ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Սեպտեմբերի 1-ից Ռուսաստանում վաճառվող բոլոր սմարթֆոններն ու պլանշետները կհագենան պետական աջակցությամբ ստեղծված Max մեսենջերով, որը ներկայացվում է որպես WhatsApp-ի այլընտրանք։ Կրեմլը հայտարարում է, որ հավելվածը կօգնի ինտեգրվել պետական ծառայություններին, սակայն քննադատները զգուշացնում են՝ այն կարող է օգտագործվել քաղաքացիների նկատմամբ վերահսկողությունն ուժեղացնելու համար։
Բացի այդ, ռուսական RuStore հավելվածների խանութը կտեղադրվի նաև Apple սարքերում, իսկ 2025-ի հունվարից բոլոր խելացի հեռուստացույցներում նախապես կտեղադրվի Lime HD TV՝ պետական ալիքներին անվճար հասանելիություն ապահովող ծրագիրը։
Այս քայլերը համընկնում են WhatsApp-ի և Telegram-ի ծառայությունների որոշ սահմանափակումների հետ՝ այն պատճառաբանությամբ, որ դրանք չեն համագործակցում իրավապահների հետ՝ խարդախությունների և ահաբեկչության դեպքերում։
Նյու Յորքի վերաքննիչ դատարանը չեղյալ է հայտարարել ԱՄՆ-ի նախագահ Դոնալդ Թրամփի և նրա ընտանեկան բիզնեսի դեմ քաղաքացիական խարդախության գործով գրեթե 500 միլիոն դոլարի տուգանքը։ Այդ մասին տեղեկացնում է Deutsche Welle-ն։
«Միևնույն ժամանակ Թրամփի ընկերության կողմից բանկերին և ապահովագրական ընկերություններին տրամադրված փաստաթղթերի կեղծման վերաբերյալ մեղադրանքները չեն հանվել»,-նշված է հաղորդագրության մեջ։
Պետության նախկին ղեկավարի և նրա երեք ավագ երեխաների՝ Էրիկ Թրամփի, Դոնալդ Թրամփ կրտսերի և Իվանկա Թրամփի դեմ քաղաքացիական հայցը 2022 թվականի սեպտեմբերին ներկայացրել էր Նյու Յորք նահանգի գլխավոր դատախազ Լետիցիա Ջեյմսը, ով դեմոկրատների կողմնակից է։ Իվանկա Թրամփի դեմ հայցը հետագայում մերժվեց։
Գործը վերաբերում էր Թրամփի կազմակերպության ակտիվների գնահատմանը, որոնք, ըստ մեղադրողների, դիտավորյալ ուռճացվել են՝ արտոնյալ վարկեր և ապահովագրական պայմանագրեր ստանալու կամ պահպանելու համար։
Դոնալդ Թրամփն ինքը համարում էր, որ գործը քաղաքական դրդապատճառներ ուներ և պահանջել էր այն փակել 2024 թվականի նոյեմբերին նախագահական ընտրություններում իր հաղթանակից հետո։
Ճանապարհային դեպարտամենտից հայտնում են․
Դիլիջանի թունելը այսօր մինչեւ ժամը 14:00 կշարունակի փակ մնալ բոլոր տեսակի տրանսպորտային միջոցների համար։
Կատարվում են թունելի երթեւեկելի մասի միջին նորոգման աշխատանքներ։
Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 381 դրամ, վաճառքի նվազագույն արժեքը՝ 384 դրամ:
Եվրոյի առքի առավելագույն արժեքն է 442 դրամ, վաճառքի նվազագույն արժեքը՝ 446 դրամ:
Ռուսական ռուբլու առքի առավելագույն արժեքն է 4.71 դրամ, վաճառքի նվազագույն արժեքը՝ 4.75 դրամ:
Վրաստանը նոր ավտոմայրուղով կմիանա Թուրքիային, հայտնում է Գրուզիա Օնլայնը։
11.3 կիլոմետր երկարությամբ նոր ասֆալտբետոնե ճանապարհը կփոխարինի գոյություն ունեցող ափամերձ երթուղուն և կմիանա Բաթումիի շրջանցիկ ճանապարհին՝ Չորոխի գետի վրայով կառուցվող նոր կամրջի միջոցով։
Հիմնական հատվածը կլինի 7.6 կիլոմետրանոց թունել, որը շրջանցելու է բնակեցված տարածքները։
Վրաստանի ավտոմոբիլային ճանապարհների դեպարտամենտը երեկ՝ օգոստոսի 22-ին, տեղեկություն է հրապարակել միջազգային մրցույթի մասին։ Այն վերաբերում է շինարարական վերահսկողությանը, որի մոտավոր արժեքը կազմում է 14 միլիոն դոլար։
Նախագիծը ֆինանսավորվում է Ասիական զարգացման բանկի կողմից։ Հայտարարության մեջ նշվում է, որ վերահսկողության ծառայությունները կմատուցվեն 48 ամսվա ընթացքում։ Հետաքրքրված ընկերությունները պետք է առաջարկները ներկայացնեն անգլերեն լեզվով՝ Ասիական զարգացման բանկի կայքի միջոցով, ոչ ուշ, քան 2025 թվականի սեպտեմբերի 22-ը։
11.3 կմ երկարությամբ նոր ճանապարհի նախագիծը ներառում է Գոնիո, Կվարիատի և Սարպի գյուղերի շրջանցիկ ճանապարհը։
Նախագծի նկարագրության մեջ նշված է, որ նախատեսված ճանապարհի ընդհանուր երկարությունը 11.4 կմ է։
Շինարարությունը ներառում է տրանսպորտային հանգույց, երեք կամրջային անցումներ և երկշերտ թունել։
Ճանապարհի վերջին հատվածում՝ Սարպի գյուղում, նախատեսվում են իրականացնել ճանապարհի լայնացման աշխատանքներ։
Ճանապարհի միջանցքը սկսվում է Ճորոխ գետի աջ ափից, որտեղ կկառուցվի հանգույց, որից հետո այն կշարունակվի Ճորոխի վրայով անցնող կամրջով։ Կամրջից հետո՝ Չարնալի գյուղի մոտ, կլինի 7.6 կմ երկարությամբ թունել, որն անցնելու է Չարնալի և Ախալսոփելի գյուղերի տարածքներով։
Թունելից հետո ճանապարհը կգնա Սարփիի ուղղությամբ և նոր կամրջի միջոցով կմիանա գործող E70 միջազգային ճանապարհին։ Այստեղ ճանապարհը կլայնացվի մինչև վրաց-թուրքական սահմանային անցակետը։
ՆԱՏՕ-ի երկրները 2024 թ. Ուկրաինային մատակարարել են 50 միլիարդ դոլարի զենք և մտադիր են ավելացնել օգնության ծավալը. Դրագոնե
Օգոստոսի 23, 2025ՆԱՏՕ-ի երկրները 2024 թ. Ուկրաինային մատակարարել են 50 միլիարդ դոլարի զենք և մտադիր են ավելացնել օգնության ծավալը, հայտարարել է դաշինքի ռազմական կոմիտեի նախագահ Ջուզեպպե Կավո Դրագոնեն: Այս մասին հայտնում է «Ռիա Նովոստի»-ն:
«2025 թ. հունվարի 1-ի դրությամբ մենք արդեն հասել ենք 33 միլիարդ դոլարի, բայց տարեվերջին մենք կհամապատասխանենք նախորդ ցուցանիշին. կանխատեսումները շատ լավատեսական են», - ասել է նա Corriere della Sera-ին տված հարցազրույցում։
Դուք Ռուսաստանում հայտնի եք որպես փորձառու և իմաստուն առաջնորդ. Մատվիենկոն՝ Ալիևային
Օգոստոսի 23, 2025Ռուսաստանի Դաշնության Դաշնային խորհրդի նախագահ Վալենտինա Մատվիենկոն շնորհավորել է Ադրբեջանի առաջին տիկին Մեհրիբան Ալիևային ծննդյան օրվա առթիվ:
Ռուսաստանի Դաշնության Դաշնային խորհրդի նախագահը իր նամակում նշել է, որ Ադրբեջանի առաջին փոխնախագահը Ռուսաստանում հայտնի է որպես փորձառու և իմաստուն առաջնորդ, տաղանդավոր կազմակերպիչ, որը մեծ հեղինակություն է վայելում Ադրբեջանի քաղաքացիների և արտերկրի շրջանում։
«Հուսով եմ, որ մենք կշարունակենք հնարավորություն ունենալ բացահայտ քննարկելու ռուս-ադրբեջանական փոխշահավետ հարաբերությունների զարգացման ուղիները, այդ թվում՝ խորհրդարանական խողովակներով, որպեսզի նպաստենք մեր երկրների շահերին համապատասխանող նախագծերի իրականացմանը», - նշել է նա։
Իրանի և ՌԴ ԱԳ նախարարներ Աբբաս Արաղչին և Սերգեյ Լավրովը հեռախոսազրույց են ունեցել:
Նախարարները քննարկել են Իրանի միջուկային ծրագրի շուրջ զարգացումները, մասնավորապես՝ երեք եվրոպական երկրների գործողությունները ՄԱԿ-ի Անվտանգության խորհրդի 2231 բանաձևի ժամկետի լրանալուն զուգընթաց։
Ալյասկայում ԱՄՆ նախագահ Դոնալդ Թրամփի հետ բանակցությունների ընթացքում ՌԴ նախագահ Վլադիմիր Պուտինը պահանջել է, որ Ուկրաինան հրաժարվի Դոնբասից, հրաժարվի ՆԱՏՕ-ին անդամակցությունից և արևմտյան խաղաղապահ զորքեր տեղակայելուց, գրում է Reuters-ը։
Ինչպես գործակալությանը հայտնել են Կրեմլի ծրագրերին ծանոթ երեք աղբյուրներ, Վլադիմիր Պուտինը պահանջել է, որ Ուկրաինան ամբողջությամբ հրաժարվի Դոնբասից, այսինքն՝ այնտեղից դուրս բերի Ուկրաինայի զինված ուժերը։
Բացի դրանից, Կիևը պետք է հրաժարվի ՆԱՏՕ-ին անդամակցությունից և խաղաղության համաձայնագրի կնքումից հետո երկրում արևմտյան զորքերի տեղակայումից, գրում է գերմանական Bild պարբերականը։ Այդ հրապարակման առնչությամբ Կիևից կամ Վաշինգտոնից դեռևս մեկնաբանություններ չեն եղել։
Ուկրաինայի ռազմաօդային ուժերը հայտնել են շաբաթ գիշերը ՄիԳ-29 կործանիչի վթարի ենթարկման մասին, որի հետևանքով օդաչուն զոհվել է: Այս մասին հաղորդում է «Ռիա Նովոստին»:
«2025 թվականի օգոստոսի 23-ի գիշերը, մարտական առաջադրանքը կատարելուց հետո, ՄիԳ-29 կործանիչի օդաչու Բոնդար Սերգեյ Վիկտորովիչը, ծնված 1979 թվականին, մահացել է վայրէջքի ժամանակ», - ասվում է Ուկրաինայի ռազմաօդային ուժերի Telegram ալիքում հրապարակված հայտարարության մեջ։
Ուկրաինայի ռազմաօդային ուժերը հավելել են, որ վթարի հանգամանքներն ու պատճառները քննվում են։
Ֆոտո
