Ուկրաինայի նախագահ Վլադիմիր Զելենսկին պատմել է ԱՄՆ նախագահ Դոնալդ Թրամփի հետ երեկվա զրույցի մանրամասները:

«Մենք զրուցեցինք նախագահի հետ համատեղ գործողությունների մասին՝ այդքան անհրաժեշտ ԱՄՆ-ի աջակցության և Ռուսաստանի վրա գործադրվող ճնշման՝ հանուն խաղաղության։ Քննարկեցինք ճակատային գծերում ստեղծված իրավիճակը։ Քննարկեցինք նաև դիվանագիտական ջանքերը։

Զրուցեցինք այն մասին, թե ինչպես կարելի է մոտեցնել իրական և երկարատև հրադադարի հաստատումը՝ գոնե 30 օրով։ Դա կարող է մեծ հնարավորություններ բացել դիվանագիտության համար։ Ուկրաինան պատրաստ է ամբողջական հրադադարի՝ հենց այս պահից սկսած, առնվազն 30-օրյա լռություն։ Բայց այն պետք է լինի իրական։ Ո՛չ մի հրթիռային կամ անօդաչու հարձակում, ո՛չ մի հարյուրավոր գրոհներ ճակատում», - ասել է Զելենսկին։

Նրա խոսքով՝ ռուսական կողմը պետք է համարժեք արձագանքի՝ աջակցելով հրադադարին։

«Նրանք պետք է ապացուցեն իրենց պատրաստակամությունը՝ պատերազմը դադարեցնելու հարցում։ Սա առաջին դեպքը չէ, երբ մենք նման առաջարկ ենք անում, բայց կրկին առաջարկում ենք։ Երեսուն օր, որոնք կարող են դառնալ խաղաղության տարիների սկիզբ։ Երկարատև և վստահելի հրադադարը կլինի խաղաղության ուղղությամբ առաջընթացի իրական ցուցանիշ։ Ամերիկան կարող է օգնել դրանում։ Աշխարհը հիմա Ամերիկայի կարիքը ունի այնպես, ինչպես ութսուն տարի առաջ», - ասել է Զելենսկին։

ՀՀ երրորդ նախագահ, ՀՀԿ նախագահ Սերժ Սարգսյանի անունից այսօր Հաղթանակի և խաղաղության տոնի, ինչպես նաև Հայրենական մեծ պատերազմում հաղթանակի 80-ամյակի առթիվ Երևանի «Հաղթանակ» զբոսայգում ծաղկեպսակ է դրվել Անհայտ զինվորի հուշարձանին:

Այսօր` Հաղթանակի օրը, մենք հիշում ու հարգանքի տուրք ենք մատուցում Երկրորդ համաշխարհային պատերազմի հայ և ամերիկացի հերոսներին՝ նրանց խիզախության ու զոհաբերության համար։ Այս մասին ասված է ՀՀ-ում ԱՄՆ դեսպանատան ուղերձում։

Արցախի հանրապետության նախագահ Սամվել Շահրամանյանը՝ Արցախի բարձրաստիճան պաշտոնյաների և հոգևոր դասի ներկայացուցիչների հետ այցելել են Եռաբլուր։ 

 Նրանք ծաղիկներ են խոնարհել Վազգեն Սարգսյանի, Մոնթեի, ինչպես նաև Արցախյան ազատամարտի տարիներին զոհված մյուս հերոսների շիրիմներին։ 
Նշենք, որ այսօր Շուշիի ազատագրման օրն է, 33 տարի առաջ մայիսի 8-ի լույս 9-ի գիշերը Արցախի պաշտպանության ուժերը ազատագրեցին Շուշին։

Հա՛րգելի հայրենակիցներ, վստահ եմ, որ մեր փառահեղ հաղթանակների և ծանր կորուստների դասերը մեզ ուժ են տալու, և միասին կառուցելու ենք ավելի հզոր և խաղաղ Հայաստան»:

Նիկոլ Փաշինյանը Մայիսի 9-ի առթիվ ուղերձ է հղել. «Սիրելի՛ ժողովուրդ, Հայաստանի Հանրապետության սիրելի՛ քաղաքացիներ,

Այդ հաղթանակի գործում իր ներդրումն է ունեցել նաեւ հայ ժողովուրդը` Խորհրդային Միության, արեւմտյան դաշնակցային բանակներում եւ ընդհատակյա դիմադրական խմբերում: Այսօր մենք հարգանքի տուրք ենք մատուցում մեր այդ բոլոր հայրենակիցներին։ Այս օրն աշխարհը նաեւ առերեսվում է նացիզմի, ֆաշիզմի, տոտալիտարիզմի եւ նրա բոլոր դրսեւորումների վտանգավորության հետ, որը հակոտնյա է անհատի, ժողովրդի, պետության ազատության եւ երջանկության հետ, որի առանցքային նպատակը գերիշխելը, պատերազմներ հրահրելն ու ազատությունները սահմանափակելն է։

Հայաստանի Հանրապետությունը գնում է այլ` ազատության, ժողովրդավարության, խաղաղության ճանապարհով։ Սա ամենեւին էլ հեշտ ճանապարհ չէ, բայց ճանապարհ է, որն արժե անցնել ու այդ ճանապարհը լիարժեք անցնելու եւ անշրջելի հանգրվանի հասնելու համար անհրաժեշտ է համոզվածություն, հավատ, շրջահայացություն եւ հետեւողականություն։ Այդ ճանապարհն անցնելու համար անհրաժեշտ է համարձակ, անկեղծ եւ ամբողջական ինքնահայեցում, սեփական պատմությունը կարդալու, սերտելու եւ մեր պատմությունից մեզ ուղղվող ուղերձներն ընթերցելու եւ ընկալելու կարողություն։

Վերջին տարիների իմ գործունեության մի զգալի մասը նվիրում եմ Իրական Հայաստանի գաղափարախոսության մասին Հայաստանի Հանրապետության քաղաքացիների հետ քննարկումներին։ Սա չափազանց կարեւոր գործընթաց է։ Իրական Հայաստանի գաղափարախոսությունը հենց մեր պատմությունն ընթերցելու եւ վերընթերցելու արդյունք է, Իրական Հայաստանի գաղափարախոսությունը Պատմական Հայաստանի՝ մեզ ուղղված ուղերձների ընթերցման արդյունք է, որը մեզ ասում է․ մի գնացեք իմ ճանապարհով, այլ կենտրոնացեք մեր երազանքների երկրում` Հայաստանի Հանրապետությունում ազատություն, երջանկություն, բարեկեցություն կառուցելու, եւ այդ երջանիկ պետությունը սերնդեսերունդ փոխանցելու խնդրի վրա։ Այսօր մենք ունենք այդ հնարավորությունը եւ պարտավոր ենք իրացնել այդ հնարավորությունը։

Այսօր մենք ունենք նաեւ մեր տարածաշրջանի խաղաղ ու բարեկեցիկ ապագայի գործում մեր բաժին ներդրումն ունենալու հնարավորություն. Հայաստանի եւ Ադրբեջանի միջեւ Խաղաղության եւ միջպետական հարաբերությունների հաստատման մասին համաձայնագրի նախագիծը համաձայնեցված է եւ սպասում է ստորագրման, ու մենք գնալու ենք այդ ճանապարհով։ Մեր տարածաշրջանը վաստակել է խաղաղության ու բարեկեցության մեջ ապրելու իրավունքը եւ այդպես էլ պետք է լինի։

Ի հեճուկս բոլոր ներքին եւ արտաքին սադրանքների, Հայաստանի Հանրապետության եւ Ադրբեջանի Հանրապետության միջեւ պատերազմ չի ՛ լինելու, լինելո՛ ւ է խաղաղություն։

Փա՛ռք նահատակներին եւ կեցցե՛ Հայաստանի Հանրապետությունը»։

Ռուսաստանի նախագահ Վլադիմիր Պուտինը Կարմիր հրապարակում կայանալիք շքերթից առաջ անձամբ ողջունել է օտարերկրյա առաջնորդներին՝ հրավիրված որպես հյուրեր՝ նշելու Հայրենական մեծ պատերազմում հաղթանակի 80-ամյակը:

Պուտինը հերթով դիմավորել է իր գործընկերներին Կրեմլի դահլիճում։ Պետությունների ղեկավարները փոխանակվել են ողջույններով և միասին լուսանկարվել։

Շքերթին, մասնավորապես, մասնակցելու են ՀՀ վարչապետ Նիկոլ Փաշինյանը, Չինաստանի ղեկավար Սի Ծինփինը, Վենեսուելայի առաջնորդ Նիկոլաս Մադուրոն, Սերբիայի նախագահ Ալեքսանդր Վուչիչը, Բրազիլիայի նախագահ Լուիս Ինասիու Լուլա դա Սիլվան, Ղազախստանի նախագահ Կասիմ-Ժոմարտ Տոկաևը, Ուզբեկստանի նախագահ Շավքաթ Միրզիյոևը, Ղրղզստանի ղեկավար Սադիր Ժապարովը, Աբխազիայի նախագահ Բադրա Գունբան, ինչպես նաև այլ երկրների ղեկավարներ, այդ թվում՝ աֆրիկյան պետություններից։

Մոսկվայի ժամանակով մոտավորապես 10:00-ին առաջնորդները միասին կտեղափոխվեն կենտրոնական տրիբունա, որտեղից կհետևեն շքերթին։