ՆԱՏՕ-ում ԱՄՆ-ի դաշնակիցները իրենք պետք է զսպեն Ռուսաստանին. Պենտագոնի ղեկավար
ՆԱՏՕ-ում ԱՄՆ-ի դաշնակիցները իրենք պետք է ապահովեն իրենց պաշտպանական կարողությունները, այդ թվում՝ զսպելու Ռուսաստանին։
Այս մասին ԱՄՆ Կոնգրեսի Ներկայացուցիչների պալատի հատկացումների հանձնաժողովում կայացած լսումների ժամանակ ասել է Պենտագոնի ղեկավար Փիթ Հեգսեթը։
Նրա խոսքով, այս ամենին զուգահեռ ԱՄՆ-ը շահագրգռված է նաև իր ներկայության մեծացմամբ հնդխաղաղօվկիանոսյան տարածաշրջանում, այսինքն՝ Եվրոպայից դուրս։
«ՆԱՏՕ-ի մեր դաշնակիցները Ռուսաստանին զսպելու տնտեսական ուժ ունեն: Երբ մենք մեր ուշադրությունը տեղափոխում ենք Խաղաղ օվկիանոս, մենք ակնկալում ենք, որ ՆԱՏՕ-ի մեր դաշնակիցները ավելի շատ ռեսուրսներ կհատկացնեն պաշտպանությանը, որպեսզի ստեղծեն ուժեղ զսպող վահան Եվրոպայում», - ասել է Հեգսեթը:
Նշենք, որ հունիսի 5-ին Բրյուսելում ՆԱՏՕ-ի պաշտպանության նախարարների հանդիպումից հետո Փիթ Հեգսեթը հորդորել է դաշնակիցներին ընտելանալ այն մտքին, որ «Ամերիկան չի կարող և պարտավոր չէ միաժամանակ պաշտպանել բոլորին»։
Միաժամանակ նա նշել է, որ ՆԱՏՕ-ի անդամների ճնշող մեծամասնությունը համաձայնել է կատարել Վաշինգտոնի պահանջը՝ ազգային պաշտպանության ծախսերը հասցնել ՀՆԱ-ի 5%-ի։
Latest from ArmNews
- Իրանը ՄԱԿ-ի Անվտանգության խորհրդի արտակարգ նիստ է պահանջում Իսրայելի հարվածից հետո
- Իրանի դեմ միակողմանի hարձակումը վերջ է դնում տարածաշրջանային կայունությանն ու համաշխարհային խաղաղությանը. ՀՀ ԱԳՆ
- Թեհրանը որևէ սահմանափակում չունի հակաhարվածի հարցում, քանի որ Իսրայելը հատել է բոլոր կարմիր գծերը. Իրանի ԶՈՒ ԳՇ
- Չենք կարող թույլ տալ, որ Իրանը ձեռք բերի միջուկային զենք. Իսրայելի ՊԲ
- Ավելի քան 150 իրանական անօդաչու թռչող սարք հատել է Իրաքի օդային տարածքը. Shafaq News
- ԱՄՆ-ն Իսրայելում գտնվող իր պետական ծառայողների համար տագնապ է հայտարարել
- Times of Israel. Իրանից արձակված անօդաչու թռչող սարքերը Իսրայել կհասնեն առաջիկա ժամերին
- ՀՀ–ի տեսանկյունից շատ կարևոր է, թե որ երկրների օդային տարածքներն են օգտագործվել Իսրայելի հարձակման ընթացքում. Պետրոսյան
Լրահոս
Ֆոտո
