ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Ռուսաստանը կողջունի իր տարածքում չինական արտադրությունների հիմնումը․ հայտարարել է ՌԴ նախագահ Վլադիմիր Պուտինը Չինաստանի նախագահ Սի Ցզինպինի հետ հանդիպմանը:
«Ռուսաստանը դարձել է չինական ավտոմեքենաների գլխավոր ներկրողն աշխարհում։ Մոսկվան պատրաստ է Ռուսաստանում հարմարավետ պայմաններ ապահովել Չինաստանի ընկերությունների գործունեության համար»,- ասել է նա։
Պատերազմից հետո Կրեմլի խոշորագույն առևտրային գործընկերը դարձած Չինաստանը դեռևս ձեռնպահ է մնում ռուսական տնտեսության իրական հատվածում նշանակալի ներդրումներից:
Հռոմի նորընտիր պապ Լեո XIV-ը ուղերձով դիմել է հավատացյալներին։ Նա, մասնավորապես, նշել է․
«Պապը միշտ օրհնում է ամբողջ աշխարհը։ Հիմա ես ուզում եմ հնարավորություն ունենալ նույն օրհնությունը տալ ձեզ, որովհետև Աստված սիրում է ձեզ, Աստված սիրում է ձեզ բոլորիդ։
Մենք բոլորս Աստծո սիրելի զավակներն ենք։ Ուրեմն եկեք միասնական լինենք և միասին քայլենք։ Մենք Հիսուս Քրիստոսի աշակերտներն ենք։ Հիսուս Քրիստոսը մեր առջևով է քայլում, մենք հետևում ենք նրան։
Ես Սուրբ Օգոստինոսի որդին եմ, ավգուստինցի, բայց ձեզ հետ միասին ես քրիստոնյա եմ։ Եվ այս իմաստով մենք բոլորս պետք է միասին գնանք դեպի այն ճշմարիտ հավատքը, որի համար Աստված մեզ պատրաստել է։ Թող Ամենակարող Աստծո՝ Հոր, Որդու և Սուրբ Հոգու օրհնությունները լինեն ձեզ վրա և միշտ ձեզ հետ լինեն»։
Ռուսաստանի նախագահ Վլադիմիր Պուտինը շնորհավորական ուղերձ է հղել նորընտիր Հռոմի պապ Լևոն XIV-ին։
«Ձերդ Սրբություն, խնդրում եմ ընդունեք իմ սրտանց շնորհավորանքները Հռոմի պապ ընտրվելու կապակցությամբ։ Վստահ եմ, որ Ռուսաստանի և Վատիկանի միջև հաստատված կառուցողական երկխոսությունն ու համագործակցությունը կշարունակեն զարգանալ մեզ միավորող քրիստոնեական արժեքների հիման վրա», - ասվում է Կրեմլի կայքում հինգշաբթի երեկոյան տեղադրված փաստաթղթում։
Պուտինը Լևոն XIV-ին մաղթել է հաջողություններ իր բարձր առաքելության կատարման գործում, ինչպես նաև քաջ առողջություն և բարգավաճում։
Մայիսի 9-ը սուրբ օր է, Նացիզմի դեմ հաղթանակը ձեռք է բերվել Եվրոպայի, ԱՄՆ-ի, Աֆրիկայի, Ասիա-Խաղաղօվկիանոսյան տարածաշրջանի և Լատինական Ամերիկայի ժողովուրդների համատեղ ջանքերով, հայտարարել է Պուտինը Հաղթանակի 80-ամյակը նշելու ժամանած հյուրերի առջև իր ելույթում:
«ՄԱԿ-ի նշանակությունն այժմ կրկին մեծանում է, ոչ ոք չի կարողանա զրպարտել հաղթանակի մեջ ԽՍՀՄ-ի վճռորոշ դերի մասին պատմական ճշմարտությունը, Ռուսաստանի Դաշնությունը կոչ է անում ողջ միջազգային հանրությանը համերաշխություն դրսևորել առկա խնդիրների լուծման գործում»,-հավելել է նա։
Ռուսաստանի նախագահ Վլադիմիր Պուտինն անձամբ է դիմավորում Կրեմլ ժամանող օտարերկրյա պետությունների ղեկավարներին՝ Հաղթանակի 80-ամյակին նվիրված պաշտոնական ընթրիքի և համերգի համար, հաղորդում է ՏԱՍՍ-ի թղթակիցը։
Պուտինը ջերմորեն ողջունում է իր գործընկերներին, սեղմում է նրանցից յուրաքանչյուրի ձեռքը, փոխանակվում ողջույններով և համատեղ լուսանկարվում։ Ռուսաստանի նախագահը նրանցից ոմանց հետ հանդիպման ժամանակ բարեկամական գրկախառնություն արեց, օրինակ՝ Բրազիլիայի առաջնորդ Լուիս Ինասիո Լուլա դա Սիլվան, Կուբայի նախագահ Միգել Դիաս-Կանելին և ԱՊՀ երկրների որոշ առաջնորդներ։
Պուտինը հատկապես երկար ձեռքսեղմում փոխանակեց Սերբիայի նախագահ Ալեքսանդր Վուչիչի հետ։
Պուտինը ծաղկեփնջեր է նվիրում պատվիրակությունների կազմում ժամանող կանանց։ Օրինակ՝ ծացկեփունջ է նվիրել Վենեսուելայի նախագահի կինը։
2025 թվականի առաջին եռամսյակում Հայաստանում 10%-ով աճել է գյուղմթերքի արտադրությունը, ինչը ԵԱՏՄ անդամ երկրների շարքում ամենաբարձր ցուցանիշն է։
Եվրասիական տնտեսական միությունը միջազգային ինտեգրացիոն տնտեսական միավորում է, որը գործում է 2015 թվականի հունվարի 1-ից: Միության անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը:
Ռուսաստանն ու ԱՄՆ-ն շարժվում են դեպի ՌԴ նախագահ Վլադիմիր Պուտինի և ԱՄՆ նախագահ Դոնալդ Թրամփի երկկողմ հանդիպում: Այս մասին հայտարարել է ՌԴ նախագահի օգնական Յուրի Ուշակովը «Ռոսիա 1»-ի լրագրող Պավել Զարուբինին։
ԱՄՆ նախագահ Դոնալդ Թրամփն իր պաշտոնավարման առաջին 100 օրվա ընթացքում հեռախոսազրույցներ է ունեցել Ռուսաստանի նախագահ Վլադիմիր Պուտինի հետ, բացի այդ, ռուս և ամերիկացի պաշտոնյաները հանդիպել են Սաուդյան Արաբիայում և Թուրքիայում: Կողմերն ակտիվորեն աշխատում են իրենց դեսպանատների բնականոն աշխատանքը վերականգնելու ուղղությամբ, ինչպես նաև քննարկում են ԱՄՆ-ի և Ռուսաստանի միջև ուղիղ չվերթերը վերսկսելու հարցը:
ԱՄՆ նախագահ Դոնալդ Թրամփը շնորհավորել է նոր Պապին ընտրվելու կապակցությամբ: Նա համապատասխան գրառում է հրապարակել Truth Social-ի իր էջում:
«Ինձ համար մեծ պատիվ է իմանալ, որ նա առաջին ամերիկացի Պապն է: Ինչպիսի հուզմունք և ինչպիսի մեծ պատիվ մեր երկրի համար: «Անհամբերությամբ սպասում եմ Հռոմի Լեո XIV-ի հետ հանդիպմանը»,- գրել է Թրամփը:
Հիշեցնենք, որ քիչ առաջ հայտնի դարձավ, որ Հռոմի նոր Պապ է ընտրվել ամերիկացի կարդինալ Ռոբերտ Պրևոստը։
Նա վերցրել է Լեո XIV անունը:
Հայտնի է Հռոմի նոր Պապի անունը: Հռոմի նոր պապ է ընտրվել ամերիկացի կարդինալ Ռոբերտ Պրևոստը։
Նա վերցրել է Լեո XIV անունը
Նոր պապի անունը հայտնի է` ԱՄՆ-ից կարդինալ Ռոբերտ Պրևոստը։
Նա պատմության մեջ առաջին ամերիկացի պոնտիֆիկոսն է, որը այսուհետ կկոչվի Լեո XIV անունով։
Ֆոտո
