Առաջարկվում է Հայաստանում սահմանափակել ոստիկանական համազգեստի վաճառքը
Հնարավոր է` Հայաստանում սահմանափակվի ոստիկանական համազգեստի վաճառքը կողմնակի անձանց։ Այս մասին Ազգային ժողովում հայտարարեց ՀՀ ներքին գործերի փոխնախարար Արմեն Մկրտչյանը՝ ներկայացնելով ոստիկանության ծառայողների ծառայողական էթիկայի օրենսգրքի նախագիծը և պատասխանելով պատգամավորների հարցերին։
«Քաղաքացիական պայմանագիր» խմբակցության պատգամավոր Արուսյակ Մանավազյանի խոսքով՝ համացանցում տեսանյութեր են տարածվում, որոնցում ՆԳՆ-ի հետ կապ չունեցող մարդիկ են հայտնվում ոստիկանական համազգեստով, ինչը վնաս է հասցնում գերատեսչության հեղինակությանը:
«Նման միջադեպերից խուսափելու համար գուցե արժե արգելել համազգեստի ազատ վաճառքը։ Մենք պատրաստ ենք համապատասխան օրինագիծ մշակել», - ասաց նա։
Մկրտչյանը պարզաբանեց, որ համազգեստի վաճառքը թույլատրված է, որպեսզի ոստիկաններն անհրաժեշտության դեպքում կարողանան մաշված համազգեստի փոխարեն նորը գնել: Նա հնարավոր համարեց նոր կանոնների մշակումը, որոնք թույլ կտան ապահովել աշխատակիցների կարիքները` միաժամանակ բացառելով նման չարաշահումները:
Latest from ArmNews
- Զելենսկին ու Մակրոնը կհանդիպեն
- ԱՄՆ-ում դեղերի գներն ընկնում են՝ 500, 600, 700, անգամ ավելի տոկոսով․ Թրամփ
- Համացանցում առկա քաոսի դեմ պայքարն ուժեղացնելու կարիք կա. Սի Ծինփին
- Ուկրաինան պետք է լինի «բուֆերային պետություն» hակամարտության ավարտից հետո. Օրբան
- Թուրքիայի Սև ծովի ափերի մոտ ռուսական լցանավերում հրդեհ է բռնկվել
- Պապոյանը Թուրքիայի գյուղատնտեսության և անտառտնտեսության նախարարի հետ Ստամբուլում քննարկել է Կարս-Գյումրի երկաթուղային հաղորդակցության վերաբացման հնարավորությունները
- ԱՄՆ-ի և ՌԴ-ի հետ բանակցություններում Ուկրաինայի պատվիրակությունն այսուհետ կգլխավորի Ռուստեմ Ումերովը
- Բոլոր ավիաընկերություններին խնդրում եմ Վենեսուելայի օդային տարածքը համարել փակված. Թրամփ
Լրահոս
Ֆոտո
