ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Կառավարությունը հաստատել է ՀՀ 2025-2026 ուսումնական տարվա ասպիրանտուրա ընդունելության տեղերը: Հաշվի առնելով նախորդ տարիների ընդունելության արդյունքները, ինչպես նաև ներկայացված հայտերը՝ 2025-2026 ուսումնական տարվա ասպիրանտուրայի ընդունելության համար նախատեսվում է պետության կողմից ուսման վարձի լրիվ փոխհատուցմամբ 180 տեղ, որից 144-ը առկա և 36-ը հեռակա:
Նշված 180 տեղերից 109-ը հատկացվել է բնագիտական, տեխնոլոգիական, ճարտարագիտական, մաթեմատիկական (ԲՏՃՄ) ուղղություններին՝ 96 առկա և 13 հեռակա: Նախագծում 1-ով ավելացել է հեռակա ուսուցմամբ ասպիրանտուրայի ընդունելության տեղերի թիվը, սակայն այն լրացուցիչ ֆինանսական միջոցների ներգրավվման անհրաժեշտություն չի առաջացնի, քանի որ հեռակա ուսուցմամբ սովորող ասպիրանտները կրթաթոշակ չեն ստանում, բացի այդ՝ առկա ուսուցման համար հատկացված տեղերի թիվը պակասել է 56-ով:
Արդյունքում՝ կապահովվի անձի հետբուհական մասնագիտական կրթություն ստանալու իրավունքը՝ նպաստելով պետության համար առաջնահերթություն և կարևորություն ներկայացնող ոլորտներում հիմնարար ու կիրառական գիտական հետազոտություններ իրականացնելու նպատակով երիտասարդ մասնագետների ներգրավմանը, ինչպես նաև գիտության ոլորտում սերնդափոխությանը և գիտական ներուժի զարգացմանը:
Առաջարկվող կարգավորման նպատակը ՀՀ կառավարության ծրագրով պետության համար առաջնային և կարևորություն ունեցող ոլորտները (ֆիզիկամաթեմատիկական, քիմիական, կենսաբանական տեխնիկական, գյուղատնտեսական, բժշկական գիտություններ), ինչպես նաև բուհերի և գիտական կազմակերպությունների ամբիոնները համապատասխան մասնագետներով ապահովելն է:
Իսրայելի իշխանություններն ընդունել են ԱՄՆ նախագահի հատուկ բանագնաց Սթիվ Ուիթքոֆի պատանդների ազատ արձակման և հրադադարի մասին նոր ծրագիրը։
Այս մասին հայտարարել է Իսրայելի վարչապետ Բենիամին Նեթանյահուն։
«Մենք համաձայն ենք ընդունել Ուիթքոֆի վերջին ծրագիրը, որը մեզ է փոխանցվել այսօր երեկոյան: «ՀԱՄԱՍ-ը դեռ չի արձագանքել», - ասել է Նեթանյահուն պատանդների ընտանիքների հետ հանդիպման ժամանակ:
Ինչպես հայտնում է The Times of Israel-ը, Իսրայելի և պաղեստինյան ՀԱՄԱՍ շարժման միջև Գազայի հատվածում իրավիճակի կարգավորման ԱՄՆ նոր ծրագիրը նախատեսում է Գազայից 10 պատանդների ազատ արձակում, ինչպես նաև 18 դիերի վերադարձ հայրենիք՝ 60-օրյա հրադադարի դիմաց։
Այս ծրագիրը ենթադրում է նաև ՄԱԿ-ի կողմից անկլավի բնակիչներին մարդասիրական օգնության վերսկսում։ Ըստ պարբերականի՝ փաստաթուղթը չի պարունակում Իսրայելի կողմից «պատերազմը դադարեցնելու» խոստումներ։
Այսօր՝ մայիսի 29-ին, SHAMSHYAN.com-ը ֆոտոռեպորտաժ, տեսանյութ էր հրապարակել Երևանում տեղի ունեցած ողբերգական դեպքից, երբ «Մուրացան» մանկական հիավանդանոցում 1,7-ամյա տղա երեխան մահացել էր:
Հրապարակումից հետո SHAMSHYAN.com-ը ահազանգեր ստացավ, որով քաղաքացիները, ովքեր չցանկացան ներկայանալ, ասում էին, որ նշված հիվանդանոցում բռնության է ենթարկվել բժշկուհին, որին մահացած երեխայի հարազատները մեղադրում են մահվան մեջ, հայտնելով նաև, որ երեխայի ընտանիքի անդամները մի քանի հոգով հարձակվել են բժշկուհու վրա, ծեծի ենթարկել, անգամ մազերից քաշել ու գցել հատակին: Բժշկուհին իր նկատմամբ ոտնձգություն կատարելու փաստով արդեն դիմել է ոստիկանության Էրեբունու բաժին:
Ավելին՝ սկզբնաղբյուրում։
Միջազգային «ATI.SU բեռնափոխադրումների բորսայի» հայաստանյան ներկայացուցչության տնօրեն Սերգեյ Մկրտչյանը կարծում է, որ Աշխաբադի համաձայնագիրը, որը Կենտրոնական Ասիան կապում է Պարսից ծոցի և Արաբական ծովի նավահանգիստների հետ, հնարավորություններ է բացում Հայաստանը Հարավային Կովկասի լոգիստիկ հանգույց դարձնելու համար:
Հայաստանը միացել է Կենտրոնական Ասիան ու Միջին և Մերձավոր Արևելքի երկրները միացնող միջազգային տրանսպորտային և տարանցիկ միջանցքի ստեղծման մասին Աշխաբադի համաձայնագրին՝ 2025 թվականի մայիսին վավերացնելով այն։
Պատուհան դեպի աշխարհ. ինչպես Հայաստանը կարող է «տեղավորվել» գլոբալ լոգիստիկայի մեջ
Պայմանավորված աշխարհագրական և քաղաքական գործոններով՝ Հայաստանը խիստ սահմանափակված է միջազգային լոգիստիկայի զարգացման գործում։ Բաց է միայն երկու ուղղություն` դեպի հյուսիս՝ Վրաստանով դեպի Ռուսաստան, և դեպի հարավ՝ Իրան և ավելի հեռու։
Հյուսիսային ուղղությունը բավական մշակված է. մեր խոշորագույն առևտրային գործընկերը մնում է Ռուսաստանը, երկրների միջև ապրանքաշրջանառությունը 2024 թվականին կազմել է 13,3 միլիարդ դոլար՝ 72%-ով շատ, քան 2023 թվականին։
Այդուհանդերձ, Մկրտչյանի խոսքով, ավտոմոբիլային հաղորդակցության հետ կապված դժվարություններ կան. ռուս-վրացական սահմանի մայրուղու և անցակետի թողունակությունը սահմանափակ է: Բայց Հայաստանը չի կարող ազդել իրավիճակի բարելավման վրա. ամեն ինչ կախված է վրաց-ռուսական միջանցքի վերակառուցման նախագծի իրականացումից։
Միաժամանակ ոչ պակաս խոստումնալից կարող է լինել հարավային ուղղությունը։ Ծավալներով Հայաստանի երկրորդ արտաքին առևտրային գործընկերը ԱՄԷ-ն է՝ 6 մլրդ դոլար ապրանքաշրջանառությամբ։
Իրանի հետ սահմանը կարող է դառնալ ծով տանող դարպաս և համապատասխանաբար համաշխարհային շուկաներ։ Եվ հենց հարավային ուղղությունն է գրավում պետության և բիզնեսի ուշադրությունը։
Մկրտչյանի խոսքով` Հայաստանի տնտեսության աճին օժանդակելու համար հատկապես կարևոր է լոգիստիկ ներուժի զարգացումը։
Միջազգային մակարդակի հասնելը լոգիստիկայի լուրջ վերափոխում կպահանջի: Խոսքը միայն անհրաժեշտ ենթակառուցվածքի մասին չէ. կարևոր է, թե որքան արագ և որակով է հնարավոր կազմակերպել բեռների առաքումը «Ա»-ից «Բ» կետ ինչպես երկրի ներսում, այնպես էլ այլ պետություններ: Այդ իսկ պատճառով, ըստ Մկրտչյանի, մեծանում է տեխնոլոգիաների դերը ինչպես բեռնափոխադրումների նկատմամբ պետական վերահսկողության ոլորտում, այնպես էլ յուրաքանչյուր առանձին վերցված ընկերության գործունեության մեջ։
«Թվային լոգիստիկան թափանցիկություն է ապահովում մատակարարման շղթայի բոլոր փուլերում և մեծացնում է դրա մասնակիցների միջև վստահությունը: Հայաստանի համար նույնպես կարևոր է շարժվել այդ ուղղությամբ՝ սկսելով բազային տեխնոլոգիաներից՝ էլեկտրոնային փաստաթղթաշրջանառություն, սովորական գործընթացների ավտոմատացում, տրանսպորտի մոնիտորինգ», - նշում է փորձագետը։
«Mordor Intelligence» մարկետինգային ընկերության տվյալներով՝ թվային լոգիստիկայի համաշխարհային շուկայի ծավալը 2024 թվականին մոտեցել է 30 մլրդ դոլարի և կաճի տարեկան 16%-ով՝ 2029 թվականին հասնելով 63,55 մլրդ դոլարի։
Ավելի վաղ մենք գրել էինք, որ Աշխաբադի համաձայնագրին միանալը թույլ կտա ազգային տրանսպորտային ընկերություններին ավելի շահավետ պայմաններով օգտվել Պարսից և Օմանի ծոցերի նավահանգիստների ենթակառուցվածքներից, ինչպես նաև Միջին Ասիայի երկրների լոգիստիկ հանգույցներից:
Պաղեստինյան ՀԱՄԱՍ շարժումը հայտարարել է, որ միջնորդների միջոցով Գազայի հատվածում հրադադարի նոր առաջարկ է ստացել ԱՄՆ նախագահի Մերձավոր Արևելքի հարցերով հատուկ բանագնաց Սթիվ Ուիտկոֆից: Այս մասին հայտնում է ՌԻԱ Նովոստին։
«ՀԱՄԱՍ շարժման ղեկավարությունը միջնորդների կողմից նոր առաջարկ է ստացել Ուիտկոֆից և պատասխանատու կերպով ուսումնասիրում է այդ առաջարկը»,-ասվում է շարժման հայտարարության մեջ:
Ավելի վաղ ԶԼՄ-ները հայտնել էին, որ Իսրայելը քննարկում է ամերիկացի հատուկ բանագնաց Սթիվ Ուիտկոֆի` Գազայի հատվածի կարգավորման նոր ծրագիրը, որը 60-օրյա հրադադար է նախատեսում:
Նոր սխեման նախատեսում է 10 պատանդի ազատ արձակում և 18 զոհվածի աճյունների վերադարձ երկու փուլով՝ գործարքի իրականացման առաջին շաբաթվա ընթացքում: Փոխարենը Իսրայելը բանտերից ազատ է արձակում շուրջ 1.5 հազար պաղեստինցի բանտարկյալի, այդ թվում՝ ահաբեկչության համար ցմահ դատապարտվածներին: 60-օրյա ժամանակավոր հրադադարի ընթացքում Իսրայելը և պաղեստինյան ՀԱՄԱՍ շարժումը միջնորդների միջոցով բանակցում են պատերազմի վերջնական դադարեցման պայմանների շուրջ:
Այդ բանակցությունների ձախողման դեպքում Իսրայելը կարող է վերսկսել ռազմական գործողությունները պաղեստինյան անկլավում:
Հնարավոր գործարքով նախատեսվում է նաև վերադառնալ Գազայի հատվածում մարդասիրական օգնության բաշխման նախկին սխեմային՝ ՄԱԿ-ի և միջազգային կազմակերպությունների մասնակցությամբ:
Մայիսի 18-ին Իսրայելի պաշտպանության բանակը Գազայի հատվածում լայնածավալ ցամաքային գործողություններ է սկսել «Գեդեոնի մարտակառքեր» գործողության շրջանակում, որն ուղղված է ՀԱՄԱՍ-ի վերջնական ջախջախմանը: Գործողությունը ենթադրում է նոր տարածքների գրավում և պահպանում։
Հանրային ծառայությունները կարգավորող հանձնաժողովը որոշում է կայացրել երկարաձգել «Հայաստանի էլեկտրական ցանցեր» ընկերության լիցենզիան մինչև 2029 թվականի փետրվարի 1-ը։
Որոշման մեջ նշվում է, որ Հայաստանը փուլ առ փուլ անցում է կատարում ազատ էլեկտրաէներգետիկ շուկայի մոդելի։ Այդ մոդելի համաձայն՝ էլեկտրացանցը մնում է միասնական և կառավարվում է մեկ օպերատորի կողմից, իսկ մատակարարները կարող են լինել մի քանիսը՝ վճարելով ցանցից օգտվելու համար։
Տնտեսվարողները պարտավոր կլինեն գնել էլեկտրաէներգիան շուկայական գներով, իսկ բնակչության համար, ցանկության դեպքում, կպահպանվեն ֆիքսված սակագներ՝ ապահովված երաշխավորված մատակարարի կողմից։
Ներկայում այդ դերը կատարում է «Հայաստանի էլեկտրական ցանցերը», սակայն մինչև 2029 թվականի փետրվարի 1-ը պետք է ընդունվի «Էլեկտրաէներգետիկայի մասին» նոր օրենքի տարբերակը, որը կսահմանի՝ երաշխավորված մատակարարը ընտրվելու է մրցութային հիմունքներով։ Ընկերությունը նույնպես կարող է մասնակցել այդ մրցույթին։
Հիշեցնենք, որ «Հայաստանի էլեկտրական ցանցերը» պատկանում են ռուսաստանաբնակ գործարար Սամվել Կարապետյանին պատկանող «Տաշիր» խմբին։
ԱՄՆ նախագահ Դոնալդ Թրամփը չորեքշաբթի ասել է, որ այն մարդը, ում նա ընտրել է Սիրիայում ԱՄՆ նոր ներկայացուցիչ լինելու համար, հասկանում է երկրի հետ աշխատելու «մեծ ներուժը»:
«Ուրախ եմ տեղեկացնել, որ Թուրքիայում ԱՄՆ-ի մեր դեսպան Թոմ Բարաքը կծառայի որպես մեր բանագնացը Սիրիայում»,-ասել է Թրամփը սոցցանցերում գրառման մեջ։
«Թոմը հասկանում է, որ Սիրիայի հետ աշխատելու մեծ ներուժ կա՝ արմատականությունը դադարեցնելու, հարաբերությունները բարելավելու և Մերձավոր Արևելքում խաղաղություն ապահովելու համար: Միասին մենք կդարձնենք Ամերիկան և աշխարհը կրկին ԱՊԱՀՈՎ»:
Անցյալ ուրբաթ ԱՄՆ-ը չեղարկեց Սիրիայի նկատմամբ «դաժան» պատժամիջոցները, որոնք սահմանվել էին Ասադի ընտանիքի տասնամյակների կառավարման ընթացքում:
Թրամփը հայտարարել է, որ իր պաշտոնյաները քայլեր կձեռնարկեն Թուրքիայի նախագահ Ռեջեփ Թայիփ Էրդողանի և Սաուդյան Արաբիայի գահաժառանգ արքայազն Մուհամմեդ բեն Սալմանի խնդրանքով։
Երեւանում քիչ առաջ հորդառատ անձրեւ է տեղացել, ինչի հետեւանքով խցանումներ են առաջացել մայրաքաղաքում, մասնավորապես Կենտրոն վարչական շրջանում։
Ինչպես ցանկացած տեղումների ժամանակ, այսօր նույնպես տաքսի ծառայությունները կրկնակի, որոշ տեղերում եռակի թանկացրել են արժեքները։
«Մուրացան» հիվանդանոցային համալիրում այսօր մահացած փոքրիկի հարազատները բռնություն են կիրառել բժշկուհու նկատմամբ։ Տեղեկությունը հաստատել են Երեւանի Մխիթար Հերացու անվան պետական բժշկական համալսարանի հասարակայնության հետ կապերի բաժնից։
Հիշեցնենք, որ «Մուրացանում» մահացած 1.5 տարեկան փոքրիկի հարազատները կատարվածում հիվանդանոցի բուժանձնակազմին են մեղադրում։ Իր հերթին հիվանդանոցից հայտնել են հետեւյալը. «Մայիսի 28–ին «Մուրացան» հիվանդանոցային համալիրի Անհետաձգելի բուժօգնության ծառայություն է դիմել պացիենտ ծնված 27.11.2023թ.,՝ հիպովոլեմիկ շոկ ախտորոշմամբ՝ ծայրահեղ ծանր վիճակում:
Ընդունվելիս ունեցել է փսխումներ, թուլություն, միկրոցիրկուլացիայի խանգարման նշաններ: Կատարվել են լաբորատոր հետազոտություններ, որոնց տվյալները ևս եղել են ծայրահեղ մտահոգիչ։
Նշենք, որ հիվանդանոց դիմելուց շուրջ 45 րոպե հետո գրանցվել է սրտի կանգ, համապատասխան միջոցառումներ են արվել և վերականգնվել է սրտի աշխատանքը։
Հաշվի առնելով երեխայի ծայրահեղ ծանր վիճակը տեղափոխվել է բուժհաստատության Թունաբանության և մանկական վերակենդանացման կլինիկա։
Նշենք, որ 28.05.2025 թվականին, երբ դիմել է բժշկական հաստատություն, ըստ մոր պատմածի՝ երեխան 20 օր առաջ ունեցել է բարձր ջերմություն, 5 օր բուժվել է ամբուլատոր պայմաններում, որից հետո՝ դեպքից 2 օր առաջ, երեխան ունեցել է փսխումներ, եղել է անհանգիստ, ունեցել է ընդհանուր թուլություն և մայրը, երթուղային տաքսիով, տեղափոխել է «Մուրացան» հիվանդանոցային համալիր:
Պացիենտը 2025 թվականին մայիսի 6-ին՝ Վեդու բժշկական կենտրոնից ուղեգրմամբ եկել է «Մուրացան» հիվանդանոց՝ ռենտգեն հետազոտության և մանկաբույժի խորհրդատվության, հետազոտությունը արվել է և ախտորոշվել է սուր բրոնխիտ, օպստրուկտիվ համախտանիշ և նշանակվել է համապատասխան բուժում։
«Մուրացան» հիվանդանոցային համալիրում երեխայի վիճակը գնահատվել է ծայրահեղ ծանր, որտեղ, հաշվի առնելով երեխայի ծայրահեղ ծանր վիճակը կատարվել են համապատասխան վերակենդանացման միջոցառումներ, երեխան ստացել է միայն անհրաժեշտ և ցուցված դեղորայքային միջամտություն և միացվել ապարատին:
Ընթացքում երեխայի մոտ գրանցվել է սրտի կանգ, սակայն վերականգնվել է մերսման ընթացքում: Այնուհետև ժամը 23:10-ի սահմաններում երեխայի մոտ նորից դիտվել է սրտի կանգ, կատարվել են վերակենդանացման միջոցառումներ, սակայն, ցավոք, անարդյունք և ժամը 23:50-ին գրանցվել է երեխայի կենսաբանական մահը»։
Քրեական ոստիկանության Տավուշի մարզային վարչության ծառայողները օպերատիվ տեղեկություն էին ստացել, որ Իջևան քաղաքի բնակիչ 43-ամյա տղամարդը առանձնատանն ունի հատուկ պայմաններում պատրաստված լաբորատորիա, որտեղ աճեցնում է կանեփ, ինչպես նաև պահում է մարիխուանա տեսակի թմրանյութ։ Այս մասին տեղեկացնում է Ոստիկանությունը:
Տավուշի մարզային քննչական վարչությունում նախաձեռնվել է քրեական վարույթ, որի շրջանակում կատարված զննությամբ իջևանցի տղամարդու տանը հայտնաբերվել է արհեստական լուսային և հովացման համակարգերով պատրաստված լաբորատորիա, որտեղ պլաստմասե տարաների մեջ աճեցրել էր կանեփի բույսեր: Հայտնաբերվել է նաև մարիխուանա տեսակի թմրանյութ։
Նախաքննությամբ հանգամանքները պարզվում են:
Ֆոտո
