող են դառնալ «առաջին խոշոր բեկումը 102 միլիոն դոլար գումարի թանկարեք իրերի գողության հետաքննության գործում»:

Հոկտեմբերի 19-ի առավոտյան կողոպտիչները կռունկի միջոցով բարձրացել էին, կոտրել Լուվրի թանգարանի ապակիներից մեկը և Ապոլլոնի սրահից գողացել զարդեր, այդ թվում՝ Նապոլեոն Բոնապարտի և նրա կնոջ հավաքածուից։ Ընդհանուր առմամբ, գողացվել էր 9 զարդ, սակայն դրանցից մեկը՝ Նապոլեոն 3-րդի կնոջ՝ կայսրուհի Եվգենյայի թագն ավելի ուշ թանգարանից ոչ հեռու հայտնաբերվել էր վնասված վիճակում։ Կողոպտիչները դեպքի վայրից փախել են սկուտերներով։ Կողոպուտը տևել է 6-7 րոպե։ Ըստ ԶԼՄ-ների՝ կողոպուտը կատարել է չորս հոգուց բաղկացած խումբը, որոնցից երկուսն են մտել թանգարան:

Լրատվամիջոցների տվյալներով՝ միայն կողոպուտից հետո է թանգարանում աշխատել ազդանշանը։

Ֆրանսիայի նախագահ Էմանուել Մակրոնը վստահեցրել է, որ թանգարանի թանկարժեք ցուցանմուշները կգտնվեն, իսկ մեղավորները կկանգնեն դատարանի առաջ։

Իմպիչմենտը հաջողության հասնելո՛ւ է. Հայկ Մամիջանյան. Տեսանյութ

ԱՄՆ ֆինանսների նախարարության կողմից ռուսական «Ռոսնեֆտ» և «Լուկօյլ» նավթային ընկերությունների դեմ պատժամիջոցներ կիրառելու որոշումը հակաարդյունավետ է և որևէ հատուկ խնդիր չի ստեղծի Մոսկվայի համար, հայտարարել է Ռուսաստանի արտաքին գործերի նախարարության խոսնակ Մարիա Զախարովան ճեպազրույցի ժամանակ։ Այս մասին հաղորդում է «ՌԻԱ Նովոստի»-ն։

Նա հավելել է, որ սահմանափակումների միջոցով Մոսկվային ինչ-որ գործողությունների մղելու՝ ԱՄՆ նախկին վարչակազմի փորձերը ևս տապալվել են, իսկ արդյունքում տուժել է համաշխարհային տնտեսության կայունությունը: Զախարովան նաև ընդգծել է, որ Ռուսաստանը պատրաստ է ԱՄՆ-ի հետ շփումների արտաքին քաղաքական գերատեսչությունների մակարդակով և ոչ մի խոչընդոտ չի տեսնում ռուս-ուկրաինական հակամարտության լուծման ուղղությամբ նախագահներ Վլադիմիր Պուտինի և Դոնալդ Թրամփի նախաձեռնած գործընթացը շարունակելու համար:

«Ռուսական ակտիվների հետ կապված ցանկացած գործողություն առանց Ռուսաստանի համաձայնության անվավեր է միջազգային և պայմանագրային իրավունքի տեսանկյունից։ Բրյուսելի կողմից ցանկացած բռնագրավման նախաձեռնություն կհանգեցնի երաշխավորված, ցավոտ արձագանքի։ Մենք կգործենք միջազգային հարաբերություններում փոխադարձության սկզբունքին լիովին համապատասխան՝ հիմնվելով մեր սեփական շահերի և Ռուսաստանին պատճառված վնասը փոխհատուցելու անհրաժեշտության վրա», – ասել է Զախարովան։

Իր հերթին Ռուսաստանի Անվտանգության խորհրդի փոխնախագահ Դմիտրի Մեդվեդևը պատժամիջոցներ սահմանելու ԱՄՆ-ի որոշումն անվանել է Ռուսաստանի դեմ պատերազմական գործողություն։

«Սա չի փոխում գլխավորը. ընդունված որոշումները Ռուսաստանի դեմ պատերազմի ակտ են», – գրել է Մեդվեդևը իր Telegram ալիքում։

Ավելի վաղ ԱՄՆ-ն և Եվրամիությունը հայտարարել էին հակառուսական նոր պատժամիջոցների մասին։

ԱՄՆ նախագահ Դոնալդ Թրամփը հայտարարել է, որ չեղարկել է Բուդապեշտում Ռուսաստանի նախագահ Վլադիմիր Պուտինի հետ նախատեսված հանդիպումը, բայց ապագայում պլանավորում է հանդիպել նրա հետ։

Իսրայելը հարձակվել է «Հեզբոլլահի» ռազմական ճամբարի և Լիբանանի հյուսիսում գտնվող ճշգրիտ հրթիռների արտադրության օբյեկտի վրա, հաղորդում է Al Jazeera-ն։

«Մեր հարվածների նպատակն է կանխել «Հեզբոլլահի» կողմից իր ռազմական ենթակառուցվածքների վերականգնումը. մենք թույլ չենք տա նրանց վերականգնվել։ Մենք անմիջապես կարձագանքենք «Հեզբոլլահի» կողմից իր ուժերը մեծացնելու ցանկացած փորձի և ուղղակիորեն կգործենք Լիբանանում ցանկացած սպառնալիքի դեմ», - սաուդյան ասել է Իսրայելի բարձրաստիճան զինվորական պաշտոնյան Al Jazeera-ի փոխանցմամբ։

Իսրայելի պաշտպանության նախարար Կացը հաստատել է, որ Իսրայելը սկսում է այն, ինչ նա նկարագրել է որպես կրկին բռնի հարձակում Լիբանանում «Հեզբոլլահ»-ին պատկանող ճշգրիտ հրթիռների արտադրության ամենամեծ օբյեկտի վրա, ըստ տեղական հեռարձակող Channel 12-ի։

Եվրամիությունն ընդունել է Ռուսաստանի դեմ պատժամիջոցների 19-րդ փաթեթը, հայտարարել է ԵՄ արտաքին գործերի ներկայացուցիչ Կայա Կալլասը` Reuters-ի փոխանցմամբ։ Նրա խոսքով՝ սահմանափակումները կվերաբերեն ռուսական բանկերին, կրիպտոարժույթների փոխանակման բորսաներին և Հնդկաստանի ու Չինաստանի կազմակերպություններին։

ԵՄ-ն նաև կսահմանափակի ռուս դիվանագետների տեղաշարժը՝ անկայունացման փորձերին հակազդելու համար։

Reuters-ի հաղորդմամբ, պատժամիջոցները թիրախավորում են 45 կազմակերպություն, որոնք օգնել են Ռուսաստանին խուսափել պատժամիջոցներից, այդ թվում՝ 12 ընկերություն Չինաստանում և Հոնկոնգում: Արգելվելու է օգտագործվող ռուսական նավերի և ինքնաթիռների վերաապահովագրությունը: Ավելին, կսահմանվի արգելք հինգ ռուսական բանկերի հետ գործարքների վրա, ինչպես նաև կընդլայնվի Բելառուսում և Ղազախստանում ռուսական էլեկտրոնային վճարային համակարգերի և երրորդ երկրների բանկերի հետ գործարքների արգելքը: 

Գործակալության տվյալներով՝ փաթեթը ներառում է հեղուկացված բնական գազի ներմուծման արգելք 2027 թվականից և պատժամիջոցներ «ստվերային նավատորմի» ևս 117 նավերի նկատմամբ։ ԵՄ-ն նաև կխստացնի երկու խոշոր ռուսական նավթային ընկերությունների հետ գործարքների արգելքը, որոնց անունները չեն հրապարակվել։

Հիշեցնենք, որ երեկ ԱՄՆ-ն պատժամիջոցներ է կիրառել «ԼՈՒԿՕՅԼ»-ի և «Ռոսնեֆտ»-ի նկատմամբ։

Ռուս դիվանագետների տեղաշարժի վերաբերյալ ճշգրիտ սահմանափակումները չեն նշվել: «Financial Times»-ը հաղորդել է, որ նրանք պարտավոր կլինեն օտարերկրյա կառավարություններին տեղեկացնել իրենց նախատեսված ուղևորությունների մասին՝ նախքան ընդունող երկրի սահմանները հատելը: Կրեմլը և Ռուսաստանի արտաքին գործերի նախարարությունը խոստացել են ձեռնարկել պատասխան միջոցներ:

Ռուսաստանը կպատասխանի Եվրոպական միության նոր պատժամիջոցներին, երբ դրանք հրապարակվեն։ Այս մասին հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։ Նրա խոսքով՝ Մոսկվան կգործի՝ ելնելով իր «հիմնական շահերից»։

«Ռուսաստանը իրավունք է վերապահում արձագանքել Եվրոմիության ցանկացած թշնամական գործողության, նույնիսկ եթե դրանք ներառում են մեզ վնասելու ակնհայտորեն անհաջող փորձեր»,- նշել է դիվանագետը։

Ավելի վաղ Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալլասը հայտարարել էր, որ ԵՄ-ն ընդունել է Ռուսաստանի դեմ պատժամիջոցների 19-րդ փաթեթը։

Իսրայելը հարձակվել է «Հեզբոլլահի» ռազմական ճամբարի և Լիբանանի հյուսիսում գտնվող ճշգրիտ հրթիռների արտադրության օբյեկտի վրա, հաղորդում է Al Jazeera-ն։

«Մեր հարվածների նպատակն է կանխել «Հեզբոլլահի» կողմից իր ռազմական ենթակառուցվածքների վերականգնումը. մենք թույլ չենք տա նրանց վերականգնվել։ Մենք անմիջապես կարձագանքենք «Հեզբոլլահի» կողմից իր ուժերը մեծացնելու ցանկացած փորձի և ուղղակիորեն կգործենք Լիբանանում ցանկացած սպառնալիքի դեմ», - սաուդյան ասել է Իսրայելի բարձրաստիճան զինվորական պաշտոնյան Al Jazeera-ի փոխանցմամբ։

Իսրայելի պաշտպանության նախարար Կացը հաստատել է, որ Իսրայելը սկսում է այն, ինչ նա նկարագրել է որպես կրկին բռնի հարձակում Լիբանանում «Հեզբոլլահ»-ին պատկանող ճշգրիտ հրթիռների արտադրության ամենամեծ օբյեկտի վրա, ըստ տեղական հեռարձակող Channel 12-ի։