ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Ռուսական զինուժը վերահսկողության տակ է վերցրել Դոնեցկի Կլեբան-Բիկ և Սրեդնեե բնակավայրերը
Օգոստոսի 23, 2025Ռուսական զինուժը վերահսկողության տակ է վերցրել Դոնեցկի Ժողովրդական Հանրապետության ևս 2 բնակավայր։ Տեղեկությունը հայտնում է Ռուսաստանի պաշտպանության նախարարությունը։
««Հարավ» զորախմբավորման ստորաբաժանումները վերահսկողության տակ են վերցրել Կլեբան–Բիկը, իսկ «Արևմուտք» զորախմբավորումն ազատագրել է Սրեդնեե բնակավայրերը»,– ասված է հաղորդագրությունում
Միաժամանակ ռուսական զորքերը հարվածներ են հասցրել Ուկրաինայի տարածքում գտնվող օբյեկտներին։
Ռազմաօդային ուժերը, ներառյալ օպերատիվ-մարտավարական ավիացիան, հարվածային անօդաչու թռչող սարքերը, հրթիռային զորքերն ու հրետանին, խոցել են Ուկրաինայի ռազմարդյունաբերական համալիրի ձեռնարկություններ, ինչպես նաև ուկրաինական զինված կազմավորումների և օտարերկրյա վարձկանների ժամանակավոր տեղակայման կետեր 143 շրջանում:
Բացի այդ, Ռուսաստանի հակաօդային պաշտպանության միջոցները ոչնչացրել են ուկրաինական ինքնաթիռային տիպի 13 անօդաչու թռչող սարք: Օգոստոսի 23-ին Մոսկվայի ժամանակով 09:30-ից մինչև 12:00-ն ՀՕՊ-ը 12 անօդաչու սարք է խոցել Բրյանսկի մարզում, 1-ը՝ Կալուգայի։
Թուրքիան միլիարդներ կստանա Զանգեզուրի միջանցքից. Թուրքիայի տրանսպորտի և ենթակառուցվածքների նախարար
Օգոստոսի 23, 2025Կարս-Իգդիր-Արալըք-Դիլուջու երկաթուղին, որը կապում է Թուրքիան Նախիջևանի սահմանի հետ, և ընդհանրապես Զանգեզուրի միջանցքը 30 տարվա ընթացքում Թուրքիային կբերի 147,6 միլիարդ լիրա (3,6 միլիարդ դոլար՝ ներկայիս փոխարժեքով) շահույթ, լրագրողների հետ հարցազրույցում հայտարարել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն։ Այս մասին հայտնում են թուրքական լրատվամիջոցները:
«Ադրբեջանի հետ սահման տանող երկաթուղային զարկերակը կդառնա կարևոր օղակ Զանգեզուրի միջանցքում, որը հատկապես կարևոր է ամբողջ տարածաշրջանի համար», – ընդգծել է նա:
Նախարարի խոսքով՝ Միջին միջանցքը զգալիորեն կկրճատի Եվրոպայի և Ասիայի միջև ապրանքների առաքման ժամանակը, ինչը երկաթուղային տրանսպորտը կդարձնի ավելի պահանջված, քան ծովային տրանսպորտը։ «Արևելյան Անատոլիայում 224 կիլոմետրանոց երկաթուղու կառուցման ծախսերը բազմապատիկ կարդարացվեն», – հավելել է Ուրալօղլուն։
Թուրքիայի տրանսպորտի նախարարության ղեկավարը Կարս-Իգդիր-Արալըք-Դիլուջու երկաթուղին անվանել է «ռազմավարական ներդրում»։ «Զանգեզուրի միջանցքը թյուրքական պետություններ և Հարավարևելյան և Արևելյան Ասիայի երկրներ տանող ամենակարճ ճանապարհն է։ Այս երթուղով տարեկան կտեղափոխվի մոտ 15 միլիոն տոննա բեռ», – նշել է նախարարը։
30 տարվա ընթացքում կանխատեսվող շահագործման եկամուտը կկազմի 135 միլիարդ լիրա, վթարներից խնայողությունները՝ 3 միլիարդ, կլիմայական օգուտները՝ 2.1 միլիարդ, ժամանակի խնայողությունները՝ 3.5 միլիարդ, իսկ ճանապարհների պահպանման խնայողությունները՝ 4 միլիարդ լիրա։ Ընդհանուր առմամբ, 30 տարվա ընթացքում եկամուտը կհասնի 147.6 միլիարդ լիրայի։
«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը ֆեյսբուքյան իր էջում գրում է․
«Մեր տարածաշրջանի համար օդի ջերմաստիճանը օգոստոսի 25-ից սեպտեմբերի 1-ը կանխատեսվում է նորմայից բարձր 1-3 աստիճան, իսկ սեպտեմբերի 1-ից սեպտեմբերի 8-ը նորմայից բարձր՝ 3-6 աստիճան:
Կանխատեսումները՝ ըստ Եղանակի միջնաժամկետ կանխատեսումների Եվրոպական կենտրոնի (ECMWF)»։
Զելենսկին պատրաստ է քննարկել տարածքների հարցը բացառապես Պուտինի հետ հանդիպման ժամանակ
Օգոստոսի 23, 2025Ուկրաինայի նախագահ Վոլոդիմիր Զելենսկին պատրաստ է տարածքային հարցերը քննարկել միայն Ռուսաստանի նախագահ Վլադիմիր Պուտինի հետ հանդիպման ժամանակ՝ հաշվի առնելով կողմերի միջև մարտի դաշտում առկա շփման գիծը։ Այս մասին NBC News-ին տված հարցազրույցում ասել է Ուկրաինայի փոխարտգործնախարար Սերգեյ Կիսլիցան։
Վերջինս համոզմունք է հայտնել, որ ուկրաինական հակամարտության կարգավորման շուրջ դիվանագիտական ջանքերն առաջընթաց են ապրում՝ առաջին հերթին ԱՄՆ նախագահ Դոնալդ Թրամփի քայլերի շնորհիվ։
«Երբ մենք խոսեցինք տարածքային հարցերի մասին, կարծում եմ՝ նախագահ Զելենսկին հստակեցրեց, որ պատրաստ է նստել նախագահ Պուտինի հետ և քննարկել դրանք, և տարածքային հարցի շուրջ զրույցների սկիզբը շփման գիծն է, որն այժմ կա»,-ասել է Ուկրաինայի ԱԳ փոխնախարարը։
ԱՄՆ նախագահ Դոնալդ Թրամփը օրեր առաջ Սպիտակ տանը հյուրընկալել էր Վոլոդիմիր Զելենսկիին և ԵՄ առաջնորդներին։ Բանակցություններից հետո Զելենսկին հայտարարել էր, որ տարածքային հարցը կլուծվի Մոսկվայի և Կիևի միջև, սակայն հանդիպման ճշգրիտ ամսաթիվ դեռևս չկա։
Նախօրեին Ռուսաստանի արտաքին գործերի նախարար Սերգեյ Լավրովը ևս հայտարարել էր, որ Պուտինի և Զելենսկիի միջև հանդիպում նախատեսված չէ, բայց Ռուսաստանի առաջնորդը պատրաստ է հանդիպել նրա հետ, երբ գագաթնաժողովի օրակարգը պատրաստ լինի։
ԵՄ-ն 2025 թվականին Ուկրաինային է փոխանցել սառեցված ռուսական ակտիվներից ստացված 10.1 միլիարդ եվրո
Օգոստոսի 23, 2025Եվրամիությունը (ԵՄ) 2025 թվականի առաջին յոթ ամիսներին Ուկրաինային է փոխանցել 10.1 միլիարդ եվրո Ռուսաստանի Կենտրոնական բանկի սառեցված միջոցներից ստացված եկամուտներից, հաղորդում է «Welt am Sonntag» թերթը՝ հղում անելով Եվրոպական հանձնաժողովի տվյալներին։
Հրապարակման համաձայն, Բրյուսելն այդ միջոցներն օգտագործում է ռազմական և քաղաքացիական նախագծերը ֆինանսավորելու համար։ Մարտին, մայիսին, հունիսին և հուլիսին, ինչպես նշում է թերթը, Ուկրաինայի կառավարությունը սառեցված ռուսական ակտիվներից ստացված շահույթից ստացել է 1-ական միլիարդ եվրո, հունվարին՝ 3 միլիարդ եվրո, ապրիլին՝ 3.1 միլիարդ եվրո։
Որոշ քաղաքական գործիչներ պնդում են, որ Կիևը պետք է հասանելիություն ունենա ռուսական բոլոր միջոցներին, այլ ոչ թե միայն տոկոսներին։ Սակայն տնտեսագետները զգուշացնում են ֆինանսական համակարգի համար նման քայլի կործանարար հետևանքների մասին։
Օգոստոսի 11-ին Եվրոպական հանձնաժողովը ստացավ Ռուսաստանի անօրինականորեն արգելափակված ինքնիշխան ակտիվների վերաինվեստիցիայի արդյունքում բռնագրավված եկամտի երրորդ տրանշը՝ 1.6 միլիարդ եվրոյի չափով։ Ավելի վաղ Եվրահանձնաժողովը հայտնել էր, որ այդ միջոցների 95%-ը կուղղվի Ուկրաինային տրամադրվող միջազգային վարկերի վճարումներին, այդ թվում՝ Եվրամիության և դրա անդամների կողմից տրամադրվածներին, իսկ մնացած 5%-ը կփոխանցվի «Ուկրաինայի անհետաձգելի ռազմական կարիքներին», այդ միջոցների համար զենքի մատակարարումները կիրականացվեն Եվրոպական խաղաղության հիմնադրամի միջոցով։
Չինաստանի հյուսիս-արևելքում գտնվող Սույֆենհե սահմանային քաղաքում կկառուցվի չինական-ռուսական միջազգային բեռնափոխադրման նավահանգիստ, հաղորդում է Xinhua գործակալությունը՝ հղում անելով տեղական իշխանություններին։
Նախագծի տարածքը կկազմի ավելի քան 23,000 քառակուսի մետր, իսկ ընդհանուր բյուջեն՝ 120 միլիոն յուան (մոտ 17 միլիոն ԱՄՆ դոլար)։ Համալիրը կներառի ապրանքների ցուցադրման, պահպանման և բաշխման բարձրակարգ միջազգային կենտրոն, ժամանակակից գրասենյակային շենքեր և բարձրակարգ թեմատիկ հյուրանոցներ։
Նախաձեռնության հիմնական նպատակն է ամրապնդել Հեյլունցզյան նահանգի և Հյուսիսարևելյան Ասիայի տարածաշրջանների միջև արտաքին կապերն ու առևտուրը։
Մենք այլ կերպ կվարվենք, եթե ապացույցներ հայտնվեն, որ Ադրբեջանը գործել է մեր դեմ. Ալի Լարիջանի
Օգոստոսի 23, 2025Իրանի Ազգային անվտանգության բարձրագույն խորհրդի քարտուղար Ալի Լարիջանին Khamenei.ir-ին տված հարցազրույցում հայտնել է, որ Իրանը որևէ ապացույց չունի 12-օրյա պատերազմի ընթացքում Ադրբեջանի և Իսրայելի համագործակցության վերաբերյալ։
«Մենք պետք է հենվենք հավաստի փաստերի վրա։ Ոմանք ինչ-որ բան են պնդում, բայց պետք են հստակ ապացույցներ։ Ադրբեջանի կառավարությունը հայտարարում է, որ նման բան չի եղել և մենք դեռ հիմքեր չունենք դրան չվստահելու համար։
Ադրբեջանը մեր դեմ պաշտոնապես գործողություններ չի ձեռնարկում և մենք չունենք համոզիչ ապացույցներ։ Եթե դրանք հայտնվեն, ապա մենք այլ կերպ կվարվենք, բայց այս պահին դրա համար հիմքեր չկան»,- ասել է Լարիջանին։
Պեկինում սեպտեմբերի 3-ին. «Վճռորոշ պահ». Գերմանիան հայտարարություն է տարածել Ուկրաինայի ճակատագրի վերաբերյալ
Օգոստոսի 23, 2025Ուկրաինայում խաղաղության գործընթացի նոր կարևոր փուլ կարող է մեկնարկել Պեկինում Ռուսաստանի և Չինաստանի առաջնորդներ Վլադիմիր Պուտինի և Սի Ցզինպինի հանդիպումից հետո, որին հնարավոր է մասնակցի նաև ԱՄՆ նախագահ Դոնալդ Թրամփը, Տելեգրամ-ալիքում գրել է գերմանացի քաղաքագետ Ալեքսանդր Ռարը։
«Ուկրաինայի ճակատագրի հաջորդ վճռորոշ պահը կարող է լինել Պեկինում կայանալիք գագաթնաժողովը 2025 թվականի սեպտեմբերի 3-ին՝ Երկրորդ համաշխարհային պատերազմի ավարտի 80-ամյակի օրը»,- նշվում է հրապարակման մեջ։
Ռուսաստանն ամեն ինչ անում է Դոնբասի բնակչության դեմ 2014 թվականին սկսված պատերազմը դադարեցնելու համար, հայտարարել է ՌԴ նախագահ Վլադիմիր Պուտինը։
«Արևմուտքում քարոզչություն է գործում, ասում են, որ պատերազմն սկսել է Ռուսաստանը՝ մոռանալով, որ պատերազմն սկսվել է 2014 թվականին՝ Դոնբասի բնակչության դեմ»,- հայտարարել է նա։
Պուտինի խոսքով՝ Ռուսաստանի համար ամենակարևորը երկրի ինքնիշխանությունն է։ Ինքնիշխանության կորուստը կնշանակի Ռուսաստանի գոյության ավարտ, հավելել է նա։
ՌԴ նախագահը, խոսելով Ռուսաստանի և ԱՄՆ-ի հարաբերությունների մասին, նշել է․ «ԱՄՆ-ի հետ հարաբերությունները ցածր մակարդակի վրա են, բայց Թրամփի գալով թունելի վերջում լույս է երևում»։
Նա ասել է, որ Թրամփի հետ իր հանդիպումն Ալյասկայում իմաստալից և անկեղծ էր։
«Ռուսաստանի և ԱՄՆ-ի կողմից ձեռնարկված առաջին քայլերը հարաբերությունների լիարժեք վերականգնման սկիզբ կլինեն։ Թրամփի առաջնորդական որակները լավ երաշխիք են ԱՄՆ-ի հետ հարաբերությունների վերականգնման համար»,- նշել է նա։
Պուտինը շեշտել է, որ Ռուսաստանը չունի ոչ բարեկամ երկրներ, կան ոչ բարեկամ էլիտաներ որոշ երկրներում։ Նրա խոսքով՝ նրանք, ովքեր դադարեցրել են Ռուսաստանի հետ փոխգործակցությունը քաղաքական ճնշման պատճառով, կվերադառնան։
ԱՄՆ նախագահ Դոնալդ Թրամփը հայտարարել է, որ Ուկրաինայի շուրջ բանակցությունների ճակատագիրը պարզ կդառնա առաջիկա երկու շաբաթվա ընթացքում։ ԱՄՆ նախագահը չի բացառել, որ ՌԴ նախագահ Վլադիմիր Պուտինին կարող է հրավիրել ԱՄՆ-ում կայանալիք 2026 թվականի Ֆուտբոլի աշխարհի առաջնությանը՝ «կախված նրանից, թե ինչպես կզարգանան իրադարձությունները»։
Թրամփը նշել է նաև, որ կցանկանար անձամբ մասնակցել Պուտինի և Զելենսկու հնարավոր հանդիպմանը, սակայն, ըստ նրա, «շատերը կարծում են, որ դա արդյունք չի տա»։ Երկու շաբաթվա ընթացքում Սպիտակ տան ղեկավարը խոստացել է «շատ կարևոր որոշում» կայացնել Ուկրաինայի վերաբերյալ՝ կախված Մոսկվայի և Կիևի հետագա գործողություններից։ Այս որոշումը, ըստ Թրամփի, կարող է ներառել պատժամիջոցներ, մաքսատուրքեր կամ «ոչինչ»։
Ֆոտո
