ԵՄ-ն կրկին զիջել է իր սեփական արժեքները՝ իջնելով այն բարոյական բարձունքից, որը հաճախ պնդում է, որ զբաղեցնում է, գրում է OC Media-ն։

2003 թվականից ի վեր Իլհամ Ալիևի դինաստիական կառավարման ներքո գտնվող Ադրբեջանը մայրցամաքում մարդու իրավունքների և մամուլի ազատության ամենավատ խախտողներից մեկն է։ 

Կալլասի այցից հետո ԵՄ պաշտոնական հաղորդագրություններում ընդգծվում էր, որ «ԵՄ-ն Ադրբեջանի ամենամեծ առևտրային գործընկերն ու ամենամեծ ներդրողն է», ինչը ենթադրում է, որ հենց Ադրբեջանը պետք է հետևի ԵՄ արժեքներին՝ իրական քաղաքականության համար։

Սակայն, ամեն ինչ հակառակն է։ Տնտեսական տեսանկյունից այս գործընկերությունը փոխշահավետ է, բայց նաև ասիմետրիկ։

Մինչդեռ Եվրոպայում այս հարաբերությունների կողմնակիցները մատնանշում են Ադրբեջանի դերը որպես Կենտրոնական Ասիայի նավթի և գազի տարանցիկ ուղի, իսկ Իտալիան, Հունաստանը և Բուլղարիան, ինչպես խոստովանում են, կախված են ադրբեջանական գազից, Ադրբեջանն ինքնին կազմում է ԵՄ գազի ընդհանուր ներմուծման ընդամենը մոտ 3%-ը։ Ադրբեջանի համար ածխաջրածինները կազմում են արտահանման եկամուտների մոտ 90%-ը և ռեժիմի կայունության կենսական նշանակություն ունեն։ Քննադատները նշում են, որ Եվրոպան փաստացի մեկ ավտոկրատ մատակարարին փոխարինում է մեկ այլով։

ԵՄ-ն ասում է, որ դրանք «հարաբերություններ են, որոնք կզարգանան փոխադարձ հարգանքի հիման վրա», ինչը վկայում է Ադրբեջանի կարմիր գծերի, մասնավորապես՝ իր կողմից կարևորվող արժեքները անողոք կերպով ճնշելու ազատության մասին։

Այսօր՝ մայիսի 9-ին, խոշոր ավտովթար է տեղի ունեցել Արմավիրի մարզում։ Ժամը 18:20-ի սահմաններում Երևան-Արմավիր ավտոճանապարհի՝ Արմավիր քաղաքի սկզբնամասում՝ ժողովրդին հայտնի «Հոկտեմբերյանի Նովոյի» գազալցակայանի դիմաց, բախվել են «Infinity» և «Toyota Camry» մակնիշի ավտոմեքենաները։

Վթարի հետևանքով 2 հոգի օպերատիվորեն դեպքի վայր ժամանած «Արմավիր» բժշկական կենտրոնի շտապօգնության բժիշկների կողմից նախ տեղում առաջին բուժօգնություն են ստացել, ապա տեղափոխվել «Արմավիր» բժշկական կենտրոն։

Բախման հետևանքով Infinity-ն գլխիվայր շրջվել է, իսկ Toyota-ն դուրս է եկել երթևեկելի գոտուց, արմատից կոտրել ծառն ու բախվել քարե պարսպին։

Աղբյուրի տեղեկություններով, Infinity-ն եղել է ճանապարհի թույլատրելի հատվածում կայանված, իսկ վարորդը եղել է Արմավիրի մարզի բնակիչ, 26-ամյա Գոռ Սարգսյանը, ով, ինչպես նաև Արմավիրի մարզի բնակիչ 36-ամյա Նվեր Մելքումյանը տեղափոխվել են հիվանդանոց, որտեղ Ն. Մելքումյանը հայտնել է, որ ինքը ուղևորն է, ու հիվանդանոց է ժամանել Արցախի Հանրապետության քաղաքացի 34-ամյա Արտյոմ Հայրիյանը և հայտնել է, որ Toyota-ն ինքն է վարել։ Սակայն պարեկների մոտ կան կասկածներ, որ նրա հայտնածը իրականության հետ կապ չունի։

Ավելին՝ սկզբնաղբյուրում։

Օրերս «London Times» անունով մի կայք իր հրապարակման մեջ ակնհայտ սուտ պնդում է արել՝ «Հայաստանում իրականացվող կլինիկական փորձարկումների» մասին:

Այս մասին սոցցանցի իր էջում հայտնում է ՀՀ առողջապահության նախարար Անահիտ Ավանեսյանը․

«Ակնհայտ ստահոդ այդ հոդվածի կապակցությամբ ուզում եմ պարզաբանում նեկայացնել`ավելորդ շահարկումներից խուսափելու համար և հանրությանը պատշաճ տեղեկատվություն տալ:

Այսպես`դեղագործական արտադրանքի կլինիկական փորձարկումները ՀՀ-ում կարգավորվում են «Դեղերի մասին» ՀՀ օրենքով և օրենքից բխող այլ իրավական ակտերով:

Մասնավորապես, Օրենքի 14-րդ հոդվածի 2-րդ և 3-րդ մասերի և ՀՀ կառավարության 2019 թվականի փետրվարի 28-ի N 168-Ն որոշման համաձայն կլինիկական փորձարկումների իրականացման թույլտվությունը տալիս է ՀՀ առողջապահության նախարարությունը՝ հաստատելով փորձարկման ծրագիրը և կից փաստաթղթերը` Հայաստանի Հանրապետության կառավարության որոշմամբ սահմանված փորձագիտական կազմակերպության փորձագիտական դրական եզրակացության և կլինիկական փորձարկումների էթիկայի հանձնաժողովի (այսուհետ՝ էթիկայի հանձնաժողով) կողմից տրված դրական եզրակացության հիման վրա:

Հոդվածում հիշատակված դեղագործական ընկերություններից (STADA, SERVIER, SANOFI, BAYER) 2018-2025 թվականների ընթացքում միայն Servier ընկերությունն է դիմել կլինիկական փորձարկման թույլտվություն ստանալու հայտով, որը որևէ առնչություն չունի «ստերոիդների և հոգեմետ նյութերի», ինչպես նաև հոդվածում նշված «խոցելի խմբերի» հետ:

Ինչ վերաբերում է նույն հոդվածում ներկայացված Pervitin դեղին, այն գրանցված չէ և չի եղել ՀՀ-ում և կլինիկան հետազոտության հայտ երբևէ չի ներկայացվել:

Ընդհանուր առմամբ, հոդվածում հիշատակված տվյալները բացարձակապես մտացածին են եւ չեն համապատասխանում իրականությանը»։

Ավելի վաղ հրապարակմանն անդրադարձել էր վարչապետի մամուլի քարտուղար Նազելի Բաղդասարյանը՝ ասելով, որ տվյալ հրապարակումը վարչապետի հանձնարարությամբ ուղարկվել է իրավապահ մարմիններին՝ իրավական գնահատական տալու համար։

Իրանի արտաքին գործերի նախարար Աբբաս Արաղչին հաստատել է, որ Իրանի և ԱՄՆ-ի միջև Իսլամական Հանրապետության միջուկային ծրագրի վերաբերյալ անուղղակի բանակցությունների չորրորդ փուլը տեղի կունենա մայիսի 11-ին Օմանում։ 

«Օմանցի ընկերները մեզ հարցրին կիրակի օրվա մասին, և մենք մեր համաձայնությունը հայտնեցինք», - հայտնել է նա Telegram ալիքով։ Արաղչին ընդգծել է նաև, որ բանակցությունների ճշգրիտ ժամանակն ու վայրը կորոշի ընդունող կողմը։

Ավելի վաղ Tasnim-ը հայտնել էր, որ Թեհրանը համաձայնել է մայիսի 11-ին Օմանում անցկացնել միջուկային բանակցությունների ևս մեկ փուլ ԱՄՆ-ի հետ։

The London Times անունով մի կայք իր հրապարակման մեջ ակնհայտ սուտ պնդում է արել՝ ՀՀ վարչապետ Նիկոլ Փաշինյանին և իշխանության բարձրաստիճան ներկայացուցիչներին վերագրելով «գաղտնի պայմանավորվածություններ եվրոպական դեղագործական ընկերությունների» հետ։ Այս մասին գրել է ՀՀ վարչապետի մամուլի քարտուղար Նազելի Բաղդասարյանը։

«Տվյալ հրապարակումը վարչապետի հանձնարարությամբ ուղարկվել է իրավապահ մարմիններին՝ իրավական գնահատական տալու համար։

Բայց հիմա արդեն հարկ ենք համարում պարզաբանել, որ ո’չ վարչապետի, ո’չ հրապարակման մեջ նշված բարձրաստիճան պաշտոնյաների շրջապատում դեղագործական բիզնեսով զբաղվող անձինք չկան։ Հրապարակման մեջ նշված բնույթի որևէ բանակցություն որևէ ընկերության հետ տեղի չի ունեցել։

Հրապարակման մեջ նշված որևէ պայմանավորվածություն կամ պայմանագիր չկա և չէր կարող գոյություն ունենալ։

Ակնհայտ է, որ ստահոդ այդ հրապարակման ի հայտ գալը կարող էր ունենալ երկու պատվիրատու․ արտաքին՝ Հայաստանում ներքին խժդժություններ հրահրելու, կամ ներքին՝ դեղերի առքուվաճառքի շուկայում օրինականություն և հստակ հետագծելիություն սահմանելու, դեղերի ապօրինի շրջանառությանը վերջ դնելու Կառավարության ջանքերին հակազդելու համար։

Հնարավոր է՝ իրական են երկու տարբերակները միաժամանակ։ Ամեն դեպքում ակնհայտ է, որ միայն էլեկտրոնային դեղատոմսերով դեղերի դուրս գրման պարտադիր համակարգի ներդրումը ծայրահեղ անհրաժեշտություն է, որպեսզի ցանկացած բուժառուի դուրս գրվող ցանկացած դեղ, նրա ներմուծողը, նշանակող բժիշկը, նշանակման հիմնավորվածությունը լինեն հետագծելի և անփոփոխելի։ Նման համակարգի գոյությունը եթե ոչ անհնար, ծայրահեղ դժվար կդարձնի դեղերի ապօրինի ներկրման և բուժառուներին չհիմնավորված նշանակումներ անելու ցանկացած հնարավորություն»,- գրել է Բաղդասարյանը։

Եմենի հուսիթները վերսկսել են Թել Ավիվի Բեն Գուրիոն օդանավակայանի վրա հարձակումները։ Այս մասին հայտնել է բրիգադային գեներալ Յահյա Սարին, փոխանցում է Al Masirah-ը։

«Եմենի զինված ուժերի հրթիռային ուժերը բարձրակարգ ռազմական գործողություն են իրականացրել Լոդ օդանավակայանում, որը Իսրայելը անվանում է Բեն Գուրիոնի օդանավակայան, հարվածելու համար՝ օգտագործելով հիպերձայնային բալիստիկ հրթիռ։ Հրթիռը հաջողությամբ հասել է իր նշանակետին, ինչի հետևանքով օդանավակայանում երթևեկությունը մոտ մեկ ժամով կանգ է առել», - նշել է նա։

Այս ֆոնին Իսրայելի պաշտպանության նախարար Իսրայել Կացը զգուշացրել է, որ իր երկիրը կարձագանքի այս հարձակմանը, հաղորդում է Сегодня в Израиле պորտալը։

«Հուսիթները շարունակում են իրանական հրթիռներ արձակել Իսրայելի ուղղությամբ։ Ինչպես խոստացել էինք, մենք կպատասխանենք Եմենում և ցանկացած այլ վայրում, որտեղ դա անհրաժեշտ կլինի», - ասաց Կացը։

Պաշտոնական վիճակագրության համաձայն` 2025 թվականի ապրիլին նախորդ տարվա ապրիլի համեմատ բանջարեղենը թանկացել է 17.9%-ով, միրգը` 7.9%-ով: Մտահոգիչ է նաև այն փաստը, որ բանջարեղենի և մրգի գները բարձրացել են նաև այս տարվա մարտի համեմատ, այսինքն` շարունակվող գնաճ ունենք սննդի ոլորտում: Այս մասին իր տելեգրամյան ալիքում գրել է տնտեսագետ Սուրեն Պարսյանը։

«Պաշտոնական թվերով Հայաստանում յուրաքանչյուր 4-րդ մարդը աղքատ է, ով իր եկամտի մեծ մասը ծախսում է սննդամթերքի վրա, այդ թվում` բանջարեղեն գնելու համար, որի գները երկնիշ թվերով աճում են: Հետևաբար, աղքատությունը էլ ավելի է սրվում: Իսկ բանջարեղենի և մրգի գնաճի հիմնական պատճառը ձախողված գյուղատնտեսական քաղաքականությունն է, որը շտապ վերանայման կարիք ունի: Ուշագրավ է նաև այն փաստ, որը Հայաստանում արտադրվող մի շարք բանջարեղենների գները կտրուկ աճել են, մասնավորապես` հայաստանցիների կողմից շատ սպառվող կարտոֆիլի գինը աճել է 47%, վարունգինը` 16,6%, խնձորինը` 16,4%, ելակինը` 23,7%, և այլն»:

Հնդկական Cox & Kings տուրիստական ​​գործակալությունը հայտարարել է դեպի Ադրբեջան, Ուզբեկստան և Թուրքիա բոլոր տուր փաթեթների վաճառքը դադարեցնելու որոշման մասին՝ հաշվի առնելով ներկայիս աշխարհաքաղաքական իրավիճակը և երկրում տիրող ընդհանուր տրամադրությունները։ Այս մասին հաղորդում է Hindustan Times-ը։

Ընկերության տնօրեն Կարան Ագարվալն ասել է. «Մենք նաև հնդիկ ճանապարհորդներին խորհուրդ ենք տալիս զգույշ լինել և խուսափել այս ուղղություններով ոչ էական ուղևորություններից, մինչև ավելի լայն աշխարհաքաղաքական միջավայրում ավելի մեծ պարզություն և համաձայնեցում չլինի»։

Ինչպես գրում է Loktej English-ը, մեկ այլ հարթակ՝ EaseMyTrip-ը, զգուշացրել է ճանապարհորդներին, որ Թուրքիան և Ադրբեջանն աջակցություն են հայտնել Պակիստանին, և հաճախորդներին խորհուրդ է տրվում այդ երկրներ մեկնել միայն ծայրահեղ անհրաժեշտության դեպքում։

Travomint ընկերությունը նույնիսկ հայտարարել է դեպի Թուրքիա և Ադրբեջան զբոսաշրջային փաթեթների վաճառքի լիակատար դադարեցման մասին։ Ընկերությունը աջակցել է այդ երկրներ ուղևորությունները բոյկոտելու համազգային կոչին՝ աճող դիվանագիտական ​​լարվածության ֆոնին։ Նրանք հավելել են, որ այս երթուղիներով ամրագրումները չեղարկող հաճախորդներից վճար չի գանձվի։

Պետք է նշել, որ Հնդկաստանի հետ հակամարտության մեջ Ադրբեջանն ու Թուրքիան բացահայտորեն կողմ են եղել Պակիստանին։

Չե'մ լսել, որ վարչապետը «համբալ» է ասել, չե'մ հավատում.

Լուսինե Բադալյան