Օդի աղտոտվածության բարձր մակարդակը կարող է բացասաբար ազդել հատկապես խոցելի խմբերի առողջության վրա՝ երեխաներ, տարեցներ, հղի կանայք, շնչառական և սրտանոթային խնդիրներ ունեցող անձինք։ Այս մասին հայտարարություն է տարածել Առողջապահության նախարարությունը։ 

«Ի՞նչ վտանգներ ունի օդի աղտոտվածությունը

Օդի աղտոտվածությունն առաջացնում է հետևյալ առողջական խնդիրները․

Շնչառական դժվարություններ (խորը շունչ քաշելիս անհարմարություն, հազ, շնչահեղձություն)

Սրտանոթային խնդիրների սրացում

Աչքերի գրգռվածություն և արցունքահոսություն

Գլխացավեր, հոգնածություն

Երեխաների մոտ՝ բրոնխիտ, ասթմայի սրացում, ուշադրության խանգարումներ

Ինչպես պաշտպանել Ձեզ և Ձեր ընտանիքին

Մնացե՛ք փակ տարածքում

Փակեք դռներն ու պատուհանները, երբ աղտոտվածության մակարդակը բարձր է։

Հատկապես քաղաքներում և խիտ երթևեկության վայրերում գտնվելու ժամանակ կրեք պաշտպանիչ դիմակ (N95 կամ համապատասխան ֆիլտրով)։

Զերծ մնացե՛ք ֆիզիկական ակտիվությունից դրսում

Խուսափեք մարզվելուց, երկար քայլելուց կամ երեխաներին խաղացնելուց բացօթյա՝ աղտոտվածության բարձր ժամերին։

Հետևե՛ք օդի որակի մասին տեղեկատվությանը

Օգտվե՛ք հատուկ հավելվածներից կամ պաշտոնական աղբյուրներից՝ օրվա ընթացքում օդի որակի մասին տեղեկանալու համար։

Հոգ տարե՛ք խոցելի խմբերի մասին

Տարեցները, երեխաները, հղիները և քրոնիկ հիվանդություններ ունեցողները պետք է լինեն առավել զգուշավոր»։

ՀՀ-ում ՌԴ դեսպանատունը Երևանի բնակիչներին շնորհավորել է Քաղաքի օրվա կապակցությամբ։

«Վառ պատմական ժառանգությունն ու դինամիկ արդիականությունը ներդաշնակորեն համադրող Հայաստանի մայրաքաղաքին մաղթում ենք հետագա զարգացում և բարգավաճում»,- ասվում է հայտարարությունում։

Իրանի Իսլամական հեղափոխության պահապանների կորպուսի (ԻՀՊԿ) ռազմածովային ուժերի հրամանատար, կոնտր-ադմիրալ Ալիռեզա Թանգսիրին հայտարարել է, որ Հորմուզի նեղուցը բացելու կամ փակելու որոշումը կայացնում է Իրանի բարձրագույն ղեկավարությունը, հաղորդում է Mehr-ը։ 

Կոնտր-ծովակալ Ալիռեզա Թանգսիրին ընդգծել է Հորմուզի նեղուցի ռազմավարական նշանակությունը՝ այն անվանելով «աշխարհի էներգետիկ զարկերակ» և ասել է, որ Իրանը միշտ ապահովել է դրա անվտանգությունն ու միշտ բաց է պահել այն։ 

«Այնուամենայնիվ,- հարցրել է նա,- տրամաբանակա՞ն է, որ աշխարհը շահում է այս նեղուցից, իսկ Իրանը՝ ոչ»։

ԻՀՊԿ ռազմածովային ուժերի գլխավոր հրամանատարը նախազգուշացրել է Պարսից ծոցում ատոմային նավերի կողմից ներկայացվող բնապահպանական ռիսկերի մասին՝ հիշեցնելով ճապոնական նավի և ամերիկյան սուզանավի միջև տեղի ունեցած նախկին միջադեպի մասին, որը հանգեցրել էր նավթի արտահոսքի և բնապահպանական վնասի։ 

Նա քննադատել է տարածաշրջանում օտարերկրյա զինված ուժերի ներկայությունը՝ հայտարարելով, որ դրանք թշնամանք են ստեղծում՝ իրենց հետագա ներկայությունն արդարացնելու համար։

«Իրանը վերջին 300 տարվա ընթացքում ոչ մի երկրի վրա չի հարձակվել», - ասել է նա՝ հավելելով, որ «երկիրը թշնամություն չի փնտրում, սակայն մենք ամուր կպաշտպանենք մեր ազգային շահերը»։

Թանգսիրին կրկնել է, որ Հորմուզի նեղուցը փակելու կամ բաց պահելու վերջնական որոշումը մնում է Իրանի բարձրագույն պաշտոնյաների ձեռքում և կախված է իրանական նավթի արտահանման վրա արտաքին ճնշման մակարդակից։ Խոսելով Իրանի պաշտպանական նվաճումների մասին՝ Թանգսիրին ասել է, որ երկիրը հասել է լիարժեք ռազմական ինքնաբավության։ 

Ֆրանսիայում այժմ ժողովրդավարության ճգնաժամ է։ Այս մասին իր Telegram-ալիքում նշել է Ռուսաստանի ԱԳՆ պաշտոնական ներկայացուցիչ Մարիա Զախարովան, երբ հայտնի է դարձել՝ վարչապետի պաշտոնում է Սեբաստիան Լըկորնյուի վերանշանակման մասին:

«Ֆրանսիայում քաղաքական բռնաճնշումների ֆոնին հուսահատության այս գործողությունն ազդարարում է ժողովրդավարության տոտալ ճգնաժամի մասին», - գրել Է դիվանագետը: 

Նա ընդգծել է՝ հասարակ ֆրանսիացիների կարծիքը երկրում այժմ ոչ ոք հաշվի չի առնում։ 

Երևանի կենտրոնում, ժամը 11։00-ի դրությամբ, պայմանավորված, աշխարհագրական դիրքով, նկատվում է օդի աղտոտվածության առավել բարձր մակարդակ։ Ըստ տվիչներից ստացված տվյալների արժեքը կազմում է 105 և գտնվում է անառողջ զգայուն խմբերի համար միջակայքում։ Այս մասին իր ֆեյսբուքյան էջում գրել է Երեւանի քաղաքապետ Տիգրան Ավինյանը։

«Մայրաքաղաքի այլ հատվածներում օդի որակը համեմատաբար ավելի բարվոք է: Թեև ընդհանուր բնակչության առողջության վրա այս ցուցանիշը կարճատև ժամանակահատվածում բացասական ազդեցություն չի առաջացնում, շնչառական խնդիրներով անձանց շրջանում այն կարող է բացասական ազդեցություն ունենալ։ Ուստի շնչառական խնդիրներ ունեցող անձանց խորհուրդ է տրվում սահմանափակել դրսում գտնվելու ժամանակը։ Խորհուրդ չի տրվում դրսում զբաղվել սպորտով»,– գրել է նա։

Հյուսիսային Կորեայի առաջնորդ Կիմ Չեն Ընը օտարերկրյա առաջնորդների մասնակցությամբ անցկացված զանգվածային ռազմական շքերթի ժամանակ ցուցադրել է իր զինված ուժերի ամենահզոր միջուկային զենքերը, այդ թվում՝ նոր միջմայրցամաքային բալիստիկ հրթիռը, որը նա, հնարավոր է, որ պատրաստվում է փորձարկել առաջիկա շաբաթներին, հաղորդում է Կորեայի կենտրոնական հեռագրային գործակալությունը (ԿԿՀԳ)։ 

Ըստ ԿԿՀԳ-ի տեղեկությունների, զորահանդեսի ժամանակ ցուցադրվել է նոր, դեռևս չփորձարկված «Հվասոն-20» միջմայրցամաքային բալիստիկ հրթիռը, որը հյուսիսկորեական լրատվամիջոցն անվանել է «ռազմավարական միջուկային զենքի ամենահզոր համակարգը»։ 

Ցուցադրվել են նաև կարճ հեռահարության բալիստիկ, թևավոր և գերձայնային հրթիռներ, որոնք ըստ Հյուսիսային Կորեայի կարող են հարվածներ հասցնել մրցակից Հարավային Կորեայի միջուկային թիրախներին։ Շքերթի ժամանակ իր ելույթում Կիմ Չեն Ընը հայտարարել է, որ իր զինված ուժերը «պետք է շարունակեն զարգանալ որպես անպարտելի ուժ, որը կվերացնի բոլոր սպառնալիքները»։

Մեկ այլ աղբյուրի համաձայն՝ Իսրայելի ռազմաօդային ուժերի հարվածների հետևանքով ոչնչացվել է տեղի բնակչին պատկանող բանջարեղենային ֆուրգոնը: Տղամարդը մահացել է, իսկ նրա եղբայրը ծանր վնասվածքներ է ստացել։

Իր հերթին Լիբանանի նախագահ Ջոզեֆ Աունը հայտարարել է. «Գազայում զինադադարի կնքումից հետո իսրայելական ագրեսիան լուրջ մարտահրավեր է Լիբանանի և միջազգային հանրության համար»:

Լիբանանի իշխանությունները միջազգային հանրությանը կոչ են արել միջոցներ ձեռնարկել՝ շարունակվող խախտումները դադարեցնելու և քաղաքացիական բնակչությանը պաշտպանելու համար:

ԱՄՆ բանակի պաշտոնաթող փոխգնդապետ Դենիել Դևիսը հայտարարել է՝ Արևմուտքը պատրաստ չէ Ռուսաստանի հետ ուղղակի զինված բախման: 

Նա հայտարարել է՝ Արևմուտքը չի դիմանա Ռուսաստանի հետ դիմակայությանը, և այդ մասին նախազգուշացրել Է ամերիկյան իշխանություններին:

«Մենք չենք դիմանա Ռուսաստանի հետ ուղղակի զինված հակամարտությանը։ Մենք պարզապես պատերազմելու հնարավորություն չունենք։ Դուք կարող եք պայթեցնել մի շարք բաներ Ռուսաստանում, բայց արդյունքում արագ կսպառեք հրթիռները», - ընդգծել է նախկին զինվորականը։ 

Հյուսիսային Կորեայի դիրքորոշումը ուկրաինական հարցի վերաբերյալ մնում է հստակ և հետևողական։ Երկիրը միշտ կաջակցի Ռուսաստանի ջանքերին՝ լուծելու այս ճգնաժամի արմատական ​​պատճառները և պաշտպանելու իր ինքնիշխանությունը։ Այս մասին հայտարարել է Հյուսիսային Կորեայի առաջնորդ Կիմ Չեն Ընը Անվտանգության խորհրդի փոխնախագահ Դմիտրի Մեդվեդևի հետ հանդիպման ժամանակ, հաղորդում է ՌԻԱ Նովոստին։

Քաղաքական գործիչը ընդգծել է, որ Հյուսիսային Կորեան, համաձայն Փհենյանի և Մոսկվայի միջև կնքված համաձայնագրի ոգու, միշտ վճռականորեն կաջակցի Ռուսաստանի կառավարության և ժողովրդի դիրքորոշմանը։

Կիմ Չեն Ընը հավելել է, որ Հյուսիսային Կորեան բարձր է գնահատում Ռուսաստանի համապարփակ աջակցությունը արդար ընտրություններին, ինչպես նաև Հյուսիսային Կորեայի կառավարության ջանքերը՝ պաշտպանելու իր անվտանգությունը։