Մայիսի 9-ին՝ ժամը 22:20-ի սահմաններում, Ադրբեջանի ԶՈՒ ստորաբաժանումները կրակ են բացել Սյունիքի մարզի Խնածախ բնակավայրի ուղղությամբ, ինչի հետևանքով վնասվել է բնակելի տան տանիքը։ Տուժածներ չկան:

Այս մասին հայտնում են ՀՀ ՊՆ-ից։

Ադրբեջանական կողմին կոչ ենք անում հետաքննել Խնածախի բնակելի տան գնդակոծման փաստը և հանդես գալ հրապարակային պարզաբանումներով։

Պակիստանը հայտարարել է Հնդկաստանի դեմ լայնածավալ ռազմական գործողություն սկսելու մասին։

Հրթիռային հարվածներ են հասցվել Ջամմու և Քաշմիր նահանգին, Պակիստանի իրականացրած հարձակման հետևանքով զոհվել է հինգ մարդ, այդ թվում՝ բարձրաստիճան պաշտոնյա։

Փոխհրաձգություններ են եղել սահմանին։ Հնդկաստանի բանակը նաև հայտնել է երկրի հյուսիսային և արևմտյան սահմանների երկայնքով անօդաչու թռչող սարքերի հարձակումները հետ մղելու մասին։

Պակիստանի պաշտպանության նախարար Խավաջա Ասիֆը հայտարարել է, որ Իսլամաբադն «այլընտրանք չունի, քան Հնդկաստանի դեմ լայնածավալ պատերազմ սկսելը»։

«Մենք այլ տարբերակ չունենք։ Մենք պետք է նույն մետաղադրամով նրանց հատուցենք», – ասել է նա:

Հնդկական մի շարք տուրիստական ​​գործակալություններ հայտարարել են Ադրբեջան և Թուրքիա բոլոր տուրիստական ​​փաթեթների վաճառքը դադարեցնելու որոշման մասին՝ ելնելով ներկա աշխարհաքաղաքական իրավիճակից և երկրում տիրող ավելի լայն տրամադրություններից: Այս մասին հայտնում է Hindustan Times-ը։

Հնդկական Cox & Kings տուրիստական ​​գործակալություն տնօրեն Կարան Ագարվալն ասել է.
«Մենք նաև հնդիկ ճանապարհորդներին խորհուրդ ենք տալիս զգույշ լինել և խուսափել բոլոր ոչ էական ճանապարհորդություններից այս ուղղություններով, քանի դեռ ավելի լայն աշխարհաքաղաքական միջավայրում ավելի հստակություն և դասավորվածություն չի նկատվում»:

Ինչպես գրում է Loktej English-ը, մեկ այլ հարթակ՝ EaseMyTrip-ը նախազգուշացրել է ճանապարհորդներին, որ Թուրքիան և Ադրբեջանը աջակցություն են հայտնել Պակիստանին, և հաճախորդներին խորհուրդ է տրվում դիտարկել դեպի այդ երկրներ մեկնելը միայն խիստ անհրաժեշտության դեպքում։

Նշենք, որ Հնդկաստանի հետ հակամարտությունում Ադրբեջանը և Թուրքիան բացահայտորեն աջակցում են Պակիստանին։

Պակիստանի պաշտպանության նախարար Խավաջա Ասիֆը հայտարարել է, որ Իսլամաբադն «այլընտրանք չունի, քան Հնդկաստանի դեմ լայնածավալ պատերազմ սկսելը»։

Թուրքիայի արտաքին գործերի նախարար Հաքան Ֆիդանն առաջին անգամ բացահայտել է, որ իր դեմ մահափորձ է իրականացվել։

«Իմ դեմ 4-5 տարի առաջ մահափորձ է եղել, «Ինձ մեծ չափաբաժիններով մկնդեղ և սնդիկ են տվել, և դա հետո բացահայտվել է անալիզների ժամանակ»,- «24»-ի ուղիղ եթերում ասել է Թուրքիայի արտաքին գործերի նախարարը։

Հարցին, թե ո՞վ է դա արել, Ֆիդանը պատասխանել է. «Եկեք մանրամասների մեջ չմտնենք, թշնամիներ կան ոչ միայն երկրի ներսում, «Թշնամիներ կան ամեն տեղ»: 

Հիշեցնենք, որ այդ ժամանակ Հաքան Ֆիդանը զբաղեցնում էր Թուրքիայի Ազգային հետախուզական կազմակերպության ղեկավարի պաշտոնը։

ԱՄՆ քաղաքացիներին, ովքեր գտնվում են Ուկրաինայում, զգուշացվում է բարձր սպառնալիքի մասին։ Ամերիկացիներին կոչ է արվում պատրաստ լինել ապաստան փնտրելու օդային հարձակման ահազանգի դեպքում:

Այս մասին ասվում է Ուկրաինայում ԱՄՆ դեսպանատան հայտարարության մեջ։

«Կիևում ԱՄՆ դեսպանատունը տեղեկություն է ստացել պոտենցիալ լուրջ օդային հարձակման մասին, որը կարող է տեղի ունենալ ցանկացած պահի, առաջիկա մի քանի օրվա ընթացքում: Դեսպանությունը, ինչպես միշտ, խորհուրդ է տալիս ԱՄՆ քաղաքացիներին պատրաստ լինել անհապաղ ապաստան գտնել օդային հարձակման ահազանգի դեպքում», – ասվում է հայտարարության մեջ:

Նպատակահարմար չի համարվել. Tert.am-ի հարցին, թե ինչու այսօր ՀՀ-ից զորախումբ չի մասնակցել Մոսկվայի շքերթին պատասխանել է վարչապետ Նիկոլ Փաշինյանի խոսնակ Նազելի Բաղդասարյանը։

Հիշեցնենք, որ այսօր վարչապետ Փաշինյանը Հայրենական մեծ պատերազմի հաղթանակի 80-ամյակին նվիրված զորահանդեսին է մասնակցել Մոսկվայում։

Ռուսաստանի և Բրազիլիայի նախագահներ Վլադիմիր Պուտինը և Լուիս Ինասիո Լուլա դա Սիլվան մայիսի 9-ին իրենց հանդիպման ժամանակ կքննարկեն BRICS-ի և խմբի ղեկավարների եզրափակիչ գագաթնաժողովի հետ կապված հարցեր։ Ինչպես տեղեկացնում է  «ՌԻԱ Նովոստի»-ն, այդ մասին ասել է Բրազիլիայի արտգործնախարար Մաուրո Վիեյրան։

« Վստահ եմ, որ երկու նախագահներն էլ շահագրգռված կլինեն կարծիքներ և տեսակետներ փոխանակել գալիք գագաթնաժողովի վերաբերյալ»,- ասել է Վիեյրան։

Նախարարը հիշեցրել է, որ Բրազիլիայի համար BRICS-ը կառույց է, որը թույլ է տալիս համակարգել զարգացող երկրների և գլոբալ հարավի երկրների նախաձեռնությունները։ Բրազիլիան, որն այս տարի նախագահում է BRICS-ը, մի շարք նախաձեռնություններ և առաջարկներ ունի բազմաթիվ ոլորտներում՝ առողջապահությունից մինչև միջազգային առևտուր, գիտություն և տեխնոլոգիաներ:

BRICS-ի գագաթնաժողովը կանցկացվի հուլիսի 6-7-ը Ռիո դե Ժանեյրոյում։

KSA Expats 2025 թվականի ապրիլյան տվյալների համաձայն՝ Հայաստանում բենզինը տարածաշրջանում ամենաթանկն է։

Հայաստանը համաշխարհային վարկանիշային աղյուսակում զբաղեցնում է 94-րդ տեղը։ Այստեղ բենզինի մեկ լիտրն արժե 1,343 դոլար։

Վրաստանում այս վառելիքն արժե մեկ լիտրի համար 1.117 դոլար (57-րդ տեղ), Ադրբեջանում՝ 0.647 դոլար (17-րդ տեղ), Թուրքիայում՝ 1.173 դոլար (67-րդ տեղ), Իրանում՝ 0.029 դոլար (աշխարհում 2-րդ տեղը):

Ներկայացված տվյալների համաձայն՝ աշխարհում ամենաէժան բենզինը կարելի է գնել Լիբիայում՝ 0.027 դոլար/լիտրով։

ԱԺ նախկին փոխնախագահ Էդուարդ Շարմազանովը քննադատությամբ է հանդես եկել ՔՊ ներկայացուցիչների հասցեին՝ զարմանք հայտնելով, որ նրանք մասնակցում են «Հաղթանակ» զբոսայգու միջոցառումներին։ Նրա խոսքով, իշխանությունների վարքագիծը հակասում է եռատոնի արժեքներին, հատկապես երբ հաշվի առնենք Շուշիի կորստի և Արցախի բանակի լուծարման փաստերը։

Շարմազանովը հիշեցրել է, որ Նիկոլ Փաշինյանը Պրահայում փաստացի ճանաչել է Արցախը Ադրբեջանի կազմում, ինչը, ըստ նրա, լիովին հակասում է մայիսի 9-ի խորհուրդին։ Նա Փաշինյանին բնութագրել է որպես «պատմության մեջ կապիտուլյանտ» և ընդգծել՝ այսօր տոնին զուգահեռ ազգը կրում է խոր ցավ։

ԱԺ նախկին խոսնակը  նաև կոչ է արել բոլոր ազգային ուժերին միավորվել և ստեղծել հստակ ծրագիր՝ ելնելով հայրենիքի շահերից։ Անդրադառնալով վարչապետի մոսկովյան այցին՝ Շարմազանովը կարծիք է հայտնել, որ Փաշինյանը փորձում է հավասարակշռություն պահել միջազգային զարգացումների ֆոնին՝ սպասելով Ուկրաինայի ճգնաժամի հանգուցալուծմանը։ Նրա խոսքով, եթե Ռուսաստանը հաղթի, Փաշինյանը կրկին կփորձի ջերմացնել հարաբերությունները Կրեմլի հետ, իսկ եթե ոչ՝ կշարունակի հակառուսական հռետորաբանությունը։

Շարմազանովն ընդգծել է, որ վարչապետը, ըստ իրեն, գործում է Թուրքիայի շահերին համահունչ և Հայաստանը վերածել է թուրքական շահերի սպասարկման հարթակի։