ԱՄՆ պետքարտուղար Մարկո Ռուբիոն կիրակի օրը Ժնևում Ուկրաինայի վերաբերյալ բանակցությունները անվանել է հակամարտության կարգավորման գործընթացի մինչ օրս լավագույն օրը։

«Ես կասեի, որ սա, հավանաբար, լավագույն հանդիպումն ու օրն է, որ մենք ունեցել ենք այս ամբողջ գործընթացում՝ հունվարից ի վեր, երբ մենք (Թրամփի վարչակազմը) առաջին անգամ ստանձնեցինք պաշտոնը», – լրագրողներին ասել է նա։

Ռուբիոն հավելել է, որ բանակցողները դեռ անելիք ունեն, և ԱՄՆ-ի և Ուկրաինայի թիմերը ներկայումս աշխատում են դրա վրա։

ԱՄՆ վարչակազմը ավոլի վաղ հայտարարել էր ուկրաինական կարգավորման ծրագրի մշակման մասին՝ նշելով, որ առայժմ չի քննարկի դրա մանրամասները, քանի որ աշխատանքը դեռ շարունակվում է։ Կրեմլը հայտարարել է, որ Ռուսաստանը բաց է մնում բանակցությունների համար և հավատարիմ է մնում Անքորիջում քննարկումներին։