ԱՄՆ նախագահ Դոնալդ Թրամփը կարող է ամերիկյան կոմանդոսներին օգտագործել Վենեսուելայի առաջնորդ Նիկոլաս Մադուրոյին առևանգելու համար: Այս մասին գրում Է Financial Times թերթը։

«Ռազմական փորձագետները ենթադրում են, որ Թրամփը կարող է Կոմանդոսին օգտագործել Մադուրոյի և, հնարավոր է, նրա որոշ առանցքային դաշնակիցների առևանգման գործողության համար, որպեսզի նրանք ԱՄՆ-ում դատարանի առջև կանգնեն», - ասված է հրապարակման մեջ:

Պարբերականը նշում է, որ փորձագետները մտավախություն են հայտնում, որ նման գործողությունը նույնիսկ հաջողության դեպքում կարող է չհանգեցնել ԱՄՆ-ին անհրաժեշտ քաղաքական արդյունքների և ապահովել իշխանության տարանցումը Վենեսուելայում:

ԱԺ-ն ամբողջությամբ ընդունել է «Շողակաթ» հեռուստաընկերությունը փակելու նախագիծը:

Նախագիծը հեղինակել են ՔՊ խմբակցության պատգամավորներ Թագուհի Ղազարյանն ու Սիսակ Գաբրիելյանը։ ՔՊ-ական պատգամավորներն առաջարկում են կրճատել հանրային կարգավիճակ ունեցողներ հեռուստաալիքների թիվը՝ 3–ից դարձնելով 2։ 

Հանրային երեք ալիքներն են՝ «Առաջին ալիքը», որպես հիմնական հեռարձակող, հոգևոր-մշակութային «Շողակաթը» և «Լուրեր» լրատվական ալիքը։

Հովաննավանքի հոգևոր հովիվ տեր Սարգիս քահանա Սարգսյանին, ով պետք է կիրակի օրը՝ 26.10.2025թ. կատարեր պատարագը, նույն օրը ժամը 09:00-ին քննչական մարմինը հրավիրել է հարցաքննության, հայտնել է փաստաբան Արա Զոհրաբյանը։ 

«Դրանով պայման են ստեղծելու, որպեսզի պատարագը կատարի իրավասություն չունեցող Ստեփան Ասատրյանը: Այսպիսով քննիչն էլ միացավ ծեսի կատարման խոչընդոտման հանցագործության նախապատրաստությանը»,-ասել է նա:

Հոկտեմբերի 24-ին տղամարդը նռնակ է պայթեցրել Օվրուչ քաղաքի (Ժիտոմիրշչինա) կառամատույցում։ Այս մասին տեղեկացրել է 24tv-ն։

Հայտնի է 4 զոհերի մասին։ 

Մեկն ինքը՝ պայթեցնողն է, Խարկովի 23-ամյա բնակիչը, որը մահացել է շտապօգնության մեքենայում, եւս երեքը կանայք են՝ 29, 58 եւ 82 տարեկան, որոնք Կորոստենշչինայի բնակիչներ էին։ Զոհերի մեջ կա սահմանապահ կին, որը եղել է մեղավորի կողքին;

Եվս 10 մարդ վիրավորվել է։

Իրենք ներկայանում էին որպես համայնքի անդամներ և  ինձ հորդորեցին, ասեցին, որ այլևս չեն ուզում այստեղ իմ ծառայությունը տեսնել, ես էլ պատասխանել եմ, որ իմ ծառայությունը այստեղ նշանակված է թեմակալ առաջնորդի կողմից։ Այս մասին, այսօր՝ հոկտեմբերի 24–ին, լրագրողների հետ զրույցում նշեց Հովհաննավանքի քահանա Տեր Սարգիսը՝ անդրադառնալով երեկ տեղի ունեցած միջադեպին եւ նախկին քահանա Տեր Արամի ու քաղաքացիների հետ մի փոքր լարված իր զրույցին։ 

«Մեր եկեղեցին որևէ ընդհարումներ չի ուզում, մենք ուզում ենք ամեն ինչ խաղաղ ճանապարհով լուծվի և ամեն ինչ իր տեղը ընկնի։ Սպառնալիքներ չեն եղել, Որպես համայնքի անդամներ ներկայացան, չգիտեմ, ինչքանով էին իրենք համայնքի անդամներ, ես տարուց ավել արդեն այստեղ ծառայում եմ, այստեղ պատարագների եմ, իրենցից ոմանց տեսել եմ, բայց շատերին էլ չեմ տեսել»,–ասաց նա։ 

Տեր Սարգիսը նշեց, որ այսօր էլ պսակադրություն է տեղի ունեցել, որն իրականացրել է նախկին քահանան. «Ես մտել եմ եկեղեցի, իմ աղոթքն եմ արել, դուրս եմ եկել, բայց քանի որ զույգը նախընտրել էր, որ պիտի աներ նախկին քահանան այստեղի, ես չեմ մոտեցել, չեմ խոչընդոտել, որևէ բանով չեմ խանգարել իրենց։ Դա իրենց որոշումն է, մենք իրենց նախապես զգուշացնում ենք, ասում ենք, բացատրում ենք, ընտրությունը իրենցն է»։ 

Տեր Սարգիսը հայտարարեց, որ այս կիրակի Հովհաննավանքում պատարագը մատուցելու է ինքը. «Մինչև կիրակի, կտեսնենք՝ ինչ կլինի»։

Իր հերթին փաստաբան Արա Զոհրաբյանն ասաց. «Մենք վստահ ենք, որ կիրակի օրվա համար էլ իրենք միջոցներ են ձեռնարկելու, որպեսզի պատարագը պատշաճ օրինավոր քահանայի կողմից չկատարվի և անօրինական պատարագ են կատարելու, որը և հոգևոր, և աշխարհիկ օրենքներով անթույլատրելի է լինելու։ Այսինքն, պատարագ, որը չի անելու օծյալ հոգևորականը, դա չի կարող վավեր համարվել, և այն մարդիկ, որոնք հավատք ունեն, իրենք հասկանում են, թե ինչ նզովքի տակ են ընկնելու, երբ որ գան այդ չակերտներով հաղորդություն ընդունեն։ Իսկ աշխարհիկ օրենքներով դա ուղղակի կրոնական ծեսի կատարման խոչընդոտում է, որը հանցագործություն է»։

Այսօր ժամը 11։36-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Սևան ավտոճանապարհին տեղի է ունեցել ՃՏՊ՝ բախվել է երկու ավտոմեքենա, կան տուժածներ. անհրաժեշտ է փրկարարների օգնությունը:

ՆԳՆ փրկարար ծառայությունից հայտնում են՝ դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Պարզվել է, որ Սևան-Երևան ավտոճանապարհին՝ «Արծվի թևեր» կոչվող հատվածի մոտակայքում, բախվել են «Opel» և «Hyundai» մակնիշների ավտոմեքենաները: Երկու տուժած տեղափոխվել է բժշկական կենտրոն։

Փրկարարները հոսանքազրկել են ավտոմեքենաները, փակել գազի բալոնների փականները, հատուկ տեխնիկայի կիրառմամբ «Hyundai» մակնիշի ավտոմեքենայից դուրս բերել երկու ուղևորի և մոտեցրել շտապօգնության ավտոմեքենաներին․ տուժածները հոսպիտալացվել են բժշկական կենտրոն, որտեղ ուղևորներից մեկը մահացել է։

ԱՄՆ դոլարի փոխարժեքն այսօր՝ հոկտեմբերի 24-ին, կազմել է 383.05 դրամ՝ նախորդ օրվա համեմատ աճել է 0.51 դրամով: Այդ մասին տեղեկանում ենք Կենտրոնական բանկի պաշտոնական կայքից։

Եվրոյի փոխարժեքը կազմել է 444.80 դրամ (աճել  է 1.51  դրամով), իսկ ռուսական ռուբլու փոխարժեքը կազմել է 4.72  դրամ (աճել է 0.03 դրամով): 

Հայաստանյան բանկերում դոլարը գնվում է 380-382 դրամով, վաճառվում է 384-385 դրամով: Եվրոն բանկերում գնվում է 437-443 դրամով, վաճառվում է 446–451.5 դրամով:

Ռուբլին բանկերում գնվում է 4.63-4.71 դրամով, վաճառվում է 4.75-4.96 դրամով:

Փոխանակման կետերում իրավիճակը հետևյալն է. դոլարը գնվում է 382 դրամով, վաճառվում՝ 385 դրամով:

Եվրոն գնվում է 443 դրամով, վաճառվում է 447 դրամով:

Ռուբլին գնվում է 4.64 դրամով, վաճառվում է 4.74 դրամով:

Հոկտեմբերի 10-ին արտակարգ դեպք է տեղի ունեցել Երևանում: Ժամը 06:50-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Մալաթիայի բաժին ահազանգ է ստացվել Երևանի բնակիչ 35-ամյա Լիանա Ս.-ից, ով հայտնել է, որ իրեն Հրազդանի կիրճում գրոծող «Նաբերեժնի» ռեստորանային համալիրում իր կամքին հակառակ պահում են:

Ինչպես դեպքի վայրից հայտնում է ֆոտոլրագրող Գագիկ Շամշյանը, դեպք վայր են մեկնել ոստիկանության Մալաթիայի բաժնի օպերատիվ խումբը՝ բաժնի պետ Կարեն Բունիաթյանի, բաժնի պետի տեղակալ Բագրատունյանի գլխավորությամբ:

Տեղում ոստիկանները հայտնաբերել են ահազանգող կնոջը, ով հրավիրվել է ոստիկանության Մալաթիայի բաժին, որտեղ հայտնել է, որ Երևանի բնակիչ 36-ամյա Հայկազ Մ.-ն իր կամքին հակառակ իրեն պահել է նշված ռեստորանային համալիրում և ալկոհոլի ազդեցության տակ հարվածներ է հասցրել իր մարմնի տարբեր մասերին, մի քանի անգամ խմիչք է լցրել իր վրա, այդ կերպ իրեն պատճառելով ֆիզիկական ցավ և հոգեկան տառապանք:

Դեպքի փաստով Մալաթիայի բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Մալաթիայի քննչական բաժին՝ հետագա քրեական վարույթի հարցը քննարկելու համար։

Մալաթիայի ոստիկանները որոնում են կասկածյալ Հայկազ Մ.-ին:

Maison Margiela-ն ընդլայնում է իր ներկայությունը նորաձևությունից այն կողմ և առաջին անգամ մտնում է անշարժ գույքի շուկա: Hypebeast-ը հաղորդում է, որ ապրանքանիշը հայտարարել է Alta Real Estate Development-ի հետ գործընկերության և Դուբայի Պալմ Ջումեյրա կղզում գտնվող Maison Margiela Residences բացառիկ նախագծի մեկնարկի մասին: 

Բնակելի տների ճարտարապետությունն ու դիզայնը մշակվել են Maison Margiela-ի կողմից՝ իտալացի ճարտարապետ Կառլո Կոլոմբոյի հետ համագործակցությամբ: Նախագիծը կներառի ընդամենը 24 եզակի բնակարան, որոնք Maison Margiela-ի կոդը՝ դեկոնստրուկցիան, տեսողական խաբկանքը և վերափոխումը, վերածում են շքեղ կյանքի: 

«Մեր գործընկերությունը Maison Margiela-ի հետ թույլ է տալիս մեզ ընդլայնել դիզայնի սահմանները և վերաիմաստավորել շքեղ կյանքը Դուբայում: Այս բնակարանները կլինեն ստեղծագործականության, արհեստավորության և անհատականության վկայություն», - ասել է Աբդուլլա Ալ Թայերը, Alta Real Estate Development-ի կառավարիչ տնօրենը: 

Նախագիծը շարունակում է Maison Margiela-ի գլոբալ ընդլայնումը և նրա ներթափանցումը հագուստից այն կողմ՝ նոր կատեգորիաներ:

Բնակարանները կառուցվում են «Line 2» նախաձեռնության մեկնարկից հետո, որը նվիրված է ոչ նյութական ապրանքներին, ինչպիսիք են արվեստի ինստալյացիաները և մշակութային միջոցառումները: Մայլի Սայրուսի հետ ապրանքանիշի վերջին արշավը նույնպես ցույց է տալիս Maison Margiela-ի նվիրվածությունը մշակութային արդիականությունը խթանելուն։ 

Սա միակ դեպքը չէ, երբ շքեղ նորաձևության տները ուսումնասիրում են անշարժ գույքը. օգոստոսին իտալական Armani տունը հայտարարեց իր առաջին ապրանքանիշային բնակարանները կառուցելու ծրագրերի մասին ԱՄԷ-ի Ռաս ալ Խայմայի ափին: Մասնագետները այս միտումը կապում են նորաձևության ապրանքանիշերի ցանկության հետ՝ դիվերսիֆիկացնել իրենց ապրանքների առաջարկները և փոխհատուցել սպառողական ծախսերի անկումը:

53-ամյա «The View»-ի հաղորդավարուհի Անա Նավարոն դեռևս չի կարողանում ուշքի գալ 76-ամյա Ռիչարդ Գիրի հետ հանդիպումից: Daily Mail-ին տված նոր հարցազրույցում նա խոստովանել է, որ «բառացիորեն քիչ է մնացել ուշաթափվի», երբ դերասանը հոկտեմբերի 17-ին հայտնվել է շոուի նկարահանման հրապարակում:

Հարցազրույցից առաջ Գիրը շրջել է հաղորդավարների շուրջը՝ հերթով ողջունելով նրանց: Երբ նա դիպել է Նավարոյի ուսերին և թեթև պարանոցի մերսում արել, Անան չի կարողացել զսպել իր հույզերը ուղիղ եթերում:

«Ես նույնիսկ չէի գիտակցում, թե որքան է նա ինձ դուր գալիս, մինչև նա մոտեցավ և պարանոցի մերսում չարեց», - խոստովանել է Նավարոն: «Նա 76 տարեկան է, և նա այնքան սեքսուալ է»:

Նավարոն հավելել է, որ ինքը անհրաժեշտություն չի զգացել Գիրին պատմել իր զգացողությունների մասին:

«Ես լիակատար տրանսի մեջ էի»: Նա, հավանաբար, գիտակցել է դա, քանի որ երբ նա հեռացավ, պարանոցի մերսում արեց, և ես բառացիորեն գրեթե ընկա: Ես բարձրացրի ձեռքերս և մտածեցի. «Ռիչարդ, վերցրու ինձ հենց հիմա»։

Բայց մի շտապեք մտածել, որ սա լուրջ է. Անան ամուսնացած է փաստաբան Ալ Կարդենասի հետ։ Նա նաև նշել է, որ Գիրը ամուսնացած է Ալեխանդրա Սիլվայի հետ։

Սակայն Նավարոն միակ հեռուստահաղորդավարը չէ, որին Գիրը գրավել է վերջին օրերին։ Նախորդ օրը նա հայտնվել է «Today» շոուում, որտեղ քննարկել է Դալայ Լամայի հետ իր նոր նախագիծը՝ «Wisdom of Happiness»։ Այնտեղ նա չի կարողացել դիմադրել կատակներ անելուն, ինչը մի փոքր ամաչեցրել է հաղորդավարուհի Սավաննա Գատրիին։ 

«Սավաննան հիմա դժվարանում է կենտրոնանալ», - ժպիտով նկատել է Գիրի գործընկերը, որից հետո դերասանը նստել է հաղորդավարի կողքին և շարունակել կատակը։

Ինչ վերաբերում է նրա անձնական կյանքին, Գիրը ամուսնացած է Ալեխանդրա Սիլվայի հետ 2018 թվականից։