Մայիսի 21-ին ՀՀ ԱԽ քարտուղար Արմեն Գրիգորյանն ընդունել է ԻԻՀ պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեին: Այս մասին հայտնում են ԱԽՔ գրասենյակից:

ԱԽ քարտուղարը ողջունել է նախարարի այցը Հայաստան և կարևորել ակտիվացած երկկողմ փոխայցելությունները, որոնք իրենց նպաստն են բերում Հայաստան-Իրան բարեկամական հարաբերությունների շարունակական զարգացմանը և ամրապնդմանը: Նախարարն իր հերթին շնորհակալություն է հայտնել ջերմ ընդունելության համար և վստահությամբ նշել, որ երկկողմ հարաբերությունները զարգանալու միտում ունեն: 

Հանդիպման ընթացքում նախարար Նասիրզադեն վերահաստատել է Իրանի աջակցությունը Հայաստանի Հանրապետության տարածքային ամբողջականությանն ու տարածաշրջանի երկրների անկախությանը՝ դեմ արտահայտվելով միջազգային ճանաչված սահմանների ցանկացած փոփոխության:

Սամվել Բաբայանը շարունակում է սուտ տեղեկություններ տարածել արցախյան պատերազմի մասին, նսեմացնելով առաջին ղարաբաղյան պատերազմում հայ ժողովրդի տարած հաղթանակը։ Այս մասին հայտարարություն է տարածել ՀԱԿ համակարգող Լևոն Զուրաբյանը։

Նա,մասնավորապես, նշել է. «Սամվել Բաբայանը, անկասկած, նշանակալի դերակատարություն է ունեցել արցախյան առաջին պատերազմի հաղթանակների ապահովման գործում, հատկապես 1993֊ի հուլիսիսից մինչեւ 1993 թվականի նոյեմբեր ընկած ժամանակաշրջանում։ Այդ հաղթանակները, սակայն, առաջին հերթին ձեռք են բերվել Հայաստանի Հանրապետության եւ Լեռնային Ղարաբաղի Հանրապետության ռազմաքաղական ղեկավարությունների համակարգված գրագետ, անձնուրաց եւ կազմակերված թիմային աշխատանքի շնորհիվ։ Սամվել Բաբայանի հետեւողական եւ տեւական ջանքերը սեփական անձին վերագրել այդ հաղթանակների վաստակը, իր իրական վաստակի վրա ավելացնել չեղածը, ինչպես նաեւ նսեմացնել եւ վարկաբեկել այլոց արածը, արժեզրկում է առաջին հերթին հենց իր կերպարը եւ վնաս հասցնում հայ ժողովրդի տարած հաղթանակի արժեքին եւ գնահատմանը։

Քաղաքական կասկածելի դիվիդենտներ քաղելու նպատակով Սամվել Բաբայանն իրեն ներկայացնում է նաեւ որպես 1994 թվականին պատերազմի շարունակման կողմնակից, հայտարարում է, որ նա ստորագրել է ընդամենը «մի փաստաթուղթ՝ 2 ամսով հրադադար», եւ ավելացնում, որ «հետո 95 թվականին պարլամենտյորները ստորագրել են ինչ֊որ մի փաստաթուղթ Բիշքեկում», որի հետ, հետեւաբար, իր ստորագրածը ոչ մի կապ չունի (Բորիս Մուրազիի հետ հարցազրույցը, Politik.am-ում)։

Մայիսի 17֊ին Ղարաբաղյան կարգավորման պատմությանը նվիրված բանախոսության ընթացքում, ի թիվս այլ փաստերի, ներկայացրեցի Կազիմիրովի “Мир Карабаху” գրքից վերցրած 1994 թվականի մայիսի 12֊ի զինադադարի փաստաթղթի բնագիրը, որը ստորագրված է Սամվել Բաբայանի կողմից։ Հրապարակված տեքստից բխում է երկու փաստ, որոնք հերքում են Բաբայանի ասածները։ Պարզվում է, որ նրա կողմից ստորագրված փաստաթղթում ոչ մի խոսք չկա «երկու ամսվա» մասին, այսինքն՝ Սամվել Բաբայանը ստորագրել է ԱՆԺԱՄԿԵՏ զինադադար եւ վերցրել իր վրա խախտման ոչ ենթակա զինադադարի պարտավորություն։ Բացի այդ, պարզվում է, որ Սամվել Բաբայանի ստորագրած փաստաթուղթը ուղիղ հղում է 1994 թվականի մայիս 5-ին Բիշքեկում ստորագրված Բիշքեկյան պրոտոկոլը, որի մասին Բաբայանն պնդում էր, որ այն ստորագրվել է 1995 թվականին եւ կապ չի ունեցել իր ստորագրածի հետ։

Այս բացահայտումից հետո Սամվել Բաբայանն իր «մամլո ծառայության» միջոցով հանդես է եկել երկարաշունչ մի «հերքման» տեքստով, որին կցել է նույն այն փաստաթուղթը, որը ես ներկայացրել էի հանրության ուշադրությանը եւ որը ապացուցում է զինադադարի անժամկետ լինելը։ Ավելին, Բաբայանը նաեւ ներկայացրել է 1994 թվականի հուլիսի 27֊ին ստորագրված մի փաստաթուղթ, որով էլ ավելի է ամրապնդվել զինանդարը, քանի որ կողմերը ԱՆԺԱՄԿԵՏ պարտավորություն են վերցրել՝ «պահելու զինադադարի ռեժիմը ընդհուպ մինչեւ մեծ համաձայնագրի կնքումը», ինչը, ի դեպ, խախտվեց Ադրբեջանի կողմից 2016֊ի ապրիլյան պատերազմի ժամանակ։

Ստացվում է, որ Բաբայանն իր «հերքումով» ոչ թե հերքում է, այլ հաստատում է իմ ասածը, զավեշտալի վիճակ, որում Բաբայանը չէր հայտնվի, եթե չփորձեր ապացուցել անապացուցելին։

Նույնքան «իմաստալից» են ռազմական գործողությունների հետ կապված «հերքումները», որոնք չեն ժխտում իմ կողմից տրված որեւէ տեղեկություն, իսկ ստրատեգիական նշանակութուն ունեցող Հորադիզի կայարանի կորուստը շատ «համոզիչ» կերպով ներկայացնում որպես «մարտավարական հնարք»։

Արցախյան պատերազմի բոլոր «վոյիններին», այսինք՝ նրանց, ովքեր փորձում են սեփականաշնորհել արցախյան առաջին պատերազմի մեծ հաղթանակը, միայն մեկ խորհուրդ ունեմ. իրոք տեղի ունեցած հերոսամարտը մի վերածեք սուտլիկ որսկանների դիցաբանության, դրանով դուք վնասում եք եւ ձեզ, եւ մեր ժողովրդին։ Շատ ավելի լավ կլինի պատմությանը թողնել ձեր իրապես գովելի ծառայությունների գնահատումը»։

ԱՄՆ-ում ձերբակալվել է հայկական կազմակերպված հանցավոր խմբին անդամակցելու համար կասկածվող 13 մարդ։ Նրանց սպառնում են լուրջ մեղադրանքներ, այդ թվում՝ սպանության փորձ, առևանգում, զենքի ապօրինի պահում, բանկային և էլեկտրոնային խարդախություն և ավելի քան 80 միլիոն դոլար արժողությամբ ապրանքների գողություն, հայտնում է ABC News-ը։

Իրավապահ մարմինների աշխատակիցները խուզարկել են Լոս Անջելեսի Սան Վելլի շրջանում գտնվող առանձնատունը, ինչպես նաև Հարավային Կալիֆոռնիայում և Ֆլորիդայում գտնվող այլ սեփականություններ:

Լոս Անջելեսի դատախազ Բիլալ Էսսայլիի գրասենյակի համաձայն՝ գործողության ընթացքում ձերբակալվել են հայկական կազմակերպված հանցավորության սինդիկատի 13 անդամ, այդ թվում՝ 41-ամյա Արա Արթունին (մեղադրվում է մահափորձի համար՝ ռեկետ իրականացնելու նպատակով), 46-ամյա Ռոբերտ Ամիրյանը (մեղադրվում է առևանգման համար), 50-ամյա Վահան Հարությունյանը,  45-ամյա Լևոն Առաքելյանը:

ԱՄՆ դատախազները նաև հայտնել են, որ 83 միլիոն դոլար արժողությամբ ապրանքներ են գողացվել Amazon-ից՝ սինդիկատի անդամների կողմից կազմակերպված բեռների գողության սխեմայի շրջանակում։

«Այս անդրազգային հանցավոր կազմակերպությունը գործում էր միջազգային կարտելի կառուցվածքով և դաժանությամբ՝ զգալի վնաս հասցնելով հասարակական անվտանգությանը և խաթարելով օրինական առևտրի և մատակարարման շղթաները»:

Հաղորդվում է, որ երեքշաբթի տեղի ունեցած գործողության ընթացքում իրավապահները առգրավել են մոտ 100,000 դոլար կանխիկ գումար, երեք զրահամեքենա և 14 հրազեն:

Զենք գնելու համար երկրի ընտրությունը Հայաստանինն է։ Այս մասին Երևանում կայացած մամուլի ասուլիսին հայտարարել է ՌԴ ԱԳ նախարար Սերգեյ Լավրովը։

Պատասխանելով այն հարցին, թե «Հայաստանը գումարը փոխանցել է, իսկ Ռուսաստանը զենքը չի մատակարարել», ԱԳ նախարարը հայտնել է, որ հարցը կարգավորված է։ Ըստ նրա, վճարումները հաշվանցվել են այլ նպատակների համար։ Նոր մատակարարումների հարցում հակասություններ չկան։

«Այժմ մենք, ինչպես բազմիցս եղել է պատմության մեջ, ստիպված ենք պատերազմել ամբողջ Եվրոպայի դեմ։ Զենքը, ինչպես հասկանում եք, շատ է, և այն ժամանակակից է, պահանջում է մեր պատասխանը։ Մեր հայ բարեկամները հասկանում են, որ այս պայմաններում մենք չենք կարող բոլոր պարտավորությունները ժամանակին կատարել։ Եվ այնուամենայնիվ, մի ամբողջ շարք համակարգեր փոխանցվում են, և կշարունակենք»,- նշել է Լավրովը։

Ինչ վերաբերում է այլ երկրներից գնումներին, ապա դա հայ բարեկամների ընտրությունն է. «Եթե ուզում են ֆրանսիական հենք լրացուցիչ մատակարարումների համար, խնդրեմ։ Մենք ոչինչ չենք պարտադրի։ Բայց եթե դաշնակիցը հենվում է այնպիսի երկրի զենքի վրա, ինչպիսին Ֆրանսիան է, որը գլխավորում է թշնամական ճամբարը և ատելությամբ է լցված Ռուսաստանի հանդեպ…»

Ռուսական ռազմաբազան Հայաստանի շահերի և անվտանգության ապահովման կարևոր բաղադրիչ է: Այս մասին ասաց ՌԴ ԱԳ նախարար Սերգեյ Լավրովն Արարատ Միրզոյանի հետ Երևանում կայացած համատեղ մամուլի ասուլիսի ժամանակ:

Նա հիշեցրեց, որ այս տարի լրանում է բազայի տեղակայման մասին պայմանագրի ստորագրման 30-ամյակը։ Մոսկվան հանդես է գալիս երկու երկրների զինվորականների, անվտանգության ծառայությունների և իրավապահ մարմինների միջև կանոնավոր սերտ շփումների օգտին:

Նախարարը հավելեց, որ Ռուսաստանը շահագրգռված է ՀԱՊԿ-ում Հայաստանի ակտիվ մասնակցության հարցում։

Մեր պարտավորություններից բխող արձագանքը, որը համապատասխանում էր ՀԱՊԿ-ում ՀՀ պայմանագրային պարտավորություններին՝  այդ արձագանքը եղավ: Անմիջապես, առաջնախումբը իրավիճակին ծանոթանալու համար փաստահավաք առաքելությունը ՀԱՊԿ-ի գլխավոր քարտուղարի ղեկավարությամբ միանգամից ուղևորվեց դեպքի վայր, արեց օպերատիվ զեկույց ու առաջարկներ այն մասին, որ ՀԱՊԿ-ի դիտորդներին պետք է ուղարկել այնտեղ՝ իրավիճակը կայունացնելու համար:

Եղել էր նաև կառավարությունների հանդիպում , աշխատում էին արտգործնախարարները և պաշտպանության նախարարներն այդ ուղղությամբ երկար ու իրենք էին խմբագրում այն առաջարկությունները, որոնք ներկայացվեցին ՀԱՊԿ-ի քարտուղարության կողմից ու ի վերջո մենք կոնսենսուսի հասանք ամբողջ տեքստի վերաբերյալ, որը ներկայացվեց պետությունների ղեկավարների քննարկմանը, բայց տարբեր իրավիճակներում համաձայնեցված տեքստը հայկական կողմն առաջարկեց հետաձգել ու կենսենսուս չեղավ»,-ասաց Լավրովը Երևանում Արարատ Միրզոյանի հետ համատեղ ասուլիսի ընթացքում՝ պատասխանելով այն հարցին, թե 2022 թվականին Ադրբեջանը հարձակում գործեց ՀՀ- ինքնիշխան տարածքի նկատմամբ՝ թիրախավորվեց Ջերմուկ քաղաքը, այն պայմաններում ՌԴ-ն ինչո՞ւ չարձագանքեց և չկատարեց իր պայմանագրային պարտավորությունները և գործնականում համարժեք արձագանք չեղավ:

ՀՀ ԱԳՆ  Արարատ Միրզոյանն իր հերթին նշեց.  «Սա հենց այն դեպքերից է, երբ մենք՝ երկու երկրներս, ունենալով բազմաթիվ հարցերում փոխըմբռնում, միաժամանակ ունենք նաև հարցեր, որտեղ տարբեր են իրադարձությունների մեկնաբանությունները, և Ջերմուկի ուղղությամբ հարձակումը հենց այդպիսի հարց է:  Անկյունաքարային է եղել այդ իրադարձությունը նաև հետագա զարգացումների և դիրքորոշումների համար, այդ թվում և ՀԱՊԿ անդամակցության սառեցման համատեքստում, 2022 թվականի օգոստոսին ռուսական կողմը միջնորդական առաջարկություն ներկայացրեց ՀՀ-ին և Ադրբեջանին, հայաստանյան  կողմն իր համաձայնությունը հայտնեց առաջարկություններին, իսկ ադրբեջանական կողմը չտվեց դիրքորոշում, իսկ սեպտեմբերի առաջին կեսին մենք տեսանք ադրբեջանական ԶՈՒ հարձակումը Ջերմուկի ուղղությամբ: Ադրբեջանի կողմից Հայաստանի տարածքային ամբողջականութան խախտումից հետո մեր դաշնակիցների հետագա գործողությունները գոհացուցիչ չէին»:

«Հոկտեմբերին տեղի ունեցավ հանդիպում Պրահայում: Վերահաստատվեց, որ ՀՀ-ն և Ադրբեջանը ճանաչում են միմյանց տարածքային ամբողջականությունն Ալմա Աթայի հռչակագրի  շրջանակներում: Ինչ վերաբերում է ԼՂ-ին, ՀՀ-ն չի վիճարկում Ղարաբաղի պատկանելությունը և  ճանաչում է Ադրբեջանի տարածքային ամբողջականությունը»,- նշեց նա:

Հայաստանը «պետք» է հստակ դիրքորոշում արտահայտի` երբ և ինչ պայմաններում «արևմտյան ադրբեջանցիները» կկարողանան վերադառնալ իրենց «հայրենի հողերը». այս մասին ասել է Ադրբեջանի նախագահ Իլհամ Ալիևը:

Նա բողոքել է, որ հայ հասարակության մեջ մնում է «խորը ատելությունը թյուրք ժողովուրդների նկատմամբ», պահպանվում են Մեծ Հայաստանի «երազանքները», իսկ Ադրբեջանի և Թուրքիայի նկատմամբ «տարածքային պահանջները» արձանագրված են երկրի Սահմանադրության մեջ։

«Հայաստանը պետք է հրաժարվի հարևան պետությունների նկատմամբ տարածքային պահանջներից և քայլեր ձեռնարկի ադրբեջանցիների մշակութային ժառանգությունը վերականգնելու և պաշտպանելու համար»,- ասել է նա։

Երևանում կայացավ Հայաստանի ԱԳՆ-ի և ՌԴ ԱԳՆ-ի 2025-2026 թվականների խորհրդատվությունների պլանի ստորագրման հանդիսավոր արարողությունը։

Փաստաթուղթը ստորագրեցին ՀՀ և ՌԴ ԱԳ նախարարներ Արարատ Միրզոյանը և Սերգեյ Լավրովը։

Հիշեցնենք, որ ռուսաստանյան նախարարը աշխատանքային այցով գտնվում է Հայաստանում։ Փաստաթղթի ստորագրումից հետո տեղի կունենա համատեղ մամուլի ասուլիս։

Կոտայքի մարզի Նոր Հաճն քաղաքում գտնվող «Շողակն» ադամանդի երբեմնի խոշոր գործարանը նոր սեփականատեր ունի. գրում է «Հետքը»։

ՌԴ-ում Հայաստանի նախկին դեսպան Վարդան Տողանյանը խորհրդային տարիներին կառուցված արդյունաբերական ձեռնարկությունը վաճառել է գործարար Նարեկ Նալբանդյանին։ Գործարքը կնքել են 2025 թ.-ի մայիսին։

Գործարար Նարեկ Նալբանդյանից «Հետքը» տեղեկացել է, որ գործարանը ձեռք է բերվել 3 միլիոն դոլարով, որը ֆինանսավորել է «Ամերիաբանկ»-ը։ Վարկային միջոցներով գնված գործարանում ծրագրում են վերականգնել եւ զարգացնել ադամանդագործությունը։ «Առաջիկայում նախատեսում ենք նոր հոսքագծեր ներմուծենք եւ հույս ունենք, որ այս տարի կկարողանանք գործարանը շահագործել»,- ասել է Նարեկ Նալբանդյանը։

Մանրամասները՝ սկզբնաղբյուր կայքում։