ԵՄ-ն գտնվում է քայքայման վիճակում, և եթե արմատական ​​փոփոխություններ չլինեն, հաջորդ յոթամյա բյուջեն վերջինը կլինի։

Այս մասին հայտարարել է Հունգարիայի վարչապետ Վիկտոր Օրբանը։

Նա, միաժամանակ, կանխատեսել է Ուկրաինայի բաժանումը ռուսական, ապառազմականացված և արևմտյան գոտիների՝ հակամարտության ավարտից հետո։ 

«Այսօր եվրոպացիները «էլեգանտորեն» խոսում են անվտանգության երաշխիքների մասին, բայց այդ երաշխիքներն իրականում նշանակում են Ուկրաինայի բաժանում։ Արդյունքում կլինի ռուսական գոտի, ապառազմականացված գոտի և, վերջապես, արևմտյան գոտի, որի ուրվագծերի և կարգավիճակի մասին մենք դեռևս որևէ հստակ բան չենք կարող ասել»,- նշել է Օրբանը։

Նրա խոսքով՝ Արևմուտքը փաստացի ճանաչել է ռուսական գոտու գոյությունը, և «քննարկումը միայն այն մասին է, թե արդյոք այն բաղկացած կլինի երկու, չորս, հինգ, թե վեց շրջաններից»։