Նեպալի նախագահ Ռամ Չանդրա Պուդելն ընդունել է վարչապետ Քհադգա Պրասադ Շարմա Օլիի հրաժարականը: Այս մասին հաղորդում է Reuters գործակալությունը՝ վկայակոչելով նախագահի օգնականին։

Պաշտոնյան նշել է, որ նախագահը սկսել է երկրի նոր ղեկավարի շուրջ քննարկումները։

Նեպալի բանակը X-ում դիմել է ժողովրդին՝ խնդրելով զսպվածություն ցուցաբերել, քանի որ Օլիի հրաժարականն ընդունվել է։

73-ամյա Օլին վարչապետի պաշտոնը ստանձնել էր հուլիսին՝ 4-րդ անգամ։ Նա Նեպալի վարչապետն էր 2008 թվականից ի վեր։

Քհադգա Պրասադ Շարմա Օլին վարչապետի պաշտոնից հրաժարական է տվել երկրում երկու օր շարունակվող բազմահազարանոց ցույցերի ֆոնին։

Ցույցերը շարունակվում էին՝ չնայած այն բանին, որ կառավարությունը հայտարարել էր սոցիալական մեդիայի հարթակների արգելքը չեղարկելու մասին։ Ցուցարարները պահանջում էին վարչապետի և կառավարության հրաժարականը բողոքի ակցիաների ընթացքում շուրջ 20 մարդու զոհվելուց և 250 մարդու վիրավորվելուց հետո։

«Պատիվ ունեմ» խմբակցությունը հանդես է գալու պատգամավորական էթիկայի հարցերով ժամանակավոր հանձնաժողով ստեղծելու նախաձեռնությամբ: Այս մասին հայտարարել է խմբակցության քարտուղար Տիգրան Աբրահամյանը։

«Հիմք ընդունելով ՔՊ խմբակցության պատգամավոր Արթուր Հովհաննիսյանի անընդունելի վարքը, դրսևորած խայտառակ պահվածքը և վիրավորական արտահայտությունները մեր գործընկեր Թագուհի Թովմասյանի նկատմամբ, «Պատիվ ունեմ» խմբակցությունը` ԱԺ կանոնակարգ օրենքի համապատասխան դրույթների հիման վրա, հանդես է գալու պատգամավորական էթիկայի հարցերով ժամանակավոր հանձնաժողով ստեղծելու նախաձեռնությամբ»,- ասված է հաղորդագրության մեջ:

Նիկոլ Փաշինյանը ֆինանսների նախարարի նոր տեղակալ է նշանակել։

Նիկոլ Փաշինյանի՝ ամեն օր իշխանության մնալը աղետ է բերում Հայաստանին ու ստեղծում է անդառնալի հետևանքներ։ Այս մասին այսօր՝ սեպտեմբերի 9–ին, ԱԺ-ում լրագրողների հետ զրույցում ասաց «Պատիվ ունեմ» խմբակցության ղեկավար Հայկ Մամիջանյանը՝ հավելելով, որ իշխանափոխության խնդիրն անհրաժեշտ է լուծել մինչև ընտրությունները։ 

«Ես այդքան էլ լավ չեմ հասկանում նստելն ու ակտիվ ընտրություններին սպասելը։ Մենք առաջարկում ենք, մեր կարծիքով, այս պահին միակ իրատեսական լուծումը՝ իմպիչմենտի գործընթացը։ Դա այս պահին Փաշինյանի հեռացման՝ Հայաստանի քաղաքական դաշտում միակ առաջարկված օրակարգն է։ Եթե կան այլ օրակարգեր, սիրով կքննարկենք, բայց, կարծեք, ոչ մեկ որևէ այլ բան չի առաջարկում։ Իմպիչմենտի գործընթացը շարունակում է մնալ ՀՀԿ-ի առաջնահերթությունը»,- նշեց Մամիջանյանը։ 

Ըստ նրա, առանց հանրային կոնսոլիդացիայի, առանց փողոցի ճնշման հնարավոր չէ իրականացնել այդ գործընթաց. «Փողոցային ճնշումը վարչապետին անվստահություն հայտնելու գործընթացի  կարևորագույն ու որոշիչ բաղադրիչն է»։ 

Անդրադառնալով նրան, թե ինչպես է դա իրականացվելու, Մամիջանյանն ասաց, որ առաջին փուլում  անհրաժեշտ է  խորհրդարանական բոլոր ընդդիմադիր ուժերը միանան այդ գործընթացին, հետևաբար շարունակում են սպասել «Հայաստան» խմբակցության արձագանքին։ 

«Խորհրդարանական ընդդիմության միասնական դիրքորոշումն առաջին կարևորագույն փուլն է, որ Փաշինյանին անհրաժեշտ է  հեռացնել ու կատարել  այն խոստումը, որը բոլորս տվել ենք 2021 թվականին, դրան նախորդող փողոցային ակցիաների ժամանակ։ Ակնկալում ենք, որ մեր գործընկերները կմիանան կամ կառաջարկեն այլընտրանքային օրակարգ»,- ասաց ընդդիմադիր գործիչը։ 

Հարցին, եթե չստացվի իմպիչմենտի գործընթացով հեռացնել Փաշինյանին, ՀՀԿ-ն 2026-ի ընտրություններին մասնացելո՞ւ է, Մամիջանյանը պատասխանեց. «2026-ի հետ կապված ՀՀԿ ներգրաված չէ որևէ ներքին քննարկումների մեջ, ներկուսակցական քննարկումները, բոլոր շփումները խորհրդարանական, արտախորհրդարանական ուժերի հետ միտված են բացառապես  իմպիչմենտի օրակարգն առաջ մղելուն։ Մենք 2026-ին սպասելու սիրահարների, 2026-ի ակումբի անդամներ չենք, փորձում ենք գործ անել, քանի որ մինչև 2026-ի ընտրությունները ձեռքներ ծալած նստելը մեզ համար չէ»։

Պաշտոնական Վաշինգտոնը տեղեկացրել է իր միջազգային գործընկերներին, որ լքում է Ռուսաստանի, Չինաստանի և Իրանի կողմից տարածվող ապատեղեկատվության դեմ պայքարի միջազգային ծրագիրը։

Այս մասին տեղեկացնում է Financial Times պարբերականը՝ վկայակոչելով ԵՄ երեք բարձրաստիճան պաշտոնյաների։ Թերթի տեղեկություններով ԵՄ անդամ պետությունները ԱՄՆ Պետդեպարտամենտից պաշտոնական նամակ են ստացել, որի համաձայն Բայդենի վարչակազմի օրոք ստարոգրված մի շարք հուշագրեր ուժը կորցրած են ճանաչվել։ Այդ փաստաթղթերը ԱՄՆ նախորդ վարչակազմի նախաձեռնության մի մասն էին, որը համակարգում էր Պետդեպարտամենտի կազմում գործող Գլոբալ փոխգործակցության կենտրոնը (Global Engagement Center, GEC)։

Վերջին շրջանում այս կենտրոնն աչքի էր ընկել հետխորհրդային տարածքում ապատեղեկատվության դեմ պայքարին ուղղված նախաձեռնություններով։

2024-ի սեպտեմբերին գործակալությունը ռուսական RT հեռուստաընկերությանը մեղադրել էր Մոլդովայի նախագահական ընտրությունների վրա ներազդելու փորձերի համար։ Գլոբալ փոխգործակցության կենտրոնը փակվել էր 2024-ի դեկտեմբերին՝ ԱՄՆ նախագահական ընտրություններում Թրամփի տարած հաղթանակից մոտ մեկ ամիս անց։

«Վաշինգտոնում կայացած հանդիպման ընթացքում Ադրբեջանը «Զանգեզուրի միջանցքի» իրագործման միջազգային երաշխիքներ է ստացել»,- այսօր Ադրբեջանի խորհրդարանի արտահերթ նիստի ընթացքում հայտարարել է Միլի մեջլիսի փոխխոսնակ Ալի Ահմեդովը։

«Վաշինգտոնի բանակցություններն ու դրանց ընթացքում ձեռք բերված հաջողությունները ադրբեջանական դիվանագիտության ամենավառ ձեռքբերումներից են։ «Զանգեզուրի միջանցքը» նոր պատմության կարևորագույն ծրագրերից է լինելու»,- հայտարարել է ադրբեջանցի պատգամավորը։

Ահմեդովի խոսքով,- «Ինչպես Բաքու-Թբիլիսի-Ջեյհան խողովակաշարն է կրում համազգային առաջնորդ Հեյդար Ալիևի անունը, այնպես էլ «Զանգեզուրի միջանցքին» կշնորհվի նախագահ Իլհամ Ալիևինը»,- հայտարարել է Ադրբեջանի խորհրդարանի փոխնախագահը։

Զարմանալի չէ, որ վերջերս ստորագրված հայ-ադրբեջանական խաղաղության համաձայնագրի ամենաաղմկոտ հակառակորդները դարձել են Ռուսաստանը և Իրանը, գրում է The National Interest-ը։

Ինչպես նշվում է, օգոստոսի 8-ին, ի հեճուկս բոլոր կանխատեսումների, ԱՄՆ նախագահ Դոնալդ Թրամփը Սպիտակ տանը հսկում էր Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև խաղաղության համաձայնագրի ստորագրումը։ Սա տեղի ունեցավ այն բանից հետո, երբ ընդամենը մի քանի օր առաջ ֆրանսիական Le Monde թերթը «Խաղաղությունը Հայաստանի և Ադրբեջանի միջև անհասանելի է մնում» վերնագրով հոդված էր հրապարակել՝ պնդելով, որ հնարավոր համաձայնագիրը Հայաստանում «հուսահատության զգացում է սերմանում»։ 

Դրանով ԱՄՆ-ն իրեն դիրքավորում է որպես Հարավային Կովկասի առաջատար խաղաղարար՝ դուրս մղելով և՛ Ռուսաստանին, և՛ Իրանին, ինչը Մոսկվային ձեռնտու չէ: Փաստորեն, Ռուսաստանը մեղադրել է Արևմուտքին հայ-ադրբեջանական խաղաղության համաձայնագիրը «զավթելու» և «իր շահերին հարմարեցնելու» փորձի մեջ: Փաստաթղթի ստորագրման հետևանքներից մեկն այն է, որ Հայաստանում ոմանք այժմ պահանջում են Շիրակի մարզում գտնվող ռուսական ռազմաբազայի փակումը: Հայ-ռուսական գործող պաշտպանական համաձայնագրի համաձայն՝ բազան պետք է գործի մինչև 2044 թվականը: Սակայն այս համաձայնագիրը նախորդել է Լեռնային Ղարաբաղի շուրջ 2023 թվականի բախմանը, երբ Մոսկվան օգնություն չի ցուցաբերել Հայաստանին:

Շիրակի ռազմաբազան փակել ցանկացողները հիմա հարցնում են, թե ինչու է այն ընդհանրապես անհրաժեշտ։ Նրանք նաև պնդում են, որ եթե խաղաղությունը անխուսափելի է, ապա Հայաստանը այլևս Ռուսաստանի «պաշտպանության» կարիքը չունի։ ԱՄՆ-ի միջնորդությամբ կնքված հայ-ադրբեջանական խաղաղության համաձայնագրից խորապես դժգոհ մեկ այլ կողմ է Իրանը։ Հիմնական հարցերից մեկը վերաբերում է «Թրամփի ուղի՝ խաղաղության և բարգավաճման գործընկերության համար» (TRIPP) նախագծին, որը նախկինում հայտնի էր որպես Զանգեզուրի միջանցք։ Այն առևտրային և տրանսպորտային ուղի է, որը Հայաստանի միջոցով կապում է Ադրբեջանը Նախիջևանի անկլավի հետ։

TRIPP-ի մանրամասները դեռևս մշակման փուլում են, թեև Թրամփը պաշտոնապես լիազորել է Ռուբիոյին շարունակել այդ աշխատանքը։ Այնուամենայնիվ, օգոստոսի 8-ին կնքված համաձայնագիրը ԱՄՆ-ին բացառիկ իրավունքներ է տալիս TRIPP-ի զարգացման համար՝ հաջորդ 99 տարիների ընթացքում։ Իրանը մտահոգված է, որ դա վնաս կհասցնի Կովկասում իր շահերին։ Այն հեռանկարը, որ այսքան ատելի «Մեծ Սատանան» կշարունակի տնտեսական և ռազմական գործունեություն ծավալել Իրանի հյուսիսարևմտյան սահմանի մոտ, ակնհայտորեն Թեհրանում ոգևորություն չի առաջացնում։ Հայաստանի՝ Իրանի ուղեծրից դուրս գալը կարող է պատժամիջոցների համար արժեքավոր շրջանցիկ գոտու կորուստ նշանակել։

Վերջապես, գործարքն ամրապնդում է Թուրքիայի և Իսրայելի՝ Ադրբեջանի դաշնակիցների դիրքերը։ Պարբերականը նաև նշում է, որ հայկական սփյուռքի որոշ համայնքներ կտրուկ դատապարտել են համաձայնագիրը՝ այն անվանելով նոր «Մյունխեն»։ Փաստաթղթի դեմ են հանդես եկել նաև հայտնի ձախ մտավորականներ, ինչպիսիք են տնտեսագետ Ջեֆրի Սաքսը, որը Կոլումբիայի համալսարանի Երկրի ինստիտուտի կայուն զարգացման կենտրոնի տնօրենն է։

Իսրայելական բանակը սեպտեմբերի 9-ի առավոտյան հրաման է արձակել՝ կոչ անելով Գազա քաղաքի բոլոր բնակիչներին լքել այն և Ռաշիդի ափամերձ ճանապարհով շարժվել դեպի անկալվի հարավ։

«Արմենպրես»-ի փոխանցմամբ՝ այս մասին հայտնում է Quds Press-ը։ Տեղի բնակիչների խոսքով՝ քվադրոկոպտերային անօդաչու թռչող սարքերը նույնատիպ բովանդակությամբ թռուցիկներ են նետել, մասնավորապես՝ քաղաքի արևմտյան հատվածներում, որտեղ ապրում են հազարավոր տեղահանված մարդիկ։

Սա բանակի կողմից Գազայի հատվածում Իսրայելի մղած պատերազմի սկզբից ի վեր տրված առաջին նախազգուշացումն է, որով քաղաքի բոլոր բնակիչներին կոչ է արվում անհապաղ տարհանվել։ Նախկինում նման հրամանները սահմանափակվում էին որոշակի տարածքներով ու թաղամասերով։

Իսրայելի վարչապետ Բենիամին Նեթանյահուն իր հերթին հայտարարել է, որ իսրայելական ուժերն ամրապնդվում են Գազա քաղաքում և պատրաստվում են ցամաքային գործողության։«Դիմում եմ Գազայի բնակիչներին, ուշադիր լսեք՝ մենք ձեզ զգուշացրել ենք, ուստի հեռացեք քաղաքից հիմա», – Նեթանյահուի խոսքերն է մեջբերում Reuters գործակալությունը։

Նա հավելել է, որ մի քանի օր առաջ խոստացել է քանդել Գազայի «ահաբեկչական Շինությունները», և հենց դա էլ այժմ իրականացնում են։Իսրայելի պաշտպանության նախարար Իսրայել Կացն ավելի վաղ հայտարարել էր, որ բանակը կակտիվացնի իր արշավը՝ «հզոր փոթորկի» տեսքով, եթե ՀԱՄԱՍ-ը չազատի բոլոր պատանդներին և չզինաթափվի։

Նեպալի վարչապետ Շարմա Օլին հրաժարական է տվել անկարգությունների ֆոնին, հաղորդում է India Today-ը։ 

Հրաժարականից ընդամենը մի քանի ժամ առաջ Օլին կոչ արեց ցուցարարներին ցուցաբերել խաղաղություն և զսպվածություն՝ կոչ անելով նրանց լուծումներ փնտրել երկխոսության միջոցով։

Հիշեցնենք, որ Նեպալում հակակառավարական ցույցեր են: Ցուցարարները հրկիզել են նախագահի, վարչապետի նստավայրերը:

Նիկոլ Փաշինյանի որոշմամբ՝ Արտյոմ Սմբատյանը նշանակվել է միասնական սոցիալական ծառայության պետ:

«Ղեկավարվելով «Հանրային ծառայության մասին» օրենքի 9-րդ հոդվածի 7-րդ մասով՝ Արտյոմ Սմբատյանին նշանակել միասնական սոցիալական ծառայության պետ»,- ասված է որոշման մեջ: