Ֆուտբոլի Հայաստանի հավաքականի գլխավոր մարզիչ Եղիշե Մելիքյանը հրապարակել է մեկնարկային կազմը Իռլանդիայի թիմի դեմ աշխարհի առաջնության ընտրական խաղում։

Հայաստան․ Օգնյեն Չանչարեւիչ, Էրիկ Փիլոյան, Գեորգի Հարությունյան, Սերգեյ Մուրադյան, Նաիր Թիկնիզյան, Էդուարդ Սպերցյան, Ուգոչուկվու Իվու, Կամո Հովհաննիսյան, Լուկաս Սելարայան, Տիգրան Բարսեղյան (ավագ), Հրանտ-Լեոն Ռանոս։

Պահեստայիններ․ Արսեն Բեգլարյան, Հենրի Ավագյան, Էրիկ Սիմոնյան, Էդգար Սեւիկյան, Արթուր Սերոբյան, Գոռ Մանվելյան, Կարեն Նալբանդյան, Հովհաննես Հարությունյան, Էդգար Գրիգորյան, Արտակ Դաշյան, Ժիրայր Շաղոյան, Վահան Բիչախչյան։

Հանդիպումը Երեւանի Վազգեն Սարգսյանի անվան «Հանրապետական» ստադիոնում կմեկնարկի 20:00-ին։

ԵԿՄ նախագահ Սասուն Միքայելյանը, որը ՔՊ գրասենյակ էր եկել մասնակցելու «Քաղաքացիական պայմանագրի» վարչության նիստին, հրաժարվեց պատասխանել լրագրողների հարցերին։

«Ժամանակ չունեմ հարցերի պատասխանելու, շտապում եմ»,– լրագրողների հարցերին ի պատասխան ասաց Սասուն Միքայելյանը։

Գազայի հատվածում պաղեստինյան ՀԱՄԱՍ շարժման ղեկավար Խալիլ ալ-Հայան և նրա ղեկավարության ևս երեք անդամ սպանվել են Կատարի մայրաքաղաք Դոհայի ուղղությամբ Իսրայելի հասցրած հարվածի հետևանքով։

Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին տեղեկացրել է Al Arabiya  հեռուստաալիքը՝ հղում անելով իր աղբյուրներին։

Աղբյուրները հաստատել են Խալիլ ալ-Հայայիի, Զահեր Ջաբարինի, Խալեդ Մաշալի և Նիզար Աուդալլահի մահը։ 

Israel Hayom թերթի տվյալներով՝ Դոհային հարվածելուց առաջ Իսրայելն այդ մասին տեղեկացրել է ԱՄՆ-ին և Կատարին։

Կատարը դատապարտել է ՀԱՄԱՍ-ի քաղաքական կենտրոնակայանին հասցված հարվածը։ Կատարի արտգործնախարար Մաջիդ ալ-Անսարին հարվածն անվանել է միջազգային օրենքի և նորմերի կոպիտ խախտում։ 

Սեպտեմբերի 9-ի գիշերն ուկրաինական անօդաչու թռչող սարքերը հարձակվել են Սոչիի վրա, այդ թվում՝ նախագահական «Բոչարով Ռուչեյ» նստավայրի մոտ գտնվող տարածքի վրա։ Սա տեղի է ունեցել Ուկրաինայի տարածքում ռուսական զանգվածային հարվածից կարճ ժամանակ անց, որի հետևանքով վնասվել էր Կիևի կենտրոնում գտնվող` Ուկրաինայի նախարարների կաբինետի շենքը։

Նախագահի մամուլի քարտուղար Դմիտրի Պեսկովը հայտարարել է, որ հարձակումը չի ազդել Պուտինի ժամանակացույցի վրա։ «Նախագահի ժամանակացույցը անփոփոխ է։ Այն իրականացվում է ըստ պլանի», - ՏԱՍՍ-ին ասել է Պեսկովը։ Գործակալությունը նշում է, որ նախորդ օրը Պուտինը Սոչիի իր նստավայրից մասնակցել է BRICS-ի առցանց գագաթնաժողովին։

Սեպտեմբերի 7-ի գիշերը Ռուսաստանը ռեկորդային հարված հասցրեց Ուկրաինային։ Ուկրաինայի ռազմաօդային ուժերի տվյալներով՝ ռուսական բանակը օգտագործել է 823 օդային հարձակման միջոց, այդ թվում՝ 810 «Շահեդ» տիպի հարվածային անօդաչու թռչող սարք, 9 «Իսկանդեր-Կ» թևավոր հրթիռ և 4 «Իսկանդեր-Մ/ԿՆ-23» բալիստիկ հրթիռ։

Հարձակման հետևանքով զոհվել է երեք մարդ, այդ թվում՝ 3 ամսական երեխա, և վիրավորվել է ավելի քան 20 մարդ։ Կիևում նախարարների կաբինետի շենքը լուրջ վնաս է կրել, որտեղ հրդեհը տարածվել է 1000 քմ մակերեսով՝ ոչնչացնելով վարչապետի գրասենյակը և կառավարության նիստերի դահլիճը։ Սկզբում հաղորդվել էր, որ անօդաչու թռչող սարք է հարվածել, սակայն Կիևը հետագայում հայտարարեց, որ կառավարական թաղամասի վրա հարվածը կատարվել է «Իսկանդեր» հրթիռով։

Երկուշաբթի օրվանից Նեպալի մայրաքաղաք Կատմանդուի մի քանի վայրերում կոռուպցիայի դեմ բողոքի ցույցեր են տեղի ունենում: BBC News-ը հաղորդում է, որ հրդեհներ են բռնկվել, և հարյուրավոր ցուցարարներ ներխուժել են երկրի խորհրդարանի շենք: 

Շենքի ճակատային մասում գրաֆիտիներ և կոռուպցիայի դեմ կարգախոսներ են գրված, իսկ պատուհանները կոտրվել են. այսպես է BBC News-ի թղթակիցը նկարագրում տեղի ունեցածը դեպքի վայրից:

Նեպալի կառավարական գրասենյակները տեղակայող խոշոր քաղաքային համալիր Սինգհա Դուրբարը ևս գրոհի է ենթարկվել ցուցարարների ամբոխի կողմից: Համալիրում տեղակայված է վարչապետի գրասենյակը, որը նույնպես հարձակման է ենթարկվել: 

Հիշեցնենք, որ վարչապետ Շարմա Օլին այսօր ավելի վաղ հրաժարական է տվել լայնածավալ բողոքի ցույցերից հետո:

Կատմանդուի Տրիբհուվան միջազգային օդանավակայանը փակ է, ըստ օդանավակայանի կայքում տեղադրված ժամանումների և մեկնումների ցուցատախտակի:

Նեպալի Դհանգադի քաղաքում ցուցարարները երեքշաբթի հարձակվել են բանտի վրա, ինչը հարյուրավոր բանտարկյալների հնարավորություն է ընձեռել փախուստի դիմել ամբողջ երկրում շարունակվող անկարգությունների ֆոնին, հաղորդում է India Today-ը։ 

Ավելի վաղ Նեպալի վարչապետ Շարմա Օլին բողոքի ցույցերի ֆոնին հրաժարական էր տվել։

Բացի դրանից, Khabarhub պորտալը հայտնել է, որ Նեպալի նախկին վարչապետ Ջանա Նաթ Խանալի կինը մահացել է, երբ ցուցարարները հարձակվել են նրանց բնակարանի վրա։

Ըստ պորտալի տվյալների՝ ցուցարարները նրան փակել են տանը և հրդեհել շենքը։

Այսօրվա ընդդիմությունը «нищий» է, կներեք, բայց քաղաքական առումով դուք սպառվել եք։ Այս մասին ԱԺ հայտարարությունների ժամին արտահերթ ելույթում ասաց ԱԺ նախագահ Ալեն Սիմոնյանը։

«Ես լսում էի ձեր ելույթները, քաղաքական ելույթ գոյություն չունի, նույն բաները արդեն 45 տարի է ասում եք։ Ցավոք սրտի կամ ի ուրախություն, սպառվել է ձեր խոսույթը, դուք այլևս օրակարգ չեք թելադրում, չեք ձևավորում և այլևս չեք էլ կարողանալու ձևավորել»,- հայտարարեց Սիմոնյանը։

Նա նշեց, որ ելույթ է ունեցել զուտ պատասխանելու պատգամավոր Ագնեսա Խամոյանին։ Նշենք, որ Խամոյանն ընթերցեց կալանավորված Միքայել Սրբազանի ուղերձը։ 

Սիմոնյանը հեգնեց՝ նշելով, որ Խամոյանը պատմեց Աջապահյանի նամակի մասին, բայց մինչև վերջ չկարդաց նրա նամակը։ Սիմոնյանն ասաց, որ կվերջացնի նրա նամակը, ապա ընթերցեց Միքայել Սրբազանի նախկին հարցազրույցներից մի հատված, որում նա բացատրել էր, թե ինչու Բագրատ Սրբազանի գլխավորած շարժումը չհաջողեց։

«Ես ակնարկել եմ այս բոլոր ամիսներին, թե որն է պատճառն իր որոշակի անհաջողության՝ Բագրատ Սրբազանի մասին է խոսքը։ Հիմա թերևս ավելի բացահայտ կարող եմ ասել՝ հիմնական պատճառը նախկին նախագահների ստվերն է և ուրվականը։ Այդ ուրվականներից չի կարող ազատվել Բագրատ Սրբազանը։ Այդ ուրվականների հեղինակներն իրենք պետք է հայտարարեն իրենց հեռացման մասին և իրապես հեռանան։ Հայրենիքի փրկությունը դա է պահանջում։ Եթե իրենք դա չեն անում, ուրեմն հայրենիքի փրկության մասին չեն մտածում, մտածում են իշխանության վերադառնալու կամ այսպես ասած՝ ընդդիմության իշխանությունը պահելու մասին»,– մեջբերելով սրբազանի նախկին հարցազրույցի այս հատվածը, այնուհետև Սիմոնյանն ասաց.

«Բա որ գնում եք այցելության, այս մարդու ասածն ինչի՞ չեք ասում։ Նեղության մեջ է այս մարդը, ինչի՞ չեք ասում սրա մասին»։

Սիմոնյանը հարց տվեց ընդդիմությանը՝ ասելով, թե 8 ամսից ընտրություններ են, մտածե՞լ են, ինչ խոսույթով են գնալու։

«Ես գիտեմ, ինչ-որ խոսակցություններ կան, որ մարդիկ ինչ-որ խմբեր են տեղափոխվում, դաշնակցությունը առանձին է գնալու, ինչ-որ մարդիկ նոր կուսակցություն են մտնելու։ Խնդիրը կուսակցությունը չէ ամենևին, խնդիրը խոսույթն է։ Ձեր խոսույթը, որն ունեք, չկա այլևս և օրակարգային չէ։ Մտածե՛ք դրա մասին, որովհետև ես ուզում եմ, որ հաջորդ խորհրդարանում մենք ունենանք նորմալ ընդդիմություն»,- ասաց ԱԺ նախագահը։

Կարճատև դադարից հետո Իսրայելը կրկին զանգվածային հարձակում է սկսել նախկին Սիրիայի վրա, գրում է Telegram ալիքը։

«Ռազմաօդային ուժերը հարվածել են զորանոցներին, ՀՕՊ բազային և այլ ռազմական օբյեկտներին Հոմս, Լաթաքիա և Պալմիրա քաղաքների տարածքում։

Հաղորդվում է, որ թիրախների թվում են եղել թուրքական ՀՕՊ համակարգերն ու ռադարները։ Թուրքիան արդեն իսկ ցանկանում էր զորքեր և ՀՕՊ համակարգեր տեղակայել Ասադի նախկին բանակի դիրքերում, սակայն Իսրայելը կանխարգելիչ կերպով զանգվածային հարվածներ է հասցրել։ Ըստ երևույթին, այս անգամ ռազմական տեխնիկան գաղտնի է ներմուծվել։ Սակայն սա գաղտնիք չի եղել իսրայելական հետախուզության համար։ Վերջին պատերազմի ժամանակ նախկին Սիրիայի երկինքը ակտիվորեն օգտագործվել է արևմտյան Իրանի ռմբակոծման համար։ 

Թել Ավիվի համար Դամասկոսում իսլամիստների համար հակաօդային պաշտպանության առկայությունը «կարմիր գիծ» է: Նույնիսկ եթե նոր իշխանությունները շիա Իրանին նույնպես համարեն իրենց թշնամին, դա էական չէ՝ երկնքում Իսրայելի ռազմաօդային ուժերին սպառնալիք չպետք է լինի: 

Լաթաքիայի զորանոցների վրա հարձակումը, ամենայն հավանականությամբ, ուղղված էր օտարերկրյա զինյալ խմբավորումների դեմ: Փաստն այն է, որ նրանք հավանել են Սիրիայի ափը Ասադի տապալումից հետո: Այնտեղ ոչ միայն ծովային կլիմա կա, այլև նրանք կարող են անպատիժ սպանել և թալանել «անհավատ» ալավիներին: Ընտանիքները կարող են հաստատվել, զբաղեցնել տներ և ստեղծել «ջամաաթներ»: 

Դամասկոսի նոր իշխանությունները չեն շտապում արտահանձնել օտարերկրացիներին, չնայած սա պատերազմից տուժած երկրում ներդրումներ կատարելու պայմաններից մեկն է։ Եվ ես չէի զարմանա, եթե նույն այդ զինյալները մասնակցեին Սուվեյդա նահանգում դրուզների կոտորածին։ Այդ դեպքում սա Թել Ավիվից եկող պատասխան հարված է», - գրում է աղբյուրը։

Իսրայելի պաշտպանության ուժերը (Ցախալ) և Շին Բետ հետախուզական ծառայությունը հայտարարել են, որ Իսրայելի ռազմաօդային ուժերը հարվածել են պաղեստինյան ՀԱՄԱՍ խմբավորման ղեկավարությանը, հաղորդում է Times of Israel-ը։

Հայտարարության մեջ ուղղակիորեն չի հիշատակվում Կատարը, սակայն այն հայտնվել է Դոհայում խոշոր պայթյունների մասին հաղորդագրություններից հետո, որտեղ բնակվում Է ՀԱՄԱՍ-ի բարձրագույն ղեկավարությունը:

«Թիրախային խմբի ղեկավար անդամները տարիներ շարունակ ղեկավարել են ահաբեկչական կազմակերպության գործունեությունը և անմիջական պատասխանատվություն են կրում հոկտեմբերի 7-ի կոտորածի և Իսրայելի պետության դեմ պատերազմի համար», - ասվում է հայտարարության մեջ։

Իսրայելի պաշտպանության բանակը հայտարարել է, որ «քայլեր է ձեռնարկել հարվածից քաղաքացիական անձանց վնասը նվազեցնելու համար», այդ թվում՝ ճշգրիտ կառավարվող զինամթերքի և այլ հետախուզական տվյալների օգտագործման միջոցով։

Երեքշաբթի օրը Քաթարի մայրաքաղաք Դոհայում մի քանի պայթյուններ են լսվել, հաղորդում է Al Arabiya-ն։

Ականատեսի խոսքով՝ Կատարի մայրաքաղաքի տարածքից ծուխ է բարձրացել։

Դոհայի բնակիչը «Al Arabiya»-ին ասել է, որ լսել է առնվազն հինգ պայթյուն։