ԱՄՆ-ի հետ բանակցությունները ստեղծված իրավիճակում ոչ մի օգուտ չեն բերում Իրանին և չեն կարող կանխել երկրին հասցվող վնասը։

Ինչպես փոխանցում է ՏԱՍՍ-ը, այս մասին հեռուստատեսային ուղերձում հայտարարել է Իրանի Գերագույն առաջնորդ Ալի Խամենեին։

«Ներկայիս իրավիճակում ԱՄՆ կառավարության հետ բանակցությունները, առաջին հերթին, չեն ծառայում մեր ազգային շահերին, ոչ մի օգուտ չեն բերում մեզ և չեն կանխի որևէ վնաս», - ասել է նա Իրանի ժողովրդին ուղղված հեռուստատեսային ուղերձի ժամանակ։ 

Նա նաև նշել է, որ Իսլամական Հանրապետությունը միջուկային զենքի կարիք չունի և չի պատրաստվում արտադրել այն։