«Ժողովուրդ» օրաթերթը գրում է. «Ինչպես հայտնի է, Արաբական Միացյալ Էմիրություններ մանր եղջերավոր անասուններ արտահանելու կաշառքի քրեական գործով անցնում են ԱԺ պատգամավոր Հովիկ Աղազարյանը եւ եւս երկու անձինք, որոնցից նա կաշառք էր պահանջել:

Մասնավորապես, ԱԺ պատգամավոր Հովիկ Աղազարյանի դեմ ցուցմունք տված անձը՝ Աշոտ Կամավոսյանը, պատմել է իրավապահներին, որ 300 հազար ԱՄՆ դոլար կաշառքը չեն կարողացել տալ ու վերջում պայմանավորվել են 100 հազար դոլար տալ Աղազարյանին։ Գնացել, հանդիպել են նրան ՀՀ Ազգային ժողովին հարակից զբոսայգում, եւ հենց այնտեղ 20 հազար դոլար է առաջարկվել Աղազարյանին, սակայն պատգամավորը զայրացել է ու ասել, թե «պայմանավորվել էինք 100 հազար ԱՄՆ դոլար, ինչո՞ւ եք քիչ բերել, չեմ վերցնում»: Առաջարկել է՝ «կգնա՛ք, կավելացնե՛ք նոր կգաք»։

Արդյունքում, կաշառքի գործով Աշոտ Կամավոսյանի եւ Սլավիկ Պողոսյանի գործը անջատվեց եւ ուղարկվեց Հակակոռուպցիոն դատարան։ Եվ ահա մեզ հայտնի դարձավ, որ դատարանը վճիռ է կայացրել։

Մասնավորապես, Աշոտիկ Սիրեկանի Կամավոսյանին մեղավոր ճանաչել ՀՀ քրեական օրենսգրքի 439-րդ հոդվածի 2-րդ մասի 3-րդ կետով, եւ նրա նկատմամբ որպես պատիժ նշանակել ազատազրկումը՝ 2 (երկու) տարի 6 (վեց) ամիս ժամկետով:

ՀՀ քրեական օրենսգրքի 84-րդ հոդվածով սահմանված կարգով՝ ազատազրկման ձեւով նշանակված պատիժը պայմանականորեն չկիրառել՝ սահմանելով փորձաշրջան 3 (երեք) տարի ժամկետով։

Սլավիկ Սպարտակի Պողոսյանին մեղավոր ճանաչել ՀՀ քրեական օրենսգրքի 46-439-րդ հոդվածի 2-րդ մասի 3-րդ կետով եւ նրա նկատմամբ որպես պատիժ նշանակել ազատազրկումը 2 (երկու) տարի 6 (վեց) ամիս ժամկետով:

ՀՀ քրեական օրենսգրքի 84-րդ հոդվածով սահմանված կարգով` ազատազրկման ձեւով նշանակված պատիժը պայմանականորեն չկիրառել՝ սահմանելով փորձաշրջան 3 (երեք) տարի ժամկետով։

Նկատենք, որ Հովիկ Աղազարյանի առնչությամբ քննությունը Հակակոռուպցիոն կոմիտեում շարունակվում է»։

«Հրապարակ» թերթը գրում է. «ՌԴ ԱԳ նախարար Սերգեյ Լավրովի՝ Հայաստան կատարելիք այցից առաջ ՌԴ ԱԳՆ-ն հայտարարություն տարածեց՝ ներկայացնելով այցի ծրագիրը։ Նշված էր, որ «ավանդույթի համաձայն՝ ծաղիկներ կզետեղեն Անհայտ զինվորի գերեզմանի անմար կրակի մոտ, եւ ծաղկեպսակ կտեղադրվի Հայոց ցեղասպանության զոհերի հուշարձանին»։

Երեկ պարզվեց, որ Ցեղասպանության հուշահամալիր այցը հանվել է այցի օրակարգից՝ նա միայն ծաղկեպսակ է ուղարկել: Թերեւս՝ ՀՀ իշխանությունների ցանկությամբ եւ ԱԳ նախարարի համաձայնությամբ։ 

Պաշտոնական բացատրությունն էր, որ այցի ծրագիրը հագեցած է։ Բայց ՌԴ ԱԳՆ-ն դա փորձեց կոմպենսացնել Անհայտ զինվորի հուշարձանին այցելության ժամանակ արված լուսանկարով` Արարատի ֆոնին:

«Հրապարակ» օրաթերթը գրում է․

Հունիսի 5-ին Հայաստան կայցելի ՌԴ խորհրդարանի վերին պալատի՝ Դաշնության խորհրդի նախագահ Վալենտինա Մատվիենկոն։ Չնայած ռուս բարձրաստիճան պաշտոնյան երկօրյա այցով է լինելու Հայաստանում, սակայն այցը բավականին հագեցած գրաֆիկով է անցնելու: Ուշագրավ է, որ նախատեսվող միջոցառումների կազմակերպման գործը հյուրընկալվող կողմն է իր վրա վերցրել։ Մենք տեղեկացանք, որ Հայաստանում ռուսական մի շարք կազմակերպությունների ՌԴ-ից շրջաբերական է իջեցվել, յուրաքանչյուրը մի միջոցառում  կազմակերպելու հանձնառություն է ստանձնել։ Դիցուք, կլոր-սեղան քննարկումներ կլինեն՝ «Ռուս-հայկական հումանիտար համագործակցության զարգացման ուղղություններ, ռեսուրսներ»,  «ՌԴ-Հայաստանի մարզերի միջեւ առեւտրատնտեսական համագործակցության աճի տեմպերը» թեմաներով:

Կկայանան ռուս-հայկական գործարար խորհրդի ֆորումի լիագումար նիստ եւ նմանատիպ այլ քննարկումներ։ Ինչպես նաեւ Կապանում է միջոցառում սպասվում՝ Ռուսաստան-Հայաստան քույր քաղաքների միջեւ երկխոսության զարգացման թեմայով։ Հասկանալի է, թե ինչու է ընտրվել Կապանը, շուրջ երեք տարի է՝ ՌԴ-ն շահագրգռված է Կապանում հյուպատոսություն բացելու հարցում, սակայն մեր իշխանություններն ինչ-ինչ պատճառաբանություններով տորպեդահարում են այդ գործընթացը:

Ամիսներ առաջ ՌԴ ԱԳՆ խոսնակը հայտարարեց, թե Մոսկվան ակնկալում է, որ մինչեւ մայիս հստակություն կլինի Հայաստանում հյուպատոսություն բացելու հարցում, սակայն մայիսի վերջին ենք մոտենում` դեռ չկա։ Երեկ Հայաստանում գտնվող Սերգեյ Լավրովն էլ անդրադարձավ թեմային, ասաց, որ հյուպատոսության բացման նախապատրաստական աշխատանքներն են ընթանում, մինչդեռ մեր աղբյուրներն ասացին, որ առանձնապես աշխատանքներ չեն տարվում։

Ռուսական տանը կայացել է ՌԴ ԱԳ նախարարի հանդիպումը Հայաստանի հայրենակիցների հետ։

Ռուսաստանի արտաքին գործերի նախարար Սերգեյ Լավրովն ինքնատիպ նվերներ է ստացել Հայաստանում բնակվող հայրենակիցներից: Ռուսական տանը հանդիպման ժամանակ մոլոկանների համայնքի ներկայացուցիչները նրան թթու կաղամբով տակառիկ են հանձնել։

Մոլոկանները թթու կաղամբով տակառիկ են նվիրել

© Photo : Русский дом в Ереване

- Մենք թթու կաղամբը հենց այնպես չենք ուտում, - ժպտալով նկատել է Լավրովը: - Մեր՝ մոլոկանների կաղամբն է, - մանրամասնել է համայնքի ներկայացուցիչը։

- Մոլոկանները սուրբ մարդիկ են, բայց արդեն հոտ է գալիս, - կատակել է նախարարը:

Եղել է նաև մարզական անակնկալ. լեգենդար հայ դարպասապահ Ռոման Բերեզովսկին նախարարին նվիրել է ինքնագրով ֆուտբոլի գնդակ:

Ոչ ֆորմալ մասից հետո հավաքվածներն անցել են լուրջ թեմաների քննարկմանը։

Ռոման Բերեզովսկին նախարարին նվիրել է ինքնագրով ֆուտբոլի գնդակ

© Photo : Русский дом в Ереване

«Խոսել ենք հումանիտար համագործակցության զարգացման հեռանկարների, հայրենակիցների հետ փոխգործակցության մասին, ինչպես նաև քննարկել ենք Գիտության և մշակույթի ռուսական կենտրոնի ևս երեք մասնաճյուղերի բացման հնարավորությունը՝ Վանաձորում, Իջևանում և Կապանում, ի լրումն Գյումրիում արդեն գործող կենտրոնի», - հայտնել է Լավրովը:

Ռուսաստանի Դաշնության արտաքին գործերի նախարար Սերգեյ Լավրովը, ՀՀ-ում Ռուսաստանի Դաշնության դեսպան Սերգեյ Կոպիրկինը և «Ռոսսոտրուդնիչեստվոյի» ղեկավար Վադիմ Ֆեֆիլովը Ռուսական տանը

© Photo : Русский дом в Ереване

Բացի այդ, այսօր Սերգեյ Լավրովին շնորհվել է Հայ-ռուսական համալսարանի պատվավոր դոկտորի կոչում: Դիպլոմը նախարարին է հանձնել բուհի ռեկտոր Էդվարդ Սանդոյանը՝ նշելով, որ ՌԴ ԱԳ նախարարը 2005 թվականին ներկա է գտնվել համալսարանի բացմանը: Ուսումնական հաստատությունում մինչ օրս պահպանվում է պատվավոր հյուրերի գրքում նրա գրառումը։

Որպես նվեր Լավրովը ստացել է նաև 9-րդ դարի Հայաստանի քարտեզի պատճենը:

ՌԴ ԱԳ նախարարն աշխատանքային այցով Հայաստան է ժամանել մայիսի 20-ին: Նա արդեն հանդիպումներ է ունեցել արտաքին գործերի նախարար Արարատ Միրզոյանի, նախագահ Վահագն Խաչատուրյանի, վարչապետ Նիկոլ Փաշինյանի հետ:

Երբ Իսրայելը սկսի ռшզմական գործողությունը Իրանի դեմ, Ադրբեջանը պետք է հшրվածի Հայաստանին։

«Կիզակետում Արկադի Գրիգորյանի հետ» հաղորդման ժամանակ ասել է ՀԱԿ փոխնախագահ Լևոն Զուրաբյանը․

«Իսրայելը պլանավորում է Իրանի դեմ հարձակումը, նպատակն Իրանը մասնատելն է։ Ուզում են դրա տեղում ստեղծե մեկ այլ ադրբեջանական պետություն, օգտագործել ադրբեջանական անջատողականությունը, Իրանի մոտ 20 մլն ադրբեջանցիներին ոտքի հանել, թուլացնել ու մասնատել Իրանը։

Ամերիկյան մամուլում գրվում էր, որ այդ օպերացիան պետք է լիներ ապրիլին։ Սակայն Պենտագոնի ղեկավարը զեկուցել է Սպիտակ տանը, որ դեռ պատրաստ չեն ու որոշել են հետաձգել մինչև հոկտեմբեր։ Թրամփն, իր հերթին, հակված չէ պատերազմ վարելու, թեև իսրայելական լոբբիի ճնշումը կա։ Խաղաղությունը մեզ համար կախված է նրանից, թե արդյոք Իսրայելը կկարողանա ԱՄՆ-ին ներքաշել Իրանի դեմ պատերազմի մեջ»,- նշել է Զուրաբյանը։

Հարցազրույցն ամբողջությամբ՝ տեսանյութում․

Այսօր՝ մայիսի 21-ին, խոշոր ավտովթար է տեղի ունեցել Կոտայքի մարզում։ Ժամը 19։30-ի սահմաններում Երևան-Սևան-Իջևան ավտոճանապարհին, ժողովրդին հայտնի «Չայնիի» ոլորաններում բախվել են «Mercedes», «Mitsubishi» և «Fiat» մակնիշի ավտոմեքենաները։

Ինչպես հայտնում է Shamshyan.com-ը Գագիկ Շամշյանը, վթարի հետևանքով 2 հոգի մարմնական վնասվածքներով տեղափոխվել են «Աբովյան» բժշկական կենտրոն։

Իսրայելական ուժերը կրակ են բացել Հորդանան գետի արևմտյան ափում գտնվող Ջենին ուղևորվող օտարերկրյա դիվանագետների ավտոշարասյան վրա: Այս մասին հայտնել է Իսրայելի պաշտպանության բանակի (ՑԱԽԱԼ) մամուլի ծառայությունը։

«Նախաքննության տվյալներով՝ պատվիրակությունը շեղվել է հաստատված երթուղուց և մտել տարածք, որտեղ նրանց թույլ չեն տվել լինել։ «Տարածքում գործող Իսրայելի պաշտպանության բանակի զինվորները նախազգուշական կրակոցներ են արձակել՝ թույլ չտալու նրանց մոտենալը», - ասվում է բանակի հաղորդագրության մեջ։

Դեպքից հետո, երբ պարզ է դարձել, որ այդ անձինք դիվանագիտական ​​պատվիրակության կազմում են բրիգադային գեներալ Յակի Դոլֆը անմիջապես վերանայել է միջադեպը: Հանձնարարվել է նաև բանակցություններ վարել դիվանագետների և պատվիրակություն ուղարկած երկրների ներկայացուցիչների հետ։ Իսրայելի պաշտպանության բանակը հավելել է, որ միջադեպի հետևանքով ոչ ոք չի տուժել և ափսոսանք է հայտնել տեղի ունեցածի համար։

Թուրքիայի ԱԳՆ-ն խստորեն դատապարտել է իսրայելցի զինվորների կողմից Ջենինում մի խումբ դիվանագետների, այդ թվում՝ Երուսաղեմում Թուրքիայի գլխավոր հյուպատոսության աշխատակցի վրա կրակոցները և կոչ է արել հետաքննել միջադեպը։

Հաղորդվում է նաև, որ Իտալիայի և Ֆրանսիայի ԱԳ նախարարները պաշտոնական բանակցությունների համար կանչել են այդ երկրներում Իսրայելի դեսպաններ Ջոնաթան Պելեդին և Ջոշ Զարկային՝ բացատրություն տալու Ջենինում տեղի ունեցած միջադեպի համար, երբ իսրայելական զորքերը կրակ են բացել Եվրոպայի, Կանադայի և Ճապոնիայի դիվանագիտական ​​պատվիրակության վրա։

Վարչապետ Նիկոլ Փաշինյանն ընդունել է Ռուսաստանի Դաշնության արտաքին գործերի նախարար Սերգեյ Լավրովի գլխավորած պատվիրակությանը: Հայտնում են ՀՀ կառավարությունից:

Ողջունելով հյուրերին՝ վարչապետ Փաշինյանն անդրադարձել է Հայաստան - ՌԴ հարաբերությունների ներկա ընթացքին։

Սերգեյ Լավրովը շնորհակալություն է հայտնել ընդունելության համար՝ ընդգծելով Ռուսաստանի պատրաստակամությունը զարգացնելու հարաբերությունները Հայաստանի հետ:

Հանդիպման ընթացքում զրուցակիցները քննարկել են Հայաստան-Ռուսաստան երկկողմ օրակարգին, ԵԱՏՄ շրջանակում փոխգործակցությանը, ինչպես նաև տարածաշրջանային և միջազգային անվտանգությանը վերաբերող հարցեր: