Լեհաստանը պատրաստ կլինի նոյեմբերին Բելառուսի հետ ևս երկու սահմանային անցակետ վերաբացել, երեքշաբթի հայտարարել է վարչապետ Դոնալդ Տուսկը, հաղորդում է Reuters-ը։

Լեհաստանը սեպտեմբերի 12-ին փակել է Բելառուսի հետ սահմանը՝ Բելառուսում Ռուսաստանի գլխավորությամբ անցկացված զորավարժություններից և սեպտեմբերի 9-ի լույս 10-ի գիշերը նրա օդային տարածք մտած 21 անօդաչու թռչող սարքերից հետո։ Լեհաստանի կառավարությունը որոշել է սեպտեմբերի 23-ին մի քանի երկաթուղային և մեկ ավտոմոբիլային անցակետ վերաբացել։

«Մենք պատրաստ կլինենք այս տարի՝  նոյեմբերին, բացել երկու սահմանային անցակետ՝ Բոբրոունիկիում և Կուժնիցայում,- ասել է Տուսկը Լեհաստանի արևելքում գտնվող Բիալիստոկ քաղաքում անցկացված գործարար միջոցառման ժամանակ։ -Հենց որ կարգավորեմ այս խնդիրը լիտվացիների հետ, մենք պետք է նոյեմբերին բացենք այս երկու անցակետերը, ասենք՝ փորձնական կարգով։ Եթե պարզվի, որ սահմանը կրկին պետք է փակվի, ես վայրկյան անգամ չեմ տատանվի»։ 

Հարևան Լիտվան անցյալ շաբաթ չորս անգամ փակել է Վիլնյուսի օդանավակայանը, երբ տաք օդային փուչիկներ են ներխուժել իր օդային տարածք, և ամեն անգամ ժամանակավորապես փակել Բելառուսի հետ սահմանային անցակետերը՝ ի պատասխան միջադեպերի։

Բելառուսի նախագահ Ալեքսանդր Լուկաշենկոն երեքշաբթի հայտարարել է, որ լիտվական կողմից սահմանի փակումը «խելահեղ արկածախնդրություն» է և Արևմուտքին մեղադրել է Բելառուսի և Ռուսաստանի դեմ հիբրիդային պատերազմ վարելու մեջ։

Հոկտեմբերի 28-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։

Կուսակցությունից հայտնում են, որ հաստատվել է 2026թ.-ի ընտրություններում Կուսակցության նախընտրական շտաբի կազմը։ 

Որոշվել են Կուսակցության համամասնական ցուցակում ընդգրկվելու համար հայտերի ներկայացման կարգը և ժամկետները։

Քննարկվել են կուսակցական բնույթի հարցեր։

Գերմանիայի վարչապետ Ֆրիդրիխ Մերցը հոկտեմբերի 29-ին կմեկնի Թուրքիա, որտեղ կհանդիպի Թուրքիայի նախագահ Ռեջեփ Թայիփ Էրդողանի հետ:

Հոկտեմբերի 30-ին Թուրքիայի նախագահականում կայանալիք հանդիպման ընթացքում քննարկվելու է երկու երկրների միջև առկա հարաբերություններին, Թուրքիայի՝ Եվրամիության (ԵՄ) անդակացության գործընթացին և համաշխարհային զարգացումներին վերաբերող հարցեր:

Այս մասին հայտարարել է Թուրքիայի նախագահականի հանրային կապերի վարչության ղեկավար Բուրանեթթին Դուրանը:

Նշենք, որ Մերցը Թուրքիա է գնում անձամբ Էրդողանի հրավերով:

Իսրայելը մի քանի ավիահարված է հասցրել Գազային, հայտնում է Al Jazeera-ն։

Իսրայելի վարչապետի գրասենյակը հայտնել է, որ Նեթանյահուն հրամայել է բանակին անհապաղ հզոր հարվածներ հասցնել Գազայի հատվածին։

ՆԳՆ Ոստիկանությունը և Փրկարար ծառայությունը շարունակում են Գեղարքունիքի մարզի Ծափաթաղ գյուղի բնակիչ 3-ամյա Տիգրան Օվանեսովի որոնողական աշխատանքները։
Շրջանառվում են չճշտված տեղեկություններ, որոնք կարող են վնասել որոնողական գործընթացին և երեխայի ընտանիքի հոգեբանական վիճակին։ Այս մասին հայտարարություն է տարածել ՆԳՆ ոստիկանությունը։ 

«Կոչ ենք անում հարգել ընտանիքի հույզերը և խուսափել չճշտված տեղեկություններ տարածելուց։ Հետևե՛ք միայն պաշտոնական տեղեկատվությանը, անհրաժեշտության դեպքում կտրվի լրացուցիչ իրազեկում»,-ասված է հայտարարության մեջ։

Հռոմի Պապ Լևոն XIV-ը նոյեմբերի 30-ին՝ Սուրբ Անդրեաս առաքյալի տոնին, Թուրքիա կատարելիք իր առաքելական ճանապարհորդության ընթացքում Ստամբուլում կայցելի Պոլսո Հայոց պատրիարքության ենթակայության տակ գտնվող հայկական եկեղեցի։

«Արմենպրես»-ի հաղորդմամբ՝ այս մասին տեղեկացնում է Սուրբ Աթոռի մամուլի ծառայությունը։ Աղոթքը Պապի ծրագրում ներառված է որպես քրիստոնեական համերաշխության և էկումենիկ երկխոսության խորհրդանշական քայլ։

Հռոմի Պապի այցելությունը տեղի կունենա Նիկիայի առաջին տիեզերական ժողովի 1700-ամյակի շրջանակում, որի հոբելյանը համարվում է քրիստոնեական համընդհանուր եկեղեցու պատմության առանցքային տարեթվերից մեկը։

Ռուսաստանը պատրաստ է անվտանգության երաշխիքներ տալ, որ չի հարձակվի ՆԱՏՕ-ի և ԵՄ երկրների վրա։ Այս մասին հայտարարել է Սերգեյ Լավրավը։

«Մենք բազմիցս հայտարարել ենք, որ  ՆԱՏՕ-ի կամ ԵՄ-ի որևէ անդամ պետության վրա հարձակվելու որևէ մտադրություն չունենք և երբեք չենք ունեցել։ Մենք պատրաստ ենք ամրագրել այս դիրքորոշումը Եվրասիայի այս հատվածի ապագա անվտանգության երաշխիքներում, սակայն ԵՄ առաջնորդները խուսափում են այդ ապագա երաշխիքները իսկապես կոլեկտիվ հիմունքներով քննարկելուց»,- ասել է նա։

Միևնույն ժամանակ, Մոսկվան կարծում է, որ Արևմուտքը պատրաստվում է նոր մեծ եվրոպական պատերազմի, իսկ ՆԱՏՕ-ի ընդլայնումը ոչ մի րոպե չի դադարում:

Դժվար է, բայց ես ու երեխաներն աջակցում ենք Դավիթի որոշմանը.

Դավիթ Համբարձումյանի կին

Դավիթ Համբարձումյանին կալանավորել են հենց ինքնաթիռից դուրս գալիս, այլ բան չէի սպասում․

Դավիթ Համբարձումյանի կին

Ռուսաստանի արտակարգ իրավիճակների նախարարության մամուլի ծառայությունը հայտնել է, որ Մոսկվայի հարավ-արևելքում գտնվող բիզնես կենտրոնում բռնկված հրդեհը տեղայնացվել է։
Հաղորդվել է, որ փրկարարներին հաջողվել է տեղայնացնել 450 քառակուսի մետր տարածք ընդգրկող հրդեհը։

Նախկինում նաև հաղորդվել էր, որ կրակը տարածվել է շենքի երրորդ հարկում և տանիքում, և մոտ 20 մարդ ինքնուրույն դուրս է եկել մինչև հրշեջների ժամանումը։

Հրդեհը մարելու համար աշխատում են ԱԻՆ-ի ավելի քան 50 աշխատակիցներ և 17 մեքենա. միջադեպի հետևանքով տուժածներ չկան։